സ്കൂ​ൾ വി​ദ്യാ​ഭ്യാ​സം ഏ​കീ​ക​രി​ക്കൽ: മന്ത്രി വിളിച്ച യോഗത്തിൽ നിന്ന്​ അ​ധ്യാ​പ​ക സം​ഘ​ട​ന​ പ്രതിനിധികൾ ഇറങ്ങിപ്പോയി

തി​രു​വ​ന​ന്ത​പു​രം: പ്രൈ​മ​റി​ത​ലം മു​ത​ൽ ഹ​യ​ർ​സെ​ക്ക​ൻ​ഡ​റി​വ​രെ​യു​ള്ള സ്കൂ​ൾ വി​ദ്യാ​ഭ്യാ​സം ഏ​കീ​ക​രി​ക്കാ​ൻ ശി​പാ​ർ​ശ ചെ​യ്യു​ന്ന ഖാ​ദ​ർ ക​മ്മി​റ്റി റി​പ്പോ​ർ​ട്ട്​ ന​ട​പ്പാ​ക്കാ​നു​ള്ള നീ​ക്ക​ത്തി​ൽ പ്ര​തി​ഷേ​ധി​ച്ച്​ വി​ദ്യാ​ഭ്യാ​സ​മ​ന്ത്രി വി. ​ശി​വ​ൻ​കു​ട്ടി വി​ളി​ച്ച യോ​ഗം ര​ണ്ടാം ദി​വ​സ​വും അ​ധ്യാ​പ​ക സം​ഘ​ട​ന​ക​ൾ ബ​ഹി​ഷ്​​ക​രി​ച്ച്​ ഇ​റ​ങ്ങി​പ്പോ​യി. 13 അ​ധ്യാ​പ​ക സം​ഘ​ട​ന​ക​ളാ​ണ്​ ഇ​റ​ങ്ങി​പ്പോ​യ​ത്. ഇതിനെ​തി​രെ സം​യു​ക്ത അ​ധ്യാ​പ​ക സ​മി​തി സ​മ​ര​പ്ര​ഖ്യാ​പ​ന​വും ന​ട​ത്തി. ഈ ​മാ​സം 12ന്​ ​സെ​ക്ര​ട്ടേ​റി​യ​റ്റി​ന്​ മു​ന്നി​ൽ സ​മ​ര​പ്ര​ഖ്യാ​പ​ന ധ​ർ​ണ ന​ട​ത്തു​മെ​ന്നും ഭാ​ര​വാ​ഹി​ക​ൾ അ​റി​യി​ച്ചു. ഭാ​ഗി​ക​മാ​യി സ​മ​ർ​പ്പി​ക്ക​പ്പെ​ട്ട റി​പ്പോ​ർ​ട്ടി​ന്‍റെ അ​ടി​സ്ഥാ​ന​ത്തി​ലാ​ണ്​ സ്കൂ​ൾ വി​ദ്യാ​ഭ്യാ​സ​ ഘ​ട​ന ത​ക​ർ​ക്കു​ന്ന തീ​രു​മാ​ന​വു​മാ​യി സ​ർ​ക്കാ​ർ മു​ന്നോ​ട്ടു​പോ​കു​ന്ന​തെ​ന്ന്​ അ​ധ്യാ​പ​ക സം​ഘ​ട​ന പ്ര​തി​നി​ധി​ക​ൾ കു​റ്റ​പ്പെ​ടു​ത്തി.

അ​ടി​യ​ന്ത​ര​മാ​യി റി​പ്പോ​ർ​ട്ട്​ ന​ട​പ്പാ​ക്കു​ന്ന​തി​ൽ​നി​ന്ന്​ പി​ന്മാ​റ​ണം. അ​ധ്യാ​പ​ക സം​ഘ​ട​ന​ക​ളെ ര​ണ്ട്​ ത​ട്ടി​ലാ​ക്കി വെ​വ്വേ​റെ യോ​ഗം വി​ളി​ച്ച​തി​ലും ഭാ​ര​വാ​ഹി​ക​ൾ പ്ര​തി​ഷേ​ധി​ച്ചു. ചൊ​വ്വാ​ഴ്ച ക്യു.​ഐ.​പി അ​ധ്യാ​പ​ക സം​ഘ​ട​ന​ക​ളെ​യും ബു​ധ​നാ​ഴ്ച മ​റ്റ്​ സം​ഘ​ട​ന​ക​ളെ​യു​മാ​ണ്​ ച​ർ​ച്ച​ക്ക്​ വി​ളി​ച്ച​ത്. ചൊ​വ്വാ​ഴ്ച പ്ര​തി​പ​ക്ഷ അ​ധ്യാ​പ​ക സം​ഘ​ട​ന​ക​ളാ​യ കെ.​പി.​എ​സ്.​ടി.​എ​യും കെ.​എ​സ്.​ടി.​യു​വു​മാ​ണ്​ ച​ർ​ച്ച​യി​ൽ​നി​ന്ന്​ ഇ​റ​ങ്ങി​പ്പോ​യ​ത്. ബു​ധ​നാ​ഴ്ച ഹ​യ​ർ​സെ​ക്ക​ൻ​ഡ​റി മേ​ഖ​ല​യി​ലെ നാ​ല്​ സം​ഘ​ട​ന​ക​ളാ​യ എ.​എ​ച്ച്.​എ​സ്.​ടി.​എ, കെ.​എ​ച്ച്.​എ​സ്.​ടി.​യു, എ​ച്ച്.​എ​സ്.​എ​സ്.​ടി.​എ, കെ.​എ.​എ​ച്ച്.​എ​സ്.​ടി.​എ ഉ​ൾ​പ്പെ​ടെ 13 സം​ഘ​ട​ന​ക​ളാ​ണ്​ ഇ​റ​ങ്ങി​പ്പോ​യ​ത്. പ്രൈ​മ​റി, സെ​ക്ക​ൻ​ഡ​റി, ഹ​യ​ർ​സെ​ക്ക​ൻ​ഡ​റി ഡ​യ​റ​ക്ട​റേ​റ്റു​ക​ൾ നി​ല​നി​ർ​ത്തി​യാ​ൽ മാ​ത്ര​മേ പൊ​തു​വി​ദ്യാ​ഭ്യാ​സ മേ​ഖ​ല ശ​ക്തി​പ്പെ​ടു​ക​യു​ള്ളൂ​വെ​ന്നും ല​യ​ന​വു​മാ​യി സ​ർ​ക്കാ​ർ മു​ന്നോ​ട്ടു​പോ​കു​ന്ന​ത് ചി​ല ഗൂ​ഢ​മാ​യ രാ​ഷ്ട്രീ​യ അ​ജ​ണ്ട ന​ട​പ്പാ​ക്കാ​നാ​ണെ​ന്നും സം​ഘ​ട​ന​ക​ൾ ആ​രോ​പി​ച്ചു.

മാറ്റങ്ങൾ സമയബന്ധിതമായി നടപ്പാക്കും -മന്ത്രി

ഖാ​ദ​ർ ക​മ്മി​റ്റി റി​പ്പോ​ർ​ട്ടി​ലെ ഘ​ട​നാ​പ​ര​മാ​യ മാ​റ്റ​നി​ർ​ദേ​ശ​ങ്ങ​ൾ സ​മ​യ​ബ​ന്ധി​ത​മാ​യി ന​ട​പ്പാ​ക്കു​മെ​ന്ന് പൊ​തു വി​ദ്യാ​ഭ്യാ​സ മ​ന്ത്രി വി. ​ശി​വ​ൻ​കു​ട്ടി. റി​പ്പോ​ർ​ട്ട് ന​ട​പ്പാ​ക്കു​ന്ന​തി​ന് അ​ധ്യാ​പ​ക-​അ​ന​ധ്യാ​പ​ക സം​ഘ​ട​ന​ക​ളു​ടെ​യും മാ​നേ​ജ്‌​മെ​ന്‍റു​ക​ളു​ടെ​യും പി​ന്തു​ണ​യു​ണ്ടെ​ന്നും മ​ന്ത്രി പ​റ​ഞ്ഞു. ഘ​ട​ന​യി​ലു​ള്ള പ്ര​ധാ​ന പോ​രാ​യ്മ​യാ​യി വി​ദ​ഗ്ധ​സ​മി​തി ചൂ​ണ്ടി​ക്കാ​ട്ടി​യ​ത് പ​ന്ത്ര​ണ്ടാം ക്ലാ​സ് വ​രെ​യു​ള്ള സ്കൂ​ൾ വി​ദ്യാ​ഭ്യാ​സം വി​വി​ധ​ ഡ​യ​റ​ക്ട​ർ​മാ​രു​ടെ കീ​ഴി​ലാ​ണ് എ​ന്ന​താ​ണ്. ഇ​തി​ന്‍റെ തു​ട​ർ​ച്ച​യാ​യി ഒ​രേ കാ​മ്പ​സി​ൽ​ത​ന്നെ വി​വി​ധ ഡ​യ​റ​ക്ട​ർ​മാ​രു​ടെ കീ​ഴി​ലു​ള്ള വി​വി​ധ സ്ഥാ​പ​ന മേ​ധാ​വി​ക​ൾ നി​ല​നി​ൽ​ക്കു​ന്നു. ഇ​വ​ർ ത​മ്മി​ലു​ണ്ടാ​കു​ന്ന ത​ർ​ക്കം ഗു​ണ​മേ​ന്മ വി​ദ്യാ​ഭ്യാ​സം പ്ര​ദാ​നം ചെ​യ്യു​ന്ന​തി​ന് ത​ട​സ്സ​മാ​ണ്.

ഒ​രു കാ​മ്പ​സി​ൽ​ത​ന്നെ വ്യ​ത്യ​സ്ത സ്ഥാ​പ​ന​ങ്ങ​ൾ എ​ന്ന നി​ല​യി​ൽ പ്ര​വ​ർ​ത്തി​ക്കു​ന്ന​ത് വി​ഭ​വ​ങ്ങ​ൾ പ​ങ്കു​വെ​ക്കാ​നും വി​ഭ​വ​ങ്ങ​ളു​ടെ മി​ക​ച്ച വി​നി​യോ​ഗ​ത്തി​നും ത​ട​സ്സ​മാ​കുന്നു. വി​വി​ധ ഡ​യ​റ​ക്ട​ർ​മാ​ർ ന​ൽ​കു​ന്ന നി​ർ​ദേ​ശ​ങ്ങ​ളി​ലും പ​ല​പ്പോ​ഴും വൈ​രു​ധ്യ​ങ്ങ​ളും ഉ​ണ്ടാ​കു​ന്നു. ഇ​തും ബാ​ധി​ക്കു​ന്ന​ത് സ്കൂ​ളു​ക​ളെ​യാ​ണ്. ഇ​ത് ഒ​ഴി​വാ​ക്കാ​ൻ വി​ദ​ഗ്ധ​സ​മി​തി മു​ന്നോ​ട്ടു​വെ​ച്ച നി​ർ​ദേ​ശ​ങ്ങ​ളാ​ണ് വി​വി​ധ ഡ​യ​റ​ക്ട​റേ​റ്റു​ക​ളെ ഏ​കോ​പി​ച്ച് ഒ​രു ഡ​യ​റ​ക്ട​റു​ടെ കീ​ഴി​ൽ കൊ​ണ്ടു​വ​ര​ണ​മെ​ന്ന​ത്. സ്കൂ​ൾ കാ​മ്പ​സി​ൽ ഒ​രു സ്ഥാ​പ​ന​മേ​ധാ​വി​യും ഉ​ണ്ടാ​ക​ണം. സം​സ്ഥാ​ന​ത​ല​ത്തി​ലും സ്കൂ​ൾ​ത​ല​ത്തി​ലും ഏ​കോ​പ​നം ന​ട​ക്കു​ന്ന​തോ​ടെ ഇ​വ​ക്കെ​ല്ലാം ആ​വ​ശ്യ​മാ​യ സ​ഹാ​യ സം​വി​ധാ​ന​ങ്ങ​ളാ​യി പ്ര​വ​ർ​ത്തി​ക്കേ​ണ്ട വി​വി​ധ ത​ല​ങ്ങ​ളി​ലു​ള്ള ഓ​ഫി​സു​ക​ളും ഏ​കീ​ക​രി​ക്ക​പ്പെ​ട​ണം. ഏ​കീ​ക​ര​ണം വ​രു​ന്ന ഘ​ട്ട​ത്തി​ൽ നി​ല​വി​ലു​ള്ള അ​ധ്യാ​പ​ക​രു​ടെ വേ​ത​ന വ്യ​വ​സ്ഥ​യി​ലോ സ്ഥാ​ന​ക്ക​യ​റ്റ കാ​ര്യ​ങ്ങ​ളി​ലോ കു​റ​വു​ണ്ടാ​വി​ല്ല. സ്ഥാ​ന​ക്ക​യ​റ്റ​ത്തി​നു​ള്ള സാ​ധ്യ​ത​ക​ൾ വ​ർ​ധി​ക്കാ​ൻ ഇ​ട​യു​ണ്ടെ​ന്നും മ​ന്ത്രി വ്യ​ക്ത​മാ​ക്കി.