താനൂർ ജലദുരന്തം ; ജ.വി.കെ. മോഹനൻ അധ്യക്ഷനായി ജുഡീഷ്യൽ കമീഷൻ

തി​രു​വ​ന​ന്ത​പു​രം: മ​ല​പ്പു​റം താ​നൂ​ര്‍ തൂ​വ​ല്‍തീ​രം ബീ​ച്ചി​ലു​ണ്ടാ​യ ബോ​ട്ട് അ​പ​ക​ട​ത്തെ​ക്കു​റി​ച്ച് റി​ട്ട. ജ​സ്റ്റി​സ് വി.​കെ. മോ​ഹ​ന​ന്‍ ചെ​യ​ര്‍മാ​നാ​യ ജു​ഡീ​ഷ്യ​ല്‍ ക​മീ​ഷ​ന്‍ അ​ന്വേ​ഷി​ക്കും. ഇ​ന്‍ലാ​ൻ​ഡ്​ വാ​ട്ട​ര്‍വേ​സ് അ​തോ​റി​റ്റി ഓ​ഫ് ഇ​ന്ത്യ റി​ട്ട. ചീ​ഫ് എ​ൻ​ജി​നീ​യ​ര്‍ നീ​ല​ക​ണ്​​ഠ​ന്‍ ഉ​ണ്ണി, കേ​ര​ള വാ​ട്ട​ര്‍വേ​സ് ആ​ൻ​ഡ്​ ഇ​ന്‍ഫ്രാ​സ്ട്ര​ക്ച​ര്‍ ലി​മി​റ്റ​ഡ് ചീ​ഫ് എ​ൻ​ജി​നീ​യ​ര്‍ സു​രേ​ഷ് കു​മാ​ര്‍ എ​ന്നീ സാ​ങ്കേ​തി​ക വി​ദ​ഗ്ധ​ര്‍ ക​മീ​ഷ​ന്‍ അം​ഗ​ങ്ങ​ളാ​യി​രി​ക്കും. മ​ന്ത്രി​സ​ഭ യോ​ഗ​മാ​ണ്​ ഇ​തു​സം​ബ​ന്ധി​ച്ച തീ​രു​മാ​ന​മെ​ടു​ത്ത​ത്.

ദു​ര​ന്ത​ത്തെ​ക്കു​റി​ച്ച്​ ജു​ഡീ​ഷ്യ​ൽ അ​ന്വേ​ഷ​ണം ന​ട​ത്തു​മെ​ന്ന്​ നേ​ര​ത്തേ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ അ​റി​യി​ച്ചി​രു​ന്നു. ഇ​തി​നു​ പി​​ന്നാ​ലെ ചേ​ർ​ന്ന മ​ന്ത്രി​സ​ഭ യോ​ഗ​മാ​ണ്​ ക​മീ​ഷ​നെ തീ​രു​മാ​നി​ച്ച​ത്. പൊ​ലീ​സ്​ കം​പ്ല​യി​ന്‍റ്​ അ​തോ​റി​റ്റി മു​ൻ ചെ​യ​ർ​മാ​നാ​ണ്​ ജ​സ്റ്റി​സ്​ വി.​കെ. മോ​ഹ​ന​ൻ. സ്വ​ർ​ണ​ക്ക​ട​ത്ത്​ കേ​സ്​ കാ​ല​ത്ത്​ കേ​ന്ദ്ര ഏ​ജ​ന്‍സി​ക​ളു​മാ​യി ബ​ന്ധ​പ്പെ​ട്ട പ​രാ​തി​ക​ൾ അ​ന്വേ​ഷി​ക്കാ​ൻ നി​യോ​ഗി​ച്ച ക​മീ​ഷ​ന്‍റെ ചെ​യ​ർ​മാ​നാ​യി​രു​ന്നു. ഇ​തി​ന്‍റെ പ്ര​വ​ർ​ത്ത​നം പി​ന്നീ​ട്​ ഹൈ​കോ​ട​തി മ​ര​വി​പ്പി​ച്ചു.

ബോ​ട്ട്​ ദു​ര​ന്തം അ​ന്വേ​ഷി​ക്കു​ന്ന ക​മീ​ഷ​ന്‍റെ പ​രി​ഗ​ണ​നാ വി​ഷ​യ​ങ്ങ​ൾ ഉ​ട​ൻ തീ​രു​മാ​നി​ക്കും. ദു​ര​ന്ത​ത്ത​ക്കു​റി​ച്ച്​ പൊ​ലീ​സി​ന്‍റെ പ്ര​ത്യേ​ക സം​ഘ​വും അ​ന്വേ​ഷി​ക്കു​ന്നു​ണ്ട്. ജ​ല​ഗ​താ​ഗ​ത മേ​ഖ​ല​യി​ൽ സു​ര​ക്ഷ-​നി​രീ​ക്ഷ​ണ സം​വി​ധാ​നം ശ​ക്ത​മാ​ക്കാ​നും നി​യ​മ​ലം​ഘ​ക​രെ ക​ണ്ടെ​ത്താ​ൻ പ്ര​ത്യേ​ക സ്ക്വാ​ഡു​ക​ളെ നി​യോ​ഗി​ക്കാ​നും ധാ​ര​ണ​യാ​യി​ട്ടു​ണ്ട്.

ദു​ര​ന്ത​ത്തി​ല്‍ മ​രി​ച്ച​വ​രു​ടെ കു​ടും​ബ​ത്തി​ന്​ മു​ഖ്യ​മ​ന്ത്രി​യു​ടെ ദു​രി​താ​ശ്വാ​സ​നി​ധി​യി​ല്‍നി​ന്ന് 10 ല​ക്ഷം രൂ​പ​വീ​തം ധ​ന​സ​ഹാ​യം നേ​ര​ത്തേ പ്ര​ഖ്യാ​പി​ച്ചി​രു​ന്നു.