റെയിൽവേയുടെ കനിവ് കാത്ത്

പ​ട്ടാ​മ്പി: ലെ​വ​ൽ ക്രോ​സ് വി​മു​ക്ത കേ​ര​ള​ത്തി​ന് റെ​യി​ൽ​വേ ‘ക്രോ​സ്’. സ​മ​ഗ്ര​വി​ക​സ​ന​ത്തി​ന് ത​ട​സ്സ​ര​ഹി​ത റോ​ഡ് ശൃം​ഖ​ല എ​ന്ന ല​ക്ഷ്യ​ത്തി​ന്റെ ഭാ​ഗ​മാ​യി വാ​ടാ​നാം​കു​റു​ശ്ശി​യി​ൽ അ​നു​വ​ദി​ച്ച റെ​യി​ൽ​വേ മേ​ൽ​പ്പാ​ല​ത്തി​നാ​ണ് റെ​യി​ൽ​വേ ത​ട​സ്സ​മാ​വു​ന്ന​ത്. 2022ൽ ​പൂ​ർ​ത്തി​യാ​ക്കേ​ണ്ട പാ​ലം 2024ലും ​യാ​ഥാ​ർ​ഥ്യ​മാ​കു​മോ എ​ന്ന ആ​ശ​ങ്ക​യാ​ണു​ള്ള​ത്. കി​ഫ്‌​ബി പ​ദ്ധ​തി​യി​ലു​ള്ള നി​ർ​ദി​ഷ്ട പ്ര​വൃ​ത്തി​ക​ൾ ഏ​റെ​യും ക​ഴി​ഞ്ഞെ​ങ്കി​ലും റെ​യി​ൽ​വേ​യു​ടെ ഉ​ദാ​സീ​ന​ത കൊ​ണ്ട് മാ​ത്രം ഉ​ദ്ഘാ​ട​നം നീ​ണ്ടു​പോ​വു​ക​യാ​ണ്. റെ​യി​ൽ​വേ ചെ​യ്തു​തീ​ർ​ക്കേ​ണ്ട​ത് തീ​ർ​ത്താ​ൽ മൂ​ന്നു മാ​സം കൊ​ണ്ട് പാ​ലം നാ​ടി​ന് സ​മ​ർ​പ്പി​ക്കാ​നാ​വു​മെ​ന്നാ​ണ് ക​ഴി​ഞ്ഞ ദി​വ​സം പ​ട്ടാ​മ്പി​യി​ൽ ന​ട​ന്ന അ​വ​ലോ​ക​ന​യോ​ഗ​ത്തി​ൽ മു​ഹ​മ്മ​ദ് മു​ഹ്‌​സി​ൻ എം.​എ​ൽ.​എ പ​റ​ഞ്ഞ​ത്. 2016ലാ​ണ് സ​ർ​ക്കാ​ർ പാ​ല​ത്തി​ന് അ​നു​മ​തി ന​ൽ​കി​യ​ത്.

നി​ർ​മാ​ണ​ച്ചു​മ​ത​ല ഏ​ൽ​പ്പി​ച്ച ആ​ർ.​ബി.​ഡി.​സി.​കെ. സാ​ങ്കേ​തി​ക​പ​ഠ​നം ന​ട​ത്തി സ​മ​ർ​പ്പി​ച്ച പ​ദ്ധ​തി രേ​ഖ​ക്ക് കി​ഫ്‌​ബി അം​ഗീ​കാ​ര​മാ​യ​ത് അ​ഞ്ചു വ​ർ​ഷ​ത്തെ കാ​ത്തി​രി​പ്പി​ന് ശേ​ഷം. 2021 ജ​ന​വ​രി​യി​ൽ ഉ​ത്സ​വ​ച്ഛാ​യ​യി​ൽ രാ​ജ്യ​ത്തെ മ​റ്റു മേ​ൽ​പാ​ല​ങ്ങ​ൾ​ക്കൊ​പ്പം ഓ​ൺ​ലൈ​നി​ൽ മു​ഖ്യ​മ​ന്ത്രി പി​ണ​റാ​യി വി​ജ​യ​ൻ നി​ർ​മാ​ണോ​ദ്‌​ഘാ​ട​നം ന​ട​ത്തി. ഒ​രു വ​ർ​ഷ​മാ​ണ് നി​ർ​മ്മാ​ണ കാ​ലാ​വ​ധി ന​ൽ​കി​യ​ത്. ഉ​ദ്‌​ഘാ​ട​ന​പ്ര​സം​ഗ​ത്തി​ൽ മു​ഖ്യ​മ​ന്ത്രി ഇ​ത് പ്ര​ഖ്യാ​പി​ക്കു​ക​യും ചെ​യ്തു. എ​ന്നാ​ൽ 2022 ൽ ​പൂ​ർ​ത്തി​യാ​ക്കാ​ൻ ക​ഴി​ഞ്ഞി​ല്ലെ​ന്ന് മാ​ത്ര​മ​ല്ല 2024 ജ​ന​വ​രി അ​ടു​ക്കു​മ്പോ​ഴും അ​നി​ശ്ചി​ത​ത്വ​മാ​ണു​ള്ള​ത്.

മാ​സ​ങ്ങ​ൾ​ക്ക് മു​മ്പ് ഡി​സം​ബ​റി​ൽ പൂ​ർ​ത്തി​യ​യാ​ക്കു​മെ​ന്ന് പ്ര​ഖ്യാ​പി​ച്ച എം.​എ​ൽ.​എ ക​ഴി​ഞ്ഞ ദി​വ​സ​ത്തെ അ​വ​ലോ​ക​ന​യോ​ഗ​ത്തി​ൽ റെ​യി​ൽ​വേ​യു​ടെ പ്ര​വൃ​ത്തി ന​ട​ക്കാ​നു​ണ്ടെ​ന്നാ​ണ് പ​റ​ഞ്ഞ​ത്. ഒ​രു പ്ര​ദേ​ശ​ത്തി​ന്റെ ദീ​ർ​ഘ​കാ​ല​മാ​യു​ള്ള ആ​വ​ശ്യ​മാ​ണ് റെ​യി​ൽ​വേ​യു​ടെ അ​ലം​ഭാ​വം കൊ​ണ്ട് അ​ക​ന്നു​പോ​വു​ന്ന​ത്. റെ​യി​ൽ​വേ ലൈ​നി​നു മു​ക​ളി​ലൂ​ടെ​യു​ള്ള ര​ണ്ടു തൂ​ണു​ക​ളും സ്പാ​നു​മാ​ണ് നി​ർ​മി​ക്കാ​നു​ള്ള​ത്. ഈ ​പ്ര​വൃ​ത്തി ന​ട​ന്നാ​ലും മൂ​ന്നു മാ​സ​ത്തെ കാ​ത്തി​രി​പ്പ് വേ​ണം മ​റ്റു അ​നു​ബ​ന്ധ പ്ര​വൃ​ത്തി​ക​ളു​ടെ പൂ​ർ​ത്തീ​ക​ര​ണ​ത്തി​ന്.

തി​ര​ക്കേ​റി​യ പ​ട്ടാ​മ്പി-​കു​ള​പ്പു​ള്ളി റോ​ഡി​ൽ വാ​ടാ​നാം​കു​റു​ശ്ശി റെ​യി​ൽ​വേ ഗേ​റ്റ് നി​ര​ന്ത​രം ഗ​താ​ഗ​ത ത​ട​സ്സ​മു​ണ്ടാ​ക്കു​ന്ന പ​ശ്ചാ​ത്ത​ല​ത്തി​ലാ​ണ് പു​തി​യ മേ​ൽ​പ്പാ​ലം എ​ന്ന ആ​ശ​യം ബ​ല​പ്പെ​ട്ട​ത്. നി​ല​മ്പൂ​ർ-​ഷൊ​ർ​ണൂ​ർ ട്രെ​യി​നു​ക​ൾ​ക്കാ​യി ഗേ​റ്റ് അ​ട​ച്ചി​ടു​മ്പോ​ൾ അ​ത്യാ​സ​ന്ന രോ​ഗി​ക​ളു​മാ​യി ഓ​ടു​ന്ന ആം​ബു​ല​ൻ​സു​ക​ൾ ഉ​ൾ​പ്പെ​ടെ​യു​ള്ള വാ​ഹ​ന​ങ്ങ​ൾ കു​രു​ക്കി​ല​ക​പ്പെ​ടു​ന്ന​ത് പ​തി​വ് കാ​ഴ്ച​യാ​യി​രു​ന്നു. ഗേ​റ്റ് ഒ​ഴി​വാ​ക്കി സു​ഗ​മ​മാ​യ ഗ​താ​ഗ​തം ഉ​റ​പ്പു വ​രു​ത്തു​ന്ന​താ​ണ് റോ​ഡി​ന് സ​മാ​ന്ത​ര​മാ​യി 680 മീ​റ്റ​ർ നീ​ള​ത്തി​ൽ 13 തൂ​ണു​ക​ളി​ലാ​യു​ള്ള റെ​യി​ൽ​വേ മേ​ൽ​പ്പാ​ലം. 32.49 കോ​ടി രൂ​പ നി​ർ​മാ​ണ​ച്ചെ​ല​വു​ള്ള പാ​ല​ത്തി​ന് 10.15 വീ​തി​യും ന​ട​പ്പാ​ത​യും ഉ​ണ്ട്.

17 ഭൂ​വു​ട​മ​ക​ളി​ൽ നി​ന്ന് 42.70 ആ​ർ സ്ഥ​ലം ഏ​റ്റെ​ടു​ത്താ​ണ് ചി​ര​കാ​ലാ​വ​ശ്യം നി​റ​വേ​റ്റി​യ​ത്. റെ​യി​ൽ​വേ​യു​ടെ ഭാ​ഗ​ത്തു​നി​ന്നു​ള്ള പ്ര​വൃ​ത്തി അ​ടി​യ​ന്തി​ര​മാ​യി പൂ​ർ​ത്തി​യാ​ക്കാ​ൻ വേ​ണ്ട സ​മ്മ​ർ​ദം ചെ​ലു​ത്തി കാ​ല​താ​മ​സം കൂ​ടാ​തെ പാ​ലം നാ​ടി​ന് സ​മ​ർ​പ്പി​ക്ക​ണ​മെ​ന്നാ​ണ് നാ​ട്ടു​കാ​രു​ടെ ആ​വ​ശ്യം.