തെലങ്കാന സർക്കാറിനെ അട്ടിമറിക്കാൻ ശ്രമം; അമൃത ആശുപത്രിയിലെ മൂന്ന്​ ജീവനക്കാരുടെ അറസ്റ്റിന്​​ താൽക്കാലിക വിലക്ക്

കൊ​ച്ചി: തെ​ല​ങ്കാ​ന​യി​ലെ ഭ​ര​ണ​ക​ക്ഷി​യാ​യ ടി.​ആ​ർ.​എ​സ്​ എം.​എ​ൽ.​എ​മാ​രെ കൂ​റു​മാ​റ്റി സ​ര്‍ക്കാ​റി​നെ അ​ട്ടി​മ​റി​ക്കാ​ന്‍ (ഓ​പ​റേ​ഷ​ൻ താ​മ​ര) ശ്ര​മി​ച്ചെ​ന്ന കേ​സി​ലെ മു​ൻ​കൂ​ർ ജാ​മ്യ ഹ​ര​ജി​യി​ൽ, ചോ​ദ്യം ചെ​യ്യ​ലി​ന്​ വി​ധേ​യ​രാ​യ കൊ​ച്ചി അ​മൃ​ത ആ​ശു​പ​ത്രി​യി​ലെ മൂ​ന്ന്​ ജീവനക്കാരു​ടെ അ​റ​സ്റ്റ്​ ഹൈ​കോ​ട​തി താ​ൽ​ക്കാ​ലി​ക​മാ​യി വി​ല​ക്കി.

എ​ൻ.​ഡി.​എ കേ​ര​ള ക​ണ്‍വീ​ന​റും ബി.​ഡി.​ജെ.​എ​സ് അ​ധ്യ​ക്ഷ​നു​മാ​യ തു​ഷാ​ര്‍ വെ​ള്ളാ​പ്പ​ള്ളി​യു​ടെ​ത​ട​ക്കം പ​ങ്കാ​ളി​ത്തം ആ​രോ​പി​ക്ക​പ്പെ​ടു​ന്ന സം​ഭ​വ​ത്തി​ൽ, അ​മൃ​ത ഇ​ന്‍സ്റ്റി​റ്റ്യൂ​ട്ട് ഓ​ഫ് മെ​ഡി​ക്ക​ൽ സ​യ​ൻ​സ​സ് ആ​ൻ​ഡ്​ റി​സ​ർ​ച് സെ​ന്‍റ​റി​ലെ (എ.​ഐ.​എം.​എ​സ്) മൂ​ന്ന്​ ഉ​ദ്യോ​ഗ​സ്ഥ​ർ ന​ൽ​കി​യ ഹ​ര​ജി​യി​ലാ​ണ്​ ഇ​വ​രു​ടെ അ​റ​സ്റ്റ്​ തി​ങ്ക​ളാ​ഴ്ച വ​രെ ത​ട​ഞ്ഞ്​ ജ​സ്റ്റി​സ്​ കെ. ​ബാ​ബു ഉ​ത്ത​ര​വി​ട്ട​ത്. തി​ങ്ക​ളാ​ഴ്ച ഹ​ര​ജി വീ​ണ്ടും പ​രി​ഗ​ണി​ക്കു​ന്ന സാ​ഹ​ച​ര്യ​ത്തി​ലാ​ണി​ത്.

കേ​സു​മാ​യി ഒ​രു ബ​ന്ധ​വു​മി​ല്ലാ​ത്ത ത​ങ്ങ​ൾ​ക്ക് പ്ര​ത്യേ​ക അ​ന്വേ​ഷ​ണ സം​ഘ​ത്ത​ല​വ​നാ​യ ഹൈ​ദ​രാ​ബാ​ദി​ലെ രാ​ജേ​ന്ദ്ര​ന​ഗ​ർ അ​സി. പൊ​ലീ​സ് ക​മീ​ഷ​ണ​റു​ടെ ഓ​ഫി​സി​ൽ ഹാ​ജ​രാ​കാ​ൻ നി​ർ​ദേ​ശി​ച്ച്​ നോ​ട്ടീ​സ് ന​ൽ​കി​യി​രി​ക്കു​ക​യാ​ണെ​ന്നും അ​റ​സ്റ്റ്​ ത​ട​യ​ണ​മെ​ന്നു​മാ​വ​ശ്യ​പ്പെ​ട്ട്​ ആ​ശു​പ​ത്രി കോ​ഓ​ഡി​നേ​റ്റ​ർ ശ​ര​ത് മോ​ഹ​ൻ, ക്ലി​നി​ക്ക​ൽ കോ​ഓ​ഡി​നേ​റ്റ​ർ വി​മ​ൽ വി​ജ​യ​ൻ, അ​ഡ്​​മി​നി​സ്ട്രേ​റ്റി​വ് എ​ക്സി​ക്യൂ​ട്ടി​വ് കെ.​പി. പ്ര​ശാ​ന്ത് എ​ന്നി​വ​ർ ഹ​ര​ജി നൽകിയത്. തെ​ല​ങ്കാ​ന സൈ​ബ​ർ​ബാ​ദി​ലെ മൊ​യീ​നാ​ബാ​ദ് പൊ​ലീ​സ് സ്റ്റേ​ഷ​നി​ൽ ര​ജി​സ്റ്റ​ർ ചെ​യ്ത കേ​സു​മാ​യി ബ​ന്ധ​പ്പെ​ട്ട്​ ഹാ​ജ​രാ​കാ​ൻ ക്രി​മി​ന​ൽ ന​ട​പ​ടി ച​ട്ടം 41(എ) ​പ്ര​കാ​ര​മു​ള്ള നോ​ട്ടീ​സാ​ണ്​ ന​ൽ​കി​യി​രി​ക്കു​ന്ന​ത്. ഒ​ന്നാം പ്ര​തി രാ​മ​ച​ന്ദ്ര ഭാ​ര​തി​യ​ട​ക്കം മൂ​ന്ന് പ്ര​തി​ക​ളു​മാ​യി തു​ഷാ​ർ ഗൂ​ഢാ​ലോ​ച​ന ന​ട​ത്തി​യെ​ന്നാ​ണ് ആ​രോ​പ​ണം. അ​മൃ​ത ആ​ശു​പ​ത്രി അ​ഡീ​ഷ​ന​ല്‍ ജി.എം ഡോ. ​ജ​ഗ്ഗു മു​ഖേ​ന​യാ​ണ് ഇ​വ​ർ പ​രി​ച​യ​ത്തി​ലാ​കു​ന്ന​തും ച​ർ​ച്ച​ക്ക് വ​ഴി​തെ​ളി​ഞ്ഞ​തു​മെ​ന്നാ​ണ് കേ​സ്. ഡോ. ​ജ​ഗ്ഗു​വു​മാ​യി ബ​ന്ധ​പ്പെ​ട്ട വി​വ​ര​ങ്ങ​ൾ തേ​ടി ത​ങ്ങ​ളെ ചോ​ദ്യം ചെ​യ്ത​തി​ന്​ പി​ന്നാ​ലെ​യാ​ണ്​ നേ​രി​ട്ട്​ ഹാ​ജ​രാ​കാ​ൻ നോ​ട്ടീ​സ്​ ന​ൽ​കി​യി​രി​ക്കു​ന്ന​തെ​ന്ന്​ ഹ​ര​ജി​യി​ൽ പ​റ​യു​ന്നു.