ഹര്‍ത്താല്‍ മറവിൽ നിരപരാധികളെ വേട്ടയാടുന്നു -കെ.പി.എ. മജീദ്

മലപ്പുറം: സമൂഹമാധ്യമ ഹര്‍ത്താല്‍ ചില വിദ്വേഷ ശക്തികൾ ആസൂത്രണം ചെയ്​തതാണെന്നും വര്‍ഗീയ കലാപമായിരുന്നു ആര്‍.എസ്.എസ്, ബി.ജെ.പി കേന്ദ്രങ്ങളുടെ ലക്ഷ്യമെന്നും മുസ്‌ലിംലീഗ് സംസ്ഥാന ജനറല്‍ സെക്രട്ടറി കെ.പി.എ. മജീദ്. എന്നാൽ, ഇതി​​​െൻറ മറവിൽ സര്‍ക്കാര്‍ നിരപരാധികളെ വേട്ടയാടുന്നത് പ്രതിഷേധാര്‍ഹമാണ്​. താനൂരില്‍ പ്രത്യേക മതവിഭാഗത്തി​​​െൻറ കടകള്‍ ആക്രമിച്ചെന്ന രീതിയില്‍ മന്ത്രി കെ.ടി. ജലീല്‍ നടത്തിയ പ്രസ്താവന നിര്‍ഭാഗ്യകരമാണ്.

ഹര്‍ത്താല്‍ ദിവസം താനൂരില്‍ 19 കടകള്‍ ആക്രമിക്കപ്പെട്ടതിൽ ലീഗ് മുനിസിപ്പല്‍ പ്രസിഡൻറി​​​െൻറതടക്കം 13ഓളം കടകള്‍ മുസ്‌ലിം മതവിഭാഗക്കാരുടേതാണ്. കെ.ആർ ബേക്കറിയിൽ അക്രമം നടത്തിയത്​ സി.പി.എമ്മുകാരാണ്. ഇവരെ രക്ഷിക്കാനാണ് കെ.ടി. ജലീല്‍ വര്‍ഗീയ ധ്രുവീകരണമുണ്ടാക്കുന്നത്​. ഹര്‍ത്താല്‍ ദിവസം റോഡിലിറങ്ങിയവ​െരയും അല്ലാത്തവ​െരയും പ്രതിയാക്കുകയും പോക്‌സോ വകുപ്പുകള്‍ ചുമത്തുകയുമാണ്. ഇത്തരത്തില്‍ അറസ്​റ്റ്​ നടക്കുന്നത്​ മലപ്പുറം ജില്ലയില്‍ മാത്രമാണ്. ഇൗ നീക്കം നേരിടുമെന്നും അദ്ദേഹം വാര്‍ത്തകുറിപ്പില്‍ അറിയിച്ചു.