മലപ്പുറം രക്ഷാപ്രവർത്തകരെ അഭിനന്ദിച്ച്​ നടൻ സൂര്യ

കരിപ്പൂർ വിമാനാപകട​ത്തിൽപെട്ടവരെ കോവിഡ്​ ഭീതി വകവെക്കാതെ ആശുപത്രിയിലെത്തിച്ച മലപ്പുറത്തുകാരെ അഭിനന്ദിച്ച്​ തമിഴ്​ സൂപ്പർ താരം സൂര്യ ശിവകുമാർ. ദുരന്തത്തി​െൻറ ആഴം കുറച്ച ​പൈലറ്റുമാർക്ക്​ ​പ്രണാമം അർപ്പിച്ച താരം മരിച്ചവരുടെ കുടുംബത്തി​െൻറ ദുഖത്തിൽ പങ്കുചേരുന്നതായും ഫേസ്​ബുക്കിൽ കുറിച്ചു.

'' വേദനിക്കുന്ന കുടുംബാംഗങ്ങളോട്​​ അനുശോചനം അറിയിക്കുന്നു. പരിക്കേറ്റവർ എത്രയും പെ​ട്ടെന്ന്​ ആരോഗ്യം വീണ്ടെടുക്കെ​ട്ടെയെന്ന്​ പ്രാർഥിക്കുന്നു. രക്ഷാപ്രവർത്തനത്തിന്​ ഇറങ്ങിയ മലപ്പുറം ജനതക്ക്​ അഭിനന്ദനങ്ങൾ. പൈലറ്റുമാർക്ക്​ പ്രണാമം''- സൂര്യ ഫേസ്​ബുക്കിൽ കുറിച്ചു.

ലാൻറിങ്ങിനിടെ സംഭവിച്ച വിമാനാപകടത്തിൽ പൈലറ്റ്​ അടക്കം18 പേർ മരിച്ചിരുന്നു. പരിക്കേറ്റ്​ ചികിത്സയിലുള്ള 109 പേരിൽ 23 പേർ ഗുരുതരാവസ്​ഥയിലാണ്​. രക്ഷാപ്രവർത്തനത്തിന്​ എത്തിച്ചേർന്ന നാട്ടുകാരെ നിരവധി പേർ അഭിനന്ദിച്ചിരുന്നു.