ഗവർണറുമായി ഉടക്ക്: രാഷ്ട്രപതിക്ക് തമിഴ്നാടിന്റെ നിവേദനം

ന്യൂ​ഡ​ൽ​ഹി/​ചെ​ന്നൈ: ഗ​വ​ർ​ണ​ർ ആ​ർ.​എ​ൻ. ര​വി​യു​മാ​യി ഉ​ട​ക്കി നി​ൽ​ക്കു​ന്ന ത​മി​ഴ്നാ​ട് സ​ർ​ക്കാ​ർ വി​വ​ര​ങ്ങ​ൾ രാ​ഷ്ട്ര​പ​തി ദ്രൗ​പ​ദി മു​ർ​മു​വി​നെ ധ​രി​പ്പി​ച്ചു.

സം​സ്ഥാ​ന നി​യ​മ മ​ന്ത്രി എ​സ്. ര​ഘു​പ​തി​യു​ടെ നേ​തൃ​ത്വ​ത്തി​ലു​ള്ള സം​ഘം രാ​ഷ്ട്ര​പ​തി​യെ സ​ന്ദ​ർ​ശി​ച്ച് മു​ഖ്യ​മ​ന്ത്രി എം.​കെ. സ്റ്റാ​ലി​ന്റെ നി​വേ​ദ​നം കൈ​മാ​റി. എ​ന്നാ​ൽ, നി​വേ​ദ​ന​ത്തി​ലെ വി​വ​ര​ങ്ങ​ൾ വെ​ളി​പ്പെ​ടു​ത്താ​നാ​വി​ല്ലെ​ന്നും ഇ​ക്കാ​ര്യം മു​ഖ്യ​മ​ന്ത്രി​ക്ക് മാ​ത്ര​മെ അ​റി​യു​ക​യു​ള്ളൂ​വെ​ന്നും ഡി.​എം.​കെ പാ​ർ​ല​മെൻറ​റി പാ​ർ​ട്ടി നേ​താ​വ് ടി.​ആ​ർ. ബാ​ലു മാ​ധ്യ​മ​പ്ര​വ​ർ​ത്ത​ക​രോ​ട് പ​റ​ഞ്ഞു. നി​വേ​ദ​ന​ത്തി​ൽ ഉ​ചി​ത ന​ട​പ​ടി സ്വീ​ക​രി​ക്ക​ണ​മെ​ന്ന് ആ​വ​ശ്യ​പ്പെ​ട്ടു​വെ​ന്ന് അ​ദ്ദേ​ഹം കൂ​ട്ടി​ച്ചേ​ർ​ത്തു.

ത​മി​ഴ്നാ​ടി​നെ ‘നീ​റ്റ്’ പ​രീ​ക്ഷ​യി​ൽ നി​ന്ന് ഒ​ഴി​വാ​ക്കു​ന്ന​ത് ഉ​ൾ​പ്പെ​ടെ​യു​ള്ള വി​ഷ​യ​ങ്ങ​ളി​ൽ സം​സ്ഥാ​ന സ​ർ​ക്കാ​റു​മാ​യി ക​ടു​ത്ത അ​ഭി​പ്രാ​യ ഭി​ന്ന​ത​യു​ണ്ടാ​യി​രു​ന്ന ഗ​വ​ർ​ണ​ർ ആ​ർ.​എ​ൻ. ര​വി തി​ങ്ക​ളാ​ഴ്ച നി​യ​മ​സ​ഭ​യി​ൽ ന​ട​ത്തി​യ ന​യ​പ്ര​ഖ്യാ​പ​ന പ്ര​സം​ഗ​മാ​ണ് പു​തി​യ പോ​ർ​മു​ഖം തു​റ​ന്ന​ത്.

കീ​ഴ്വ​ഴ​ക്കം ലം​ഘി​ച്ച് സം​​സ്ഥാ​​ന സ​​ർ​​ക്കാ​​റി​​ന്‍റെ ന​​യ​​പ്ര​​ഖ്യാ​​പ​​ന രേ​​ഖ​​യി​​ലെ പ​​ല വാ​​ച​​ക​​ങ്ങ​​ളും ഒ​​ഴി​​വാ​​ക്കി​​യാ​​ണ്​ ഗ​​വ​​ർ​​ണ​​ർ വാ​​യി​​ച്ച​​ത്. ഇ​തോ​ടെ പ്ര​​സം​​ഗ​​ത്തി​​ന്‍റെ പൂ​​ർ​​ണ​​രൂ​​പം രേ​​ഖ​​യി​​ലു​​ണ്ടാ​​വ​​ണ​​മെ​​ന്ന് നി​ർ​ദേ​ശി​ച്ച് മു​​ഖ്യ​​മ​​ന്ത്രി എം.​​കെ. സ്റ്റാ​​ലി​​ൻ അ​വ​ത​രി​പ്പി​ച്ച പ്ര​​മേ​​യം സ​​ഭ പാ​​സാ​​ക്കി​​യ​​തോ​​ടെ ഗ​​വ​​ർ​​ണ​​ർ ഇ​​റ​​ങ്ങി​​പ്പോ​​വു​​ക​​യാ​​യി​​രു​​ന്നു.