അ​ധ്യാ​പ​കരുടെ ശമ്പള കുടിശ്ശിക: മൂന്ന്​ മാസത്തിനകം തീരുമാനം വേണമെന്ന് ഹൈകോടതി

കൊ​ച്ചി: 2016 മു​ത​ൽ മൂ​ന്ന്​ വ​ർ​ഷ​ത്തി​നി​ടെ സ​ർ​ക്കാ​ർ, എ​യ്‌​ഡ​ഡ് കോ​ള​ജു​ക​ളി​ൽ​നി​ന്ന് വി​ര​മി​ച്ച അ​ധ്യാ​പ​ക​ർ​ക്ക് ശ​മ്പ​ള പ​രി​ഷ്‌​ക​ര​ണ​ത്തെ തു​ട​ർ​ന്ന് ല​ഭി​ക്കേ​ണ്ട ശ​മ്പ​ള കു​ടി​ശ്ശി​ക ന​ൽ​കു​ന്ന​ത്​ സം​ബ​ന്ധി​ച്ച്​ മൂ​ന്ന്​ മാ​സ​ത്തി​ന​കം തീ​രു​മാ​ന​മെ​ടു​ക്ക​ണ​മെ​ന്ന് ഹൈ​കോ​ട​തി. യു.​ജി.​സി​യു​ടെ ഏ​ഴാം ശ​മ്പ​ള പ​രി​ഷ്ക​ര​ണം 2016 ജ​നു​വ​രി ഒ​ന്നു മു​ത​ലു​ള്ള മു​ൻ​കാ​ല പ്രാ​ബ​ല്യ​ത്തോ​ടെ ന​ട​പ്പാ​ക്കി​യ സാ​ഹ​ച​ര്യ​ത്തി​ലാ​ണ്​ ജ​സ്​​​റ്റി​സ്​ ദേ​വ​ൻ രാ​മ​ച​ന്ദ്ര​ന്‍റെ ഉ​ത്ത​ര​വ്.

2016 ജ​നു​വ​രി ഒ​ന്ന്​ മു​ത​ലു​ള്ള കു​ടി​ശ്ശി​ക പ്രോ​വി​ഡ​ന്‍റ്​ ഫ​ണ്ടി​​ലേ​ക്ക് ല​യി​പ്പി​ക്കാ​നും തീ​രു​മാ​നി​ച്ചി​രു​ന്നു. ഈ ​മൂ​ന്ന്​ വ​ർ​ഷ​ത്തി​നി​ടെ വി​ര​മി​ച്ച അ​ധ്യാ​പ​ക​ർ പി.​എ​ഫ് അ​ക്കൗ​ണ്ട് അ​വ​സാ​നി​പ്പി​ച്ച​തി​നാ​ൽ ശ​മ്പ​ള കു​ടി​ശ്ശി​ക കാ​ര്യ​ത്തി​ൽ തീ​രു​മാ​ന​മെ​ടു​ത്തി​രു​ന്നി​ല്ല. ഈ ​ന​ട​പ​ടി ചോ​ദ്യം ചെ​യ്ത്​ തൃ​ശൂ​ർ സെ​ന്റ് തോ​മ​സ് കോ​ള​ജി​ലെ റി​ട്ട. അ​ധ്യാ​പ​ക​ൻ ഡോ. ​സി.​ഡി. വ​ർ​ഗീ​സ് അ​ട​ക്കം 450ഓ​ളം പേ​ർ ന​ൽ​കി​യ ഹ​ര​ജി​യാ​ണ്​ കോ​ട​തി പ​രി​ഗ​ണി​ച്ച​ത്. ഹ​ര​ജി​ക്കാ​ർ​ക്ക് തു​ക ല​ഭി​ക്കാ​ൻ അ​ർ​ഹ​ത​യു​ണ്ടെ​ന്ന് ക​ണ്ടെ​ത്തി​യാ​ൽ ര​ണ്ടു മാ​സ​ത്തി​ന​കം അ​നു​വ​ദി​ക്ക​ണ​മെ​ന്നും കോ​ട​തി നി​ർ​ദേ​ശി​ച്ചു.

ശ​മ്പ​ള കു​ടി​ശ്ശി​ക​യു​ടെ കാ​ര്യ​ത്തി​ൽ 2019 ഏ​പ്രി​ൽ ഒ​ന്നി​ന് മു​മ്പ് വി​ര​മി​ച്ച​വ​രെ​ന്നും ഇ​തി​നു ശേ​ഷം വി​ര​മി​ക്കു​ന്ന​വ​രെ​ന്നും വേ​ർ​തി​രി​ക്കു​ന്ന​ത് നി​യ​മ​വി​രു​ദ്ധ​മാ​ണെ​ന്നാ​യി​രു​ന്നു ഹ​ര​ജി​ക്കാ​രു​ടെ വാ​ദം. പ​രാ​തി ന്യാ​യ​മാ​ണെ​ന്നും പ​രി​ഹ​രി​ക്കാ​ൻ ഉ​ചി​ത ന​ട​പ​ടി സ്വീ​ക​രി​ക്കു​മെ​ന്നും സ​ർ​ക്കാ​ർ അ​റി​യി​ച്ചു. തു​ട​ർ​ന്നാ​ണ് മൂ​ന്നു മാ​സ​ത്തി​ന​കം തീ​രു​മാ​ന​മെ​ടു​ക്കാ​ൻ ഉ​ന്ന​ത വി​ദ്യാ​ഭ്യാ​സ സെ​ക്ര​ട്ട​റി​യോ​ട്​ ആ​വ​ശ്യ​പ്പെ​ട്ട​ത്.