ഏഴു വയസ്സുകാരിയെ പീഡിപ്പിച്ച കേസ്​ വിധിപറയുന്നത്​ മാറ്റി

തലശ്ശേരി: ഓറഞ്ചും പഴവും നൽകാമെന്നു പറഞ്ഞ്​ ഏഴു വയസ്സുകാരിയെ പീഡിപ്പിച്ച കേസില്‍ വിധിപറയുന്നത്​ അഡീഷനല്‍ ജില്ല സെഷന്‍സ് (ഒന്ന്) കോടതി ജഡ്ജി ശ്രീകല സുരേഷ് ഡിസംബർ എട്ടിലേക്ക്​ മാറ്റി. ബുധനാഴ്ച വിധിപറയാൻ വെച്ചതായിരുന്നു. പൊന്ന്യം വെസ്​റ്റ്​  മലാലിലെ ശ്രീജി നിവാസില്‍ ചിമ്മാലി ശ്രീധരനാണ് പ്രതി.

2013 മാര്‍ച്ച് അഞ്ചിനായിരുന്നു കേസിനാസ്പദമായ സംഭവം. പ്രതിയുടെ മകളുടെ മകനോടൊപ്പം കളിക്കാന്‍ വീട്ടിലെത്തിയ ബാലികയെ പീഡനത്തിന്​ ഇരയാക്കുകയായിരുന്നു. ഒരുമാസത്തിന് ശേഷമാണ് വിവരം പുറത്തുവന്നത്​. തുടർന്ന്​​ പൊലീസ്​ കേസെടുക്കുകയായിരുന്നു. പ്രോസിക്യൂഷനുവേണ്ടി അഡ്വ. എം.ജെ. ജോണ്‍സൻ​ ഹാജരായി.