രാഹുൽ ഗാന്ധിയെ കോൺഗ്രസ് അധ്യക്ഷനാക്കണമെന്ന് തമിഴ്​നാട്​, മഹാരാഷ്ട്ര, ബിഹാർ കോൺഗ്രസ്​

ചെ​ന്നൈ​/​മും​ബൈ/​പ​ട്ന: രാ​ഹു​ൽ ഗാ​ന്ധി കോ​ൺ​ഗ്ര​സ് അ​ധ്യ​ക്ഷ​നാ​വ​ണ​മെ​ന്ന പ്ര​മേ​യ​വു​മാ​യി കൂ​ടു​ത​ൽ സം​സ്ഥാ​ന​ങ്ങ​ൾ. ത​മി​ഴ്​​നാ​ട്, മ​ഹാ​രാ​ഷ്ട്ര, ബി​ഹാ​ർ കോ​ൺ​ഗ്ര​സ്​ ക​മ്മി​റ്റി​ക​ളാ​ണ് തി​ങ്ക​ളാ​ഴ്ച ഐ​ക​ക​ണ്ഠ്യേ​ന രാ​ഹു​ലി​നാ​യി പ്ര​മേ​യം പാ​സാ​ക്കി​യ​ത്. രാ​ജ​സ്ഥാ​ൻ, ഛത്തി​സ്​​ഗ​ഢ്, ഗു​ജ​റാ​ത്ത്​ കോ​ൺ​ഗ്ര​സ്​ ക​മ്മി​റ്റി​ക​ൾ നേ​ര​ത്തേ​ പ്ര​മേ​യം പാ​സാ​ക്കി​യി​രു​ന്നു.

2024ലെ ​ലോ​ക്‌​സ​ഭ തെ​ര​ഞ്ഞെ​ടു​പ്പി​ൽ മ​ത​നി​ര​പേ​ക്ഷ-​ജ​നാ​ധി​പ​ത്യ ശ​ക്തി​ക​ളു​ടെ വി​ജ​യ​ത്തി​നാ​യി പാ​ർ​ട്ടി​യെ ന​യി​ക്കാ​ൻ രാ​ഹു​ൽ ഗാ​ന്ധി​യോ​ട് അ​ഭ്യ​ർ​ഥി​ക്കു​ന്ന പ്ര​മേ​യ​വും ത​മി​ഴ്​​നാ​ട്​ കോ​ൺ​ഗ്ര​സ്​ ക​മ്മി​റ്റി ജ​ന​റ​ൽ കൗ​ൺ​സി​ൽ യോ​ഗം പാ​സാ​ക്കി. വ​ർ​ഗീ​യ​ത​യി​ൽ അ​ധി​ഷ്ഠി​ത​മാ​യ അ​സാ​ധാ​ര​ണ​മാ​യ സാ​ഹ​ച​ര്യ​ത്തി​ലാ​ണ്​ ദേ​ശീ​യ രാ​ഷ്ട്രീ​യം ക​ട​ന്നു​പോ​കു​ന്ന​തെ​ന്നും ഇ​ത്​ രാ​ജ്യ​ത്തി​ന്‍റെ ഐ​ക്യ​ത്തി​നും അ​ഖ​ണ്ഡ​ത​ക്കും വി​ക​സ​ന​ത്തി​നും ദോ​ഷം ചെ​യ്യു​മെ​ന്നും പ്ര​ത്യേ​ക സാ​ഹ​ച​ര്യ​ത്തി​ൽ രാ​ഹു​ൽ ഗാ​ന്ധി​യെ പാ​ർ​ട്ടി അ​ധ്യ​ക്ഷ​നാ​യി എ.​ഐ.​സി.​സി ഐ​ക​ക​ണ്ഠ്യേ​ന തെ​ര​ഞ്ഞെ​ടു​ക്ക​ണ​മെ​ന്നും യോ​ഗം അ​ഭി​പ്രാ​യ​പ്പെ​ട്ടു. സം​സ്ഥാ​ന അ​ധ്യ​ക്ഷ​ൻ കെ.​എ​സ്. അ​ള​ഗി​രി അ​ധ്യ​ക്ഷ​ത വ​ഹി​ച്ചു. വ​ർ​ക്കി​ങ്​ പ്ര​സി​ഡ​ന്റ് കെ. ​ജ​യ​കു​മാ​ർ എം.​പി പ്ര​മേ​യം അ​വ​ത​രി​പ്പി​ച്ചു.

മ​ഹാ​രാ​ഷ്ട്ര​യി​ൽ മു​ൻ മു​ഖ്യ​മ​ന്ത്രി അ​ശോ​ക്​ ച​വാ​ൻ അ​വ​ത​രി​പ്പി​ച്ച പ്ര​മേ​യം ഐ​ക​ക​ണ്ഠ്യേ​ന യോ​ഗം അം​ഗീ​ക​രി​ച്ചു. അ​ധ്യ​ക്ഷ​ൻ ഉ​ൾ​പ​ടെ മ​ഹാ​രാ​ഷ്ട്ര കോ​ൺ​ഗ്ര​സ്​ ഭാ​ര​വാ​ഹി​ക​ളെ നി​യോ​ഗി​ക്കാ​നു​ള്ള അ​ധി​കാ​രം ഹൈ​ക​മാ​ൻ​ഡി​ന് ന​ൽ​കു​ന്ന പ്ര​മേ​യ​വും പ്ര​തി​നി​ധി സ​മ്മേ​ള​നം പാ​സാ​ക്കി. നി​ല​വി​ലെ അ​ധ്യ​ക്ഷ​നും മു​ൻ മ​ഹാ​രാ​ഷ്ട്ര സ്​​പീ​ക്ക​റു​മാ​യ നാ​ന പ​ടോ​ളെ​യാ​ണ്​ പ്ര​മേ​യം അ​വ​ത​രി​പ്പി​ച്ച​ത്. വ​ര​ണാ​ധി​കാ​രി പ​ല്ലം രാ​ജു, മ​ഹാ​രാ​ഷ്ട്ര​യു​ടെ ചു​മ​ത​ല​യു​ള്ള എ​ച്ച്.​കെ പാ​ട്ടീ​ൽ, മു​ൻ മു​ഖ്യ​മ​ന്ത്രി പൃ​ഥ്വി​രാ​ജ്​ ച​വാ​ൻ, മു​ൻ​മ​ന്ത്രി ബാ​ലാ​സാ​ഹെ​ബ്​ തോ​റാ​ട്ട്​ എ​ന്നി​വ​രും പ​ങ്കെ​ടു​ത്തു. സം​സ്ഥാ​ന ചു​മ​ത​ല​യു​ള്ള അ​ഖി​ലേ​ന്ത്യ ​നേ​താ​വ് ഭ​ക്ത ച​ര​ൺ ദാ​സ്, സം​സ്ഥാ​ന പ്ര​സി​ഡ​ന്റ് മ​ദ​ൻ മോ​ഹ​ൻ ഝാ ​എ​ന്നി​വ​രു​ടെ സാ​ന്നി​ധ്യ​ത്തി​ൽ ന​ട​ന്ന യോ​ഗ​ത്തി​ലാ​ണ് ബി​ഹാ​റി​ൽ രാ​ഹു​ലി​നാ​യു​ള്ള പ്ര​മേ​യം പാ​സാ​യ​ത്.