ഈ ​മൈ​താ​നം പ​റ​ഞ്ഞു​ത​രും പോ​രാ​ട്ട ക​ഥ​ക​ൾ...

ഈ ​മൈ​താ​ന​വും ചു​റ്റു​വ​ട്ട​വും നെ​ഞ്ചി​ലേ​റ്റു​ന്നു​ണ്ട്, സ്വാ​ത​ന്ത്ര്യ സ​മ​ര പോ​രാ​ട്ട​ങ്ങ​ളു​ടെ ക​ഥ​ക​ൾ. അ​തി​ന്‍റെ അ​വ​ശേ​ഷി​പ്പു​ക​ൾ മ​ങ്ങി​യും മാ​ഞ്ഞും ഇ​പ്പോ​ഴും ഇ​വി​ടെ​യു​ണ്ട്. ഇ​ന്ത്യ​ൻ സ്വാ​ത​ന്ത്ര്യ സ​മ​ര പോ​രാ​ട്ട​ത്തി​ൽ തൃ​ശൂ​രി​ന്‍റെ ഈ​ടു​വെ​പ്പു​ക​ളാ​യി ഇ​ന്നും അ​തി​നെ ഓ​ർ​ക്കു​ന്ന​വ​രു​ണ്ട്, അ​റി​യാ​ത്ത​വ​രും.

തൃ​ശൂ​ർ തേ​ക്കി​ൻ​കാ​ട്​ മൈ​താ​ന​ത്തി​ലെ മ​ണി​ക​ണ്ഠ​നാ​ൽ​ത്ത​റ സ്വാ​ത​ന്ത്ര്യ സ​മ​ര ച​രി​ത്ര​ത്തി​ലു​ണ്ട്. ‘ബ്രി​ട്ടീ​ഷു​കാ​ർ ഇ​ന്ത്യ വി​ടു​ക’ എ​ന്ന്​ ഈ ​ആ​ൽ​ത്ത​റ​ക്ക​ടു​ത്ത്​ ഒ​ത്തു​കൂ​ടി​യ​വ​ർ ഉ​ച്ച​ത്തി​ൽ വി​ളി​ച്ചു​പ​റ​ഞ്ഞ കാ​ല​മു​ണ്ട്. അ​തി​ന്‍റെ ഫ​ല​മെ​ന്നോ​ണം ബ്രി​ട്ടീ​ഷ്​ ​പൊ​ലീ​സി​ന്‍റെ മ​ർ​ദ​ന​മേ​റ്റ​തി​ന്‍റെ ചോ​ര​പ്പാ​ടു​ക​ൾ അ​ലി​ഞ്ഞു ചേ​ർ​ന്ന മ​ണ്ണാ​ണ​ത്.

1942 ആ​ഗ​സ്റ്റ് 12ന്​ ​മ​ണി​ക​ണ്ഠ​നാ​ല്‍ത്ത​റ​യി​ൽ ത്രി​വ​ർ​ണ പ​താ​ക ഉ​യ​ര്‍ത്താ​ന്‍ ശ്ര​മി​ച്ച ചെ​റു​പ്പ​ക്കാ​രാ​യ ഒ​രു​പ​റ്റം സ്വാ​ത​ന്ത്ര്യ​സ​മ​ര സേ​നാ​നി​ക​ളെ പൊ​ലീ​സ്​ മാ​ര​ക​മാ​യാ​ണ്​ ആ​ക്ര​മി​ച്ച​ത്. എ​ന്നാ​ൽ ക​ത്തു​ന്ന യൗ​വ​ന​ത്തി​ന്‍റെ സ​ഹ​ന​ഭാ​വ​വും ദേ​ശ​ത്തി​ന്‍റെ സ്വാ​ത​ന്ത്ര്യ​ത്തി​നാ​യു​ള്ള ​ദാ​ഹ​വും അ​വ​രെ പി​ന്മാ​റ്റി​യി​ല്ല. ദേ​ഹ​മാ​കെ അ​ടി​യേ​റ്റ്​ ചോ​ര​യൊ​ലി​പ്പി​ച്ച് അ​വ​ർ പ​താ​ക ഉ​യ​ർ​ത്തി. പി​ൽ​ക്കാ​ല​ത്ത്​ തൃ​ശൂ​രി​ന്‍റെ​യും കേ​ര​ള​ത്തി​ന്‍റെ ത​ന്നെ​യും ‘ലീ​ഡ​ർ’ ആ​യി മാ​റി​യ കെ. ​ക​രു​ണാ​ക​ര​ൻ ആ ​സം​ഘ​ത്തി​ന്‍റെ മു​ൻ​പ​ന്തി​യി​ൽ ഉ​ണ്ടാ​യി​രു​ന്നു.

ഐ​ക്യ​കേ​ര​ളം രൂ​പം കൊ​ള്ളു​ന്ന​തി​ന് മു​മ്പ്​ കൊ​ച്ചി രാ​ജ​വം​ശ​ത്തി​ന്‍റെ നി​യ​ന്ത്ര​ണ​ത്തി​ലാ​യി​രു​ന്നു തൃ​ശൂ​ർ. ബ്രി​ട്ടീ​ഷു​കാ​ർ നേ​രി​ട്ട് ഭ​രി​ക്കു​ന്നി​ട​ത്ത് മാ​ത്രം സ​മ​ര​ത്തി​ന്​ ഇ​റ​ങ്ങി​യാ​ൽ മ​തി​യെ​ന്ന ഗാ​ന്ധി​യു​ടെ നി​ർ​ദേ​ശ​മു​ള്ള​തി​നാ​ൽ തൃ​ശൂ​രി​ൽ കോ​ൺ​ഗ്ര​സ് രൂ​പ​പ്പെ​ട്ടി​രു​ന്നി​ല്ല. അ​ക്കാ​ല​ത്ത്​ തി​രു​വി​താം​കൂ​റി​ലും മ​ല​ബാ​റി​ലും സ്വാ​ത​ന്ത്ര്യ​ത്തി​നാ​യു​ള്ള പോ​രാ​ട്ടം മൂ​ർ​ച്ഛി​ച്ച്​ തു​ട​ങ്ങി​യി​ട്ടു​ണ്ട്. ചു​റ്റു​പാ​ടും തി​ള​ച്ച്​ മ​റി​യു​മ്പോ​ൾ തൃ​ശൂ​രി​നും ക​ണ്ടു​നി​ൽ​ക്കാ​ൻ ആ​കു​മാ​യി​രു​ന്നില്ല. സ​മ​ര​ത്തി​ലേ​ക്ക്​ തൃ​ശൂ​രി​ന്‍റെ ക്ഷു​ഭി​ത യൗ​വ​ന​വും എ​ടു​ത്തു​ചാ​ടി. അ​തി​ന്‍റെ തു​ട​ർ​ച്ച​യാ​യാ​ണ്​ തൃ​ശൂ​രി​ൽ കൊ​ച്ചി രാ​ജ്യ പ്ര​ജാ​മ​ണ്ഡ​ല​ത്തി​ന്‍റെ പി​റ​വി. മ​ണി​ക​ണ്ഠ​നാ​ൽ​ത്ത​റ​യാ​ണ് സ​മ​ര പ്ര​തീ​കം. അ​ഭി​ഭാ​ഷ​ക​നും സോ​ഷ്യ​ലി​സ്റ്റും കൊ​ച്ചി പ്ര​ധാ​ന​മ​ന്ത്രി​യും ആ​യി​രു​ന്ന ഇ​ക്ക​ണ്ട​വാ​ര്യ​രും സ​ഹ​ക​ര​ണ പ്ര​സ്ഥാ​ന​ത്തി​ന്‍റെ കാ​ര​ണ​വ​രെ​ന്ന്​ പി​ന്നീ​ട്​ വി​ശേ​ഷി​പ്പി​ക്ക​പ്പെ​ട്ട വി.​ആ​ർ. കൃ​ഷ്ണ​ൻ എ​ഴു​ത്ത​ച്ഛ​നും എ​സ്. നീ​ല​ക​ണ്ഠ​യ്യ​രും കൊ​ച്ചി രാ​ജ​പ​ര​മ്പ​ര​യി​ലെ ക​ണ്ണി​കൂ​ടി​യാ​യ തൃ​ശൂ​രി​ലെ ആ​ദ്യ ജി​ല്ല കോ​ൺ​ഗ്ര​സ് ക​മ്മി​റ്റി പ്ര​സി​ഡ​ന്‍റ്​ കു​റൂ​ർ നീ​ല​ക​ണ്ഠ​ൻ ന​മ്പൂ​തി​രി​പ്പാ​ടും മ​റ്റും ചേ​ർ​ന്നാ​ണ് പ്ര​ജാ​മ​ണ്ഡ​ലം രൂ​പ​വ​ത്ക​രി​ച്ച​ത്.

പ​ന​മ്പി​ള്ളി​യും ക​രു​ണാ​ക​ര​നും മ​റ്റു​മ​ട​ങ്ങു​ന്ന ഒ​രു നി​ര സ്വാ​ത​ന്ത്ര്യ സ​മ​ര​ത്തി​ൽ തൃ​ശൂ​രി​ന്‍റെ സ​ന്ത​തി​ക​ളാ​യി​രു​ന്നു. അ​ന്ന​ത്തെ ഒ​ത്തു​ചേ​ര​ൽ അ​ധി​ക​വും മ​ണി​ക​ണ്ഠ​നാ​ൽ​ത്ത​റ കേ​ന്ദ്രീ​ക​രി​ച്ചാ​ണ്. ധ​നാ​ഢ്യ​നാ​യ തൃ​ശൂ​ർ പു​ത്ത​ൻ​പേ​ട്ട കി​ഴ​ക്കേ അ​ങ്ങാ​ടി പൂ​വ​ത്തി​ങ്ക​ൽ സെ​ബാ​സ്റ്റ്യ​ൻ ക്രൈ​സ്ത​വ​ർ​ക്കി​ട​യി​ൽ​നി​ന്ന്​ സ്വാ​ത​ന്ത്ര്യ മോ​ഹി​യാ​യി രം​ഗ​ത്തെ​ത്തി​യ പ​ല​രി​ൽ ​പ്ര​ധാ​നി​യാ​യി​രു​ന്നു. സെ​ബാ​സ്റ്റ്യ​ന്‍റെ നേ​തൃ​ത്വ​ത്തി​ലാ​ണ്​ 1920ൽ ‘​ലോ​ക​മാ​ന്യ ബാ​ല​ഗം​ഗാ​ധ​ര​ൻ’ പ​ത്രം ഇ​റ​ക്കി​യ​ത്. പ​ത്രം പ​റ​ഞ്ഞ​തും ആ​വ​ശ്യ​​പ്പെ​ട്ട​തും ഒ​റ്റ കാ​ര്യ​മാ​യി​രു​ന്നു, രാ​ജ്യ​ത്തി​ന്‍റെ സ്വാ​ത​ന്ത്ര്യം. ഒ​രു മു​ഖ​പ്ര​സം​ഗ​ത്തി​ൽ ബ്രി​ട്ടീ​ഷ് ഭ​ര​ണ​കൂ​ട​ത്തി​നെ​തി​രെ ക​ടു​ത്ത ഭാ​ഷ പ്ര​യോ​ഗി​ച്ച​തോ​ടെ രാ​ജ്യ​ദ്രോ​ഹ കു​റ്റം ആ​രോ​പി​ച്ച്​ സെ​ബാ​സ്റ്റ്യ​നെ ജ​യി​ലി​ൽ അ​ട​ക്കു​ക​യും പ​ത്രം നി​ല​ക്കു​ക​യും ചെ​യ്തു.

പ​ണ്ഡി​റ്റ് ജ​വ​ഹ​ർ​ലാ​ൽ നെ​ഹ്റു​വി​നോ​ടും പി​താ​വ് മോ​ത്തി​ലാ​ലി​നോ​ടും സ​രോ​ജി​നി നാ​യി​ഡു​വി​നോ​ടും ഏ​റെ അ​ടു​പ്പ​മു​ണ്ടാ​യി​രു​ന്ന സെ​ബാ​സ്റ്റ്യ​നാ​യി​രു​ന്നു പ​ല​പ്പോ​ഴും ഗാ​ന്ധി​യു​ടെ തൃ​ശൂ​ർ സ​ന്ദ​ർ​ശ​ന​ത്തി​ൽ വ​ഴി​കാ​ട്ടി. ല​ക്ഷ്യം പൂ​ർ​ത്തി​യാ​ക്കി പി​രി​ച്ചു​വി​ട്ട ആ​ദ്യ സം​ഘ​ട​ന​യെ​ന്ന വി​ശേ​ഷ​ണം കൊ​ച്ചി രാ​ജ്യ പ്ര​ജാ​മ​ണ്ഡ​ല​ത്തി​ന് അ​വ​കാ​ശ​പ്പെ​ട്ട​താ​ണ്. സ്വാ​ത​ന്ത്ര്യ ശേ​ഷം പ്ര​ജാ​മ​ണ്ഡ​ലം കോ​ൺ​ഗ്ര​സി​ൽ ല​യി​ക്കു​ക​യാ​യി​രു​ന്നു.