ആലപ്പുഴയിൽ സംഘർഷ സാധ്യത നിലനിൽക്കുന്നുവെന്ന് റിപ്പോർട്ട്; നിരോധനാജ്ഞ വീണ്ടും നീട്ടി

ആലപ്പുഴ: രണ്ട്​ രാഷ്​​ട്രീയ കൊലപാതകങ്ങൾക്ക്​ വേദിയായ ആലപ്പുഴയിൽ സം​​ഘ​​ർ​​ഷ ​​സാ​​ധ്യ​​ത ക​​ണ​​ക്കി​​ലെ​​ടു​​ത്ത്​ നി​രോ​ധ​നാ​ജ്ഞ ഡി​സം​ബ​ര്‍ 22വ​രെ നീ​ട്ടി. ക്ര​മ​സ​മാ​ധാ​നം ഉ​റ​പ്പാ​ക്കാനാ​യി ക്രി​മി​ന​ല്‍ ന​ട​പ​ടി​ക്ര​മം 144 പ്ര​കാ​രം പ്ര​ഖ്യാ​പി​ച്ച നി​രോ​ധ​നാ​ജ്ഞയാണ്​ 22ന് ​രാ​വി​ലെ ആ​റു​വ​രെ ദീ​ര്‍ഘി​പ്പി​ച്ച് ക​ല​ക്​​ട​ര്‍ ഉ​ത്ത​ര​വി​ട്ടത്​. സം​ഘ​ര്‍ഷ സാ​ധ്യ​ത നി​ല​നി​ല്‍ക്കു​ന്ന​ുണ്ടെന്ന ജി​ല്ല പൊ​ലീ​സ് മേ​ധാ​വി​യു​ടെ റി​പ്പോ​ര്‍ട്ടി​െൻറ അ​ടി​സ്ഥാ​ന​ത്തി​ലാ​ണ് ന​ട​പ​ടി.

ഷാൻ വധം: എ.ടി.എം കാർഡ് ഉപയോഗിച്ച് ഇന്ധനം നിറച്ചതി​െൻറ രേഖകൾ കിട്ടി

അതിനിടെ, എ​സ്.​ഡി.​പി.​ഐ സം​സ്ഥാ​ന സെ​ക്ര​ട്ട​റി അ​ഡ്വ. കെ.​എ​സ്. ഷാ​​നി​നെ കൊ​​ല​പ്പെ​ടു​ത്തി​യ​വ​ർ സ​ഞ്ച​രി​ച്ച കാ​റി​ൽ​നി​ന്ന്​ ആ​ർ.​സി ബു​ക്കും എ.​ടി.​എം കാ​ർ​ഡ് ഉ​പ​യോ​ഗി​ച്ച് ഇ​ന്ധ​നം നി​റ​ച്ച​ രേ​ഖ​ക​ളും കി​ട്ടി. പി​ൻ​സീ​റ്റി​ൽ മാ​സ്​​കും സ്​​നാ​ക്​​സി​െൻറ ഒ​ഴി​ഞ്ഞ പാ​ക്ക​റ്റും ക​ണ്ടെ​ത്തി.

കാ​റി​ൽ മ​ദ്യ​പി​ച്ച​തി​െൻറ സൂ​ച​ന​ക​ളു​ണ്ട്. ഡി​ക്കി​യി​ൽ കു​ടി​വെ​ള്ള​ത്തി​െൻറ കാ​ലി​ക്കു​പ്പി​ക​ളും ക​ണ്ടു. ക​ണി​ച്ചു​കു​ള​ങ്ങ​ര ക്ഷേ​ത്ര​ത്തി​നു വ​ട​ക്ക് അ​ന്ന​പ്പു​ര മൈ​താ​ന​ത്ത് ആ​ളൊ​ഴി​ഞ്ഞ സ്ഥ​ല​ത്ത്​ ഉ​പേ​ക്ഷി​ച്ച നി​ല​യി​ലാ​യി​രു​ന്നു കാ​ർ. എ​റ​ണാ​കു​ളം ര​ജി​സ്ട്രേ​ഷ​നി​ലെ വെ​ള്ള മാ​രു​തി സ്വി​ഫ്റ്റ് കാ​റി​െൻറ ഉ​ട​മ പൊ​ന്നാ​ട് സ്വ​ദേ​ശി ബേ​ബി​യാ​ണ്​.

ഞാ​യ​റാ​ഴ്​​ച പു​ല​ർ​ച്ച സ​മീ​പ​വാ​സി​ക​ളാ​ണ്​ കാർ ആദ്യം ക​ണ്ട​ത്. ദൂ​ര​യാ​ത്ര​ക്കാ​ർ വാ​ഹ​ന​ങ്ങ​ൾ ഇ​വി​ടെ നി​ർ​ത്തി​യി​ടു​ന്ന​തി​നാ​ൽ അ​സ്വാ​ഭാ​വി​ക​ത തോ​ന്നി​യി​ല്ല. കാ​റി​െൻറ മു​ൻ​വ​ശം ഇ​ട​തു​ഭാ​ഗ​ത്ത് ഷാ​െൻറ സ്​​കൂ​ട്ട​റി​ൽ ഇ​ടി​ച്ച​ഭാ​ഗ​ത്ത്​ പൊ​ട്ട​ലു​ണ്ട്. ഇ​തേ വ​ശ​ത്തെ ക​ണ്ണാ​ടി​യും ത​ക​ർ​ന്നി​ട്ടു​ണ്ട്. ആ​ക്ര​മ​ണ​ത്തി​ന് ഉ​പ​യോ​ഗി​ച്ച ആ​യു​ധ​ങ്ങ​ൾ വ​ഴി​മ​ധ്യേ ഉ​പേ​ക്ഷി​ച്ച​താ​യാ​ണ്​ പൊ​ലീ​സ് സം​ശ​യി​ക്കു​ന്ന​ത്. പ്ര​തി​ക​ളു​ടേ​തെ​ന്ന് ക​രു​തു​ന്ന വി​ര​ല​ട​യാ​ള​ങ്ങ​ൾ ല​ഭി​ച്ചി​ട്ടു​ണ്ട്. പൊ​ലീ​സ് നാ​യ്​ ഇ​വി​ടെ നി​ന്ന് ഒ​ന്ന​ര കി​ലോ​മീ​റ്റ​റോ​ളം ദൂ​രം ഓ​ടി. പ്ര​ദേ​ശ​ത്ത് പൊ​ലീ​സ് അ​ന്വേ​ഷ​ണം ന​ട​ത്തി​യെ​ങ്കി​ലും സൂ​ച​ന​യൊ​ന്നും ല​ഭി​ച്ചി​ല്ല.

അ​ഡ്വ. ര​ഞ്ജി​ത്ത് ശ്രീ​നി​വാ​സ​െൻറ മ​ര​ണ​കാ​ര​ണം ക​ഴു​ത്തി​ലെ മു​റി​വ്

ബി.​ജെ.​പി ഒ.​ബി.​സി മോ​ർ​ച്ച സം​സ്ഥാ​ന സെ​ക്ര​ട്ട​റി അ​ഡ്വ. ര​ഞ്ജി​ത് ശ്രീ​നി​വാ​സ​െൻറ ക​ഴു​ത്തി​നേ​റ്റ ആ​ഴ​മേ​റി​യ മു​റി​വാ​ണ്​ മ​ര​ണ​കാ​ര​ണ​മാ​യ​തെ​ന്ന്​ പോ​സ്​​റ്റ്​​മോ​ർ​ട്ടം റി​പ്പോ​ർ​ട്ട്. തി​ങ്ക​ളാ​ഴ്​​ച രാ​വി​ലെ 7.30ഓ​ടെ ആ​രം​ഭി​ച്ച പോ​സ്​​​റ്റ്​​മോ​ര്‍ട്ടം 10.30 വ​രെ നീ​ണ്ടു. ആ​ഴ​മേ​റി​യ 20ഓ​ളം മു​റി​വു​ക​ളും മ​റ്റ് നി​ര​വ​ധി ചെ​റി​യ മു​റി​വു​ക​ളും ഉ​ണ്ടാ​യി​രു​ന്നു. ത​ല​ക്കും മു​ഖ​ത്തും ക​ഴു​ത്തി​നും കാ​ലു​ക​ളി​ലു​മാ​ണ് ആ​ഴ​ത്തി​ലു​ള്ള മു​റി​വു​ക​ള്‍.

അ​ഡ്വ. ര​ഞ്ജി​ത് ശ്രീ​നി​വാ​സ​െൻറ മൃ​​ത​ദേ​ഹം ആ​റാ​ട്ടു​പു​ഴ വ​ലി​യ​ഴീ​ക്ക​ൽ ത​റ​വാ​ട്ട്​ വീ​ട്ടു​വ​ള​പ്പി​ൽ വ​ൻ ജ​നാ​വ​ലി​യു​ടെ സാ​ന്നി​ധ്യ​ത്തി​ൽ സം​സ്​​ക​രി​ച്ചു. ആ​ല​പ്പു​ഴ​യി​ൽ​നി​ന്ന്​ നി​ര​വ​ധി വാ​ഹ​ന​ങ്ങ​ളു​ടെ അ​ക​മ്പ​ടി​യോ​ടെ മൂ​ന്ന​ര​യോ​ടെ​യാ​ണ് മൃ​ത​ദേ​ഹം ര​ഞ്ജി​ത്തി​െൻറ പി​താ​വി​െൻറ ത​റ​വാ​ടാ​യ കു​ന്നും​പു​റ​ത്ത് എ​ത്തി​യ​ത്. നാ​ട്ടു​കാ​രും പാ​ർ​ട്ടി പ്ര​വ​ർ​ത്ത​ക​രു​മ​ട​ക്കം നൂ​റു​ക​ണ​ക്കി​നു​പേ​ര്‍ ആ​ദ​രാ​ഞ്ജ​ലി​ക​ൾ അ​ർ​പ്പി​ക്കാ​ൻ കാ​ത്തു​നി​ന്നു. സേ​വാ​ഭാ​ര​തി​യു​ടെ ആം​ബു​ല​ന്‍സി​നെ കാ​റു​ക​ളി​ലും ബൈ​ക്കു​ക​ളി​ലു​മാ​യി പ്ര​വ​ര്‍ത്ത​ക​ർ അ​നു​ഗ​മി​ച്ചു.

മെ​ഡി​ക്ക​ൽ കോ​ള​ജ്​​ ആ​ശു​പ​ത്രി വ​ള​പ്പി​ല്‍നി​ന്ന്​ വാ​ഹ​നം ദേ​ശീ​യ​പാ​ത​യി​ലെ​ത്തി​യ​പ്പോ​ഴും പ്ര​വ​ര്‍ത്ത​ക​രു​ടെ നീ​ണ്ട​നി​ര​യാ​യി​രു​ന്നു. പി​തൃ​സ​ഹോ​ദ​ര​ൻ എ​സ്. സ​ജീ​വ​െൻറ വീ​ടി​ന് മു​ന്നി​ൽ പി​താ​വ് ശ്രീ​നി​വാ​സ​െൻറ കു​ഴി​മാ​ട​ത്തി​ന​രി​കി​ലാ​ണ് ചി​ത​യൊ​രു​ക്കി​യ​ത്. വൈ​കീ​ട്ട്​ 5.10ഓ​ടെ സ​ഹോ​ദ​ര​ൻ അ​ഭി​ജി​ത്തും ര​ഞ്ജി​ത്തി​െൻറ മ​ക്ക​ളാ​യ ഭാ​ഗ്യ, ഹൃ​ദ്യ എ​ന്നി​വ​രും ചേ​ർ​ന്നാ​ണ് ചി​ത​ക്ക് തീ​കൊ​ളു​ത്തി​യ​ത്.

ബി.​ജെ.​പി സം​സ്ഥാ​ന പ്ര​സി​ഡ​ൻ​റ്​ കെ. ​സു​രേ​ന്ദ്ര​ൻ, ദേ​ശീ​യ നി​ർ​വാ​ഹ​ക സ​മി​തി അം​ഗം പി.​കെ. കൃ​ഷ്​​ണ​ദാ​സ്, ജി​ല്ല പ്ര​സി​ഡ​ൻ​റ്​ എം.​വി. ഗോ​പ​കു​മാ​ർ തു​ട​ങ്ങി​യ​വ​ർ സാ​ക്ഷി​യാ​യി. പൊ​ലീ​സ് നി​ർ​ദേ​ശ​ത്തെ​തു​ട​ർ​ന്ന് വി​ലാ​പ​യാ​ത്ര ക​ട​ന്നു​പോ​കു​ന്ന​തു​വ​രെ തീ​ര​ദേ​ശ​ത്തെ ക​ട​ക​ൾ അ​ട​ച്ചു. കേ​ന്ദ്ര ആ​ഭ്യ​ന്ത​ര സ​ഹ​മ​​ന്ത്രി നി​ത്യാ​ന്ദ റാ​യ്​ അ​ട​ക്കം പ്ര​മു​ഖ​ർ ആ​ല​പ്പു​ഴ വെ​ള്ള​ക്കി​ണ​റി​ലെ വീ​ട്ടി​ലെ​ത്തി ഉ​റ്റ​വ​രെ ആ​ശ്വ​സി​പ്പി​ച്ചു.