ഓട്ടോ നടുറോഡിൽ നിർത്തിയിട്ടു; ഗതാഗതം സ്തംഭിച്ചത് അരമണിക്കുറിലേറെ, ഡ്രൈവർ മദ്യപിച്ചതായി നാട്ടുകാർ
text_fieldsഅടിമാലി: ഓട്ടോ ഡ്രൈവർ വാഹനം നടുറോഡിൽ നിർത്തിയിട്ടതിനെ തുടർന്ന് അരമണിക്കൂറിലേറെ ഗതാഗതം സ്തംഭിച്ചു. ബൈസൺവാലി പഞ്ചായത്തിലെ പമ്പുഹൗസ് - ഉപ്പാർ റോഡിലാണ് സംഭവം. ചൊവ്വാഴ്ച വൈകീട്ട് നാലിനാണ് സംഭവം. പിന്നാലെയും എതിർവശത്തുനിന്നും വന്ന വാഹനങ്ങൾക്ക് കടന്നുപോകാൻ സാധിച്ചില്ല.
സ്കൂൾ ബസുകൾ ഉൾപ്പെടെ വിദ്യാർഥികളുമായി വഴിയിൽ കുടുങ്ങി. ഓട്ടോ ഡ്രൈവർ മദ്യപിച്ചിരുന്നതായും വാഹനം മുന്നോട്ട് കൊണ്ടുപോകാൻ സാധിക്കാതെ വന്നപ്പോൾ നടുറോഡിൽ നിർത്തിയിടുകയായിരുന്നുവെന്നും നാട്ടുകാർ പറയുന്നു. ഡ്രൈവറെ ഇറക്കി വാഹനം മാറ്റാൻ ശ്രമിച്ച നാട്ടുകാർക്ക് നേരെ അഭസ്യവർഷം നടത്തിയതായും ഇവർ ആരോപിച്ചു.
പിന്നീട് നാട്ടുകാർ ഡ്രൈവറെ ബലമായി വാഹനത്തിൽനിന്ന് പിടിച്ചിറക്കി മറ്റൊരു ഡ്രൈവറെക്കൊണ്ട് വാഹനം വശത്തേക്ക് മാറ്റിയതിനു ശേഷമാണ് വാഹനങ്ങൾക്ക് കടന്നുപോകാൻ സാധിച്ചത്.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.