മലപ്പുറത്ത്​ ടാങ്കർലോറി മറിഞ്ഞു; ആളപായമില്ല

മലപ്പുറം: കുറ്റിപ്പുറത്ത് പാചകവാതക ടാങ്കര്‍ താഴ്​ചയിലേക്ക്​ മറിഞ്ഞു. ആർക്കും പരിക്കില്ല. കഴിഞ്ഞ ദിവസം രാത്രി 11 മണിക്ക്​ കുറ്റിപ്പുറം റെയില്‍വെ ഓവര്‍ബ്രിഡ്ജിന് സമീപം ടാങ്കർലോറി​ നിയന്ത്രണം വിട്ടാണ്​ അപകടമുണ്ടായത്​. മംഗലാപുരത്ത്​ നിന്നും കൊല്ലത്തേക്ക് പോവുകയായിരുന്നു ലോറി.

ഇന്ധന ചോർച്ചയില്ലെന്ന്​ അധികൃതര്‍ അറിയിച്ചിട്ടുണ്ട്​. അതേസമയം കുറ്റിപ്പുറം ഭാഗത്തേക്ക്​​ പൊലീസ്​ വാഹനങ്ങൾ കടത്തിവിടുന്നില്ല. മറിഞ്ഞ ടാങ്കറില്‍ നിന്നും പാചകവാതകം മറ്റൊരു ടാങ്കറിലേക്ക്​ മാറ്റാനാണ്​ അധിക​ൃതർ ശ്രമിക്കുന്നത്​. പ്രദേശവാസികൾ ആശങ്കയിലാണ്​.