തലശ്ശേരിയിൽ സി.പി.എം-ബി.ജെ.പി സംഘർഷം; വീടുകൾക്കുനേരെ ആക്രമണം

തലശ്ശേരി: കഴിഞ്ഞദിവസം ഇല്ലത്തുതാഴെ, മണോളിക്കാവ് ഭാഗങ്ങളിലുണ്ടായ സി.പി.​എം-ബി.ജെ.പി സംഘർഷത്തി​​െൻറ തുടർച്ചയായി വീടുകൾക്കുനേരെ ആക്രമണവും ബോംബേറും. ബോംബേറിൽ സി.പി.എം പ്രവർത്തകക്കും രണ്ടു​ കുട്ടികൾക്കും പരി​േക്കറ്റു. മൂഴിക്കരയിലെ ബി.ജെ.പി അനുഭാവി പഞ്ചാരൻറവിട ഷൈജു, മഹിള അസോസിയേഷന്‍ തിരുവങ്ങാട് ഈസ്​റ്റ്​ വില്ലേജ്കമ്മിറ്റി അംഗവും സി.പി.എം പെരിങ്കളം ബ്രാഞ്ച്​ അംഗവുമായ പെരിങ്കളം പ്രതീക്ഷയില്‍ പി. ഉഷ എന്നിവരുടെ വീടുകൾക്ക്​ നേരെയാണ്​ ആക്രമണം ഉണ്ടായത്​.

ഒരുസംഘം ഷൈജുവി​​െൻറ വീട്​ അടിച്ചുതകർത്തപ്പോൾ മറ്റൊരുസംഘം ഉഷയുടെ വീടിനുനേരെ ബോംബെറിയുകയായിരുന്നു​. ഷൈജുവി​​െൻറ വീട്​ സി.പി.എം പ്രവർത്തകരാണ്​ ആക്രമിച്ചതെന്ന്​ ബി.ജെ.പിയും ഉഷയുടെ വീടിനുനേരെ ബോംബെറിഞ്ഞത്​ ബി.ജെ.പി-ആർ.എസ്​.എസ്​ സംഘമാണെന്ന്​ സി.പി.എമ്മും ആരോപിച്ചു. ബോംബേറിൽ പി. ഉഷ, പേരമക്കളായ അനാമിക (ഒമ്പത്​), അലേഷ് (ഏഴ്​) എന്നിവർക്കാണ്​ പരിക്കേറ്റത്​. ഇവരെ തലശ്ശേരി സഹകരണാശുപത്രിയിൽ പ്രവേശിപ്പിച്ചു. 

വ്യാഴാഴ്​ച രാത്രി ഷൈജുവി​​െൻറ വീടി​​െൻറ വാതില്‍ ചവിട്ടിത്തുറന്ന് അകത്തുകടന്നാണ്​ സംഘം അക്രമം നടത്തിയത്​. സീലിങ്​ സാമഗ്രികള്‍ വാളുപയോഗിച്ച് നശിപ്പിച്ചെന്ന് ഷൈജു ന്യൂ മാഹി പൊലീസിൽ നല്‍കിയ പരാതിയിൽ പറഞ്ഞു. ഈ സംഭവത്തിന് പിന്നാലെയാണ്​ വെള്ളിയാഴ്​ച പുലർച്ച ഉഷയുടെ വീടിനുനേരെ ബോംബേറുണ്ടായത്​. സ്‌ഫോടനത്തില്‍ വീടി​​െൻറ മുന്‍വശത്തെ ജനല്‍ചില്ലുകള്‍ തകര്‍ന്നു. നിലത്തുപാകിയ ടൈല്‍സ് പൊട്ടി, ചുമരി​​െൻറ തേപ്പ് അടര്‍ന്നു.
 
സി.പി.എം പ്രവര്‍ത്തകന്‍ ലിനേഷി​​െൻറയും ഡി.വൈ.എഫ്‌.ഐ തിരുവങ്ങാട് ഈസ്​റ്റ്​ മേഖല കമ്മിറ്റി അംഗം മോനിഷയുടെയും മക്കളാണ് പരിക്കേറ്റ അനാമികയും അലേഷും.ബോംബേറ്​ നടന്ന വീടും പരിക്കേറ്റ് ആശുപത്രിയില്‍ കഴിയുന്നവരെയും മഹിള അസോസിയേഷന്‍ നേതാക്കളായ വി. സതി, എം. പ്രസന്ന എന്നിവര്‍ സന്ദര്‍ശിച്ചു. വീടിന് നേരെയുണ്ടായ ബോംബേറില്‍ മഹിള അസോസിയേഷന്‍ ഏരിയ കമ്മിറ്റി പ്രതിഷേധിച്ചു. പെരിങ്കളത്ത് മഹിള അസോസിയേഷ​​െൻറ നേതൃത്വത്തില്‍ പ്രകടനവും യോഗവും നടത്തി.ഷൈജുവി​​െൻറ വീട്​ ആക്രമിച്ചതിന് കണ്ടാലറിയാവുന്ന ഏഴു​ സി.പി.എം പ്രവര്‍ത്തകര്‍ക്കെതിരെ ന്യൂ മാഹി പൊലീസും ലനീഷി​​െൻറയും മാതാവ് ഉഷയുടെയും പരാതിയില്‍ ബി.ജെ.പി പ്രവർത്തകർക്കെതിരെ തലശ്ശേരി പൊലീസും കേസെടുത്തു. പ്രദേശത്ത് ശക്തമായ ​െപാലീസ് കാവല്‍ ഏര്‍പ്പെടുത്തിയിട്ടുണ്ട്​.