തലസ്ഥാന നിവാസികൾക്ക് വിസ്മയ കാഴ്ചയൊരുക്കി വ്യോമസേന
text_fieldsതിരുവനന്തപുരം: ഇന്ത്യൻ വ്യോമസേന സംസ്ഥാന സർക്കാരിന്റെ ഏകോപനത്തോടെ 2023 ഞായറാഴ്ച തിരുവനന്തപുരം ശംഖുമുഖം കടൽത്തീരത്ത് സേനയുടെ സൂര്യ കിരൺ എയ്റോബാറ്റിക് ടീം അവതരിപ്പിച്ച വ്യോമഭ്യാസ പ്രകടനങ്ങൾ നഗരവാസികൾക്ക് വിസ്മയകാഴ്ച്ചയായി. ഈ വ്യോമാഭ്യാസ പ്രകടനത്തിൽ ഹോക്ക് വിഭാഗത്തിൽപ്പെട്ട ഒമ്പത് വിമാനങ്ങൾ വിവിധ ഫോർമേഷനുകളിൽ അഭ്യാസപ്രകടനങ്ങൾ നടത്തി.
വ്യോമഭ്യാസ പ്രകടനത്തിൽ പങ്കെടുത്ത സൂര്യകിരൺ ടീമിനെ മന്ത്രി വി.ശിവൻകുട്ടി ഉപകാരം നൽകി ആദരിച്ചു. വ്യോമസേന, കരസേന, തീരസംരക്ഷണസേന എന്നിവയിലെ മുതിർന്ന ഉദ്യോഗസ്ഥർ, സംസ്ഥാന ഉദ്യോഗസ്ഥർ തിരുവനന്തപുരം മേയർ തുടങ്ങിയവർ ചടങ്ങിൽ സന്നിഹിതരായിരുന്നു. ഉദ്വേഗജനകവും കണ്ണഞ്ചിപ്പിക്കുന്നതുമായ എയ്റോബാറ്റിക്സ് കാണുന്നതിനായി വമ്പിച്ച ജനാവലിയാണ് ശംഖുമുഖം കടൽതീരത്ത് എത്തിച്ചേർന്നത്.
വ്യോമഭ്യാസത്തിൽ കൃത്യതയുള്ള ക്ലോസ് ഫോർമേഷന്റെ ഉജ്ജ്വലവും ഗംഭീരവുമായ പ്രദർശനം, പ്രൊഫഷണലിസം, പരസ്പരം കഴിവുകളിലെ ആത്മവിശ്വാസം എന്നിവ തെളിയിക്കുന്ന പ്രകടമായിരുന്നു. ഇന്ത്യൻ വ്യോമസേനയുടെ അംബാസഡർമാർ എന്നറിയപ്പെടുന്ന സൂര്യ കിരൺ, ലോകത്തിലെ ഒമ്പത് എയർക്രാഫ്റ്റ് ഫോർമേഷൻ എയറോബാറ്റിക് ടീമുകളിൽ ഒന്നാണ് എന്ന പ്രത്യേകതയുമുണ്ട്.
“സദൈവ് സർവോത്തം” (എല്ലായ്പ്പോഴും മികച്ചത്) എന്ന മുദ്രാവാക്യമുള്ള ടീമിന്റെ എയ്റോബാറ്റിക് ഡിസ്പ്ലേ, യുവാക്കളെ സേവനത്തിൽ ചേരാൻ പ്രചോദിപ്പിക്കുകയെന്ന ലക്ഷ്യത്തോടെ ഇന്ത്യൻ വ്യോമസേനയുടെ പ്രവർത്തന ശേഷി പ്രകടമാക്കി.വ്യോമഭ്യാസത്തിന് ശേഷം, സമന്വയവും ഐക്യദാർഢ്യവും പ്രകടിപ്പിക്കുന്ന, വ്യോമസേനാ ബാൻഡ് അവതരിപ്പിച്ച സംഗീത വിരുന്ന് കാണികൾക്ക് കൗതുകമായി.
ഗ്രൂപ്പ് ക്യാപ്റ്റൻ ജിഎസ് ധില്ലന്റെ നേതൃത്വത്തിലുള്ള സംഘം, എച്ച്എഎൽ (ഹിന്ദുസ്ഥാൻ എയറോനോട്ടിക്സ് ലിമിറ്റഡ്) ഇന്ത്യയിൽ നിർമ്മിക്കുന്ന ലൈസൻസ് BAe (ബ്രിട്ടീഷ് എയ്റോസ്പേസ്) രൂപകൽപ്പന ചെയ്ത ഒൻപത് ഹോക്ക് Mk132 വിമാനങ്ങളാണ് സൂര്യ കിരൺ ടീമായി പറത്തുന്നത്. 1996-ൽ രൂപീകൃതമായ ഈ ടീം അന്നുമുതൽ ഇന്ത്യൻ വ്യോമസേനയുടെ "ആകാശത്തെ മഹത്വത്തോടെ തൊടൂ" എന്ന മുദ്രാവാക്യം പ്രാവർത്തികമാക്കുന്നു.
ഇന്ത്യയുടനീളവും നിരവധി വിദേശ രാജ്യങ്ങളിലും ടീം 600-ലധികം പ്രദർശനങ്ങൾ പൂർത്തിയാക്കി. സ്വർണ വിജയ് വർഷ്, ആസാദി കാ അമൃത് മഹോത്സവ് എന്നിവയുടെ ആഘോഷങ്ങൾക്കായി സംഘം വിവിധ ഫ്ലൈപാസ്റ്റുകളും നടത്തിയിട്ടുണ്ട്. ടീമിന്റെ മുദ്രാവാക്യം "എല്ലായ്പ്പോഴും മികച്ചത്" എന്നതാണ്. ക്രോസ് ഓവർ ബ്രേക്ക്, മുള്ളുവേലി ക്രോസ്, റോൾബാക്കുകൾ, സിൻക്രണസ് റോളുകൾ, ഇൻവെർട്ടഡ് വിക് എന്നിവ 17 ഡിസംബർ 22 ന് എയർഫോഴ്സ് അക്കാദമിയിലെ കമ്പൈൻഡ് ഗ്രാജുവേഷൻ പരേഡിൽ അവതരിപ്പിച്ചിട്ടുണ്ട്. പരിപാടിയുടെ സുരക്ഷയ്ക്കായി ഇന്ത്യൻ കോസ്റ്റ് ഗാർഡ് C-427, C-441 എന്നീ രണ്ട് കപ്പലുകൾ കടലിൽ വിന്യസിച്ചിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.