നീലേശ്വരത്ത് ഗ്യാസ് ടാങ്കർ ലോറി മറിഞ്ഞു; ചോർച്ചയില്ല

കാസർകോട്: നീലേശ്വരത്ത് ദേശീയപാതിലെ കരുവാച്ചേരി വളവിൽ ഗ്യാസ് ടാങ്കർ ലോറി മറിഞ്ഞു. പുലർച്ചെ അഞ്ചോടെയാണ് അപകടം. വാതകചോർച്ച‍യില്ലാത്തത് വലിയ അപകടം ഒഴിവാക്കി.

മംഗളൂരുവിൽ നിന്ന് പാചകവാതകം നിറച്ചുവന്ന ടാങ്കറാണ് അപകടത്തിൽപെട്ടത്. വാഹനത്തിന്‍റെ കാബിനിൽ നിന്ന് ടാങ്കറുമായി ബന്ധിപ്പിച്ച പ്ലേറ്റിന്‍റെ പിൻ ഊരിപ്പോയതോടെ നിയന്ത്രണം വിടുകയായിരുന്നെന്ന് ഡ്രൈവർമാർ പറഞ്ഞു.

ഫയർഫോഴ്സ്, പൊലീസ്, സിവിൽ ഡിഫൻസ്, കെ.എസ്.ഇ.ബി അധികൃതർ സ്ഥലത്തെത്തിയിരുന്നു.