വിവാഹദിവസം കുളിക്കാൻ പോയ വധു തൂങ്ങിമരിച്ചു

കോഴിക്കോട് : വിവാഹദിവസം വധുവിനെ തൂങ്ങിമരിച്ചനിലയിൽ കണ്ടെത്തി. കാളാണ്ടിത്താഴം നങ്ങോലത്ത് സുരേഷ് ബാബുവിന്റെ മകൾ മേഘ(30)യാണ് മരിച്ചത്.

ഞായറാഴ്ചയായിരുന്നു മേഘയുടെ വിവാഹം നടക്കേണ്ടിയിരുന്നത്. മോഘയെ ഒരുക്കാൻ രാവിലെ ബ്യൂട്ടീഷൻ എത്തിയിരുന്നു. കുളിക്കാനായി മുറിയിൽക്കയറിയ മേഘ ഏറെനേരം കഴിഞ്ഞിട്ടും പുറത്തുവരാത്തതിനെത്തുടർന്ന് ബന്ധുക്കൾ വാതിൽ പൊളിക്കുകയായിരുന്നു. ഫാനിൽ തൂങ്ങിയ നിലയിലാണ് മൃതദേഹം കണ്ടെത്തിയത്. ഉടനെ ആശുപത്രിയിലെത്തിച്ചെങ്കിലും മരിച്ചു.

സ്വകാര്യ ആശുപത്രിയിൽ നഴ്സിങ് വിദ്യാർഥിനിയായ മേഘയുടെ വിവാഹം അതേ ആശുപത്രിയിലെ സ്റ്റാഫ് നഴ്സുമായി നടത്താനായിരുന്നു നിശ്ചയിച്ചിരുന്നത്.

അമ്മ: സുനില. സഹോദരൻ: ആകാശ്. ചേവായൂർ പോലീസ് അസ്വാഭാവികമരണത്തിന് കേസെടുത്തു.