മദ്യപാനം ചോദ്യംചെയ്തയാൾ മർദനമേറ്റ്​ മരിച്ചു

ചാവക്കാട്: കടയുടെ മുന്നിലിരുന്ന് മദ്യപിക്കുന്നത് ചോദ്യംചെയ്ത ഉടമ മർദനമേറ്റ്​ മരിച്ചു. പ്രതി കസ്​റ്റഡിയിൽ. അകലാട് ബദര്‍പള്ളി സൈക്കിൾ ഷോപ് ഉടമ കുന്നമ്പത്ത് കോഞ്ചാടത്ത് മുഹമ്മദാലിയാണ് (65) മരിച്ചത്. അകലാട് കുന്നമ്പത്ത് കുരിക്കളകത്ത് ഷഫീഖിനെ (30) വടക്കേകാട് പൊലീസ് കസ്​റ്റഡിയിലെടുത്തു.

ഞായറാഴ്ച രാത്രി എട്ടോടെയാണ് സംഭവം. ദേശീയപാതയോരത്ത് മുഹമ്മദലിയുടെ വീടി​െൻറ മുൻഭാഗത്താണ് സൈക്കിൾ കട. കടയുടെ മുന്നിലിരുന്ന്​ ഷഫീഖും തമിഴ്നാട് സ്വദേശിയായ മുരുകനും മദ്യപിക്കുന്നത്​ മുഹമ്മദാലി ചോദ്യം ചെയ്തു. തുടര്‍ന്നുള്ള വാക്​തര്‍ക്കമാണ് മർദനത്തിൽ കലാശിച്ചത്. തളർന്നുവീണ മുഹമ്മദലിയെ ചാവക്കാട് ഹയാത്ത് ആശുപത്രിയിൽ എത്തിക്കുന്നതിനിടയിലാണ് മരണം.

ഖബറടക്കം തിങ്കളാഴ്ച മന്ദലാംകുന്ന് ജുമാമസ്ജിദ് ഖബർസ്ഥാനിൽ. ഭാര്യ: സുലൈഖ. മക്കള്‍: റാഷിദ, ഫാത്തിമ, സമീറ, നൗഫിയ, നൗഷത്ത്, ആത്തിക്ക.