മുഖ്യമ​ന്ത്രിയും ഗവർണറുംനോക്കി, ചിരിച്ചു; ചടങ്ങിൽ പിരിമുറുക്കം, ചായ സത്​കാരത്തിൽ ഹസ്തദാനം

തി​രു​വ​ന​ന്ത​പു​രം: ഗ​വ​ർ​ണ​റും മു​ഖ്യ​മ​ന്ത്രി​യും മാ​സ​ങ്ങ​ളാ​യി തു​ട​രു​ന്ന അ​ക​ൽ​ച്ച​യു​ടെ പി​രി​മു​റു​ക്കം നി​റ​ഞ്ഞ​താ​യി​രു​ന്നു മ​ന്ത്രി ഒ.​ആ​ർ. കേ​ളു​വി​​ന്‍റെ സ​ത്യ​പ്ര​തി​ജ്ഞ ച​ട​​​​​​​​ങ്ങെ​ങ്കി​ലും ചാ​യ സ​ത്​​കാ​ര​ത്തി​ൽ ക​ഥ​മാ​റി.

പി​ണ​റാ​യി വി​ജ​യ​നും ആ​രി​ഫ്​ മു​ഹ​മ്മ​ദ്​ ഖാ​നും പ​ര​സ്​​പ​രം മു​ഖം കൊ​ടു​ത്തു, പു​ഞ്ചി​രി​ച്ചു, ഒ​ടു​വി​ൽ ഹ​സ്ത​ദാ​ന​വും. മു​ഖ്യ​മ​ന്ത്രി​ക്ക്​ പു​റ​മേ പ്ര​തി​പ​ക്ഷ നേ​താ​വും ഗ​വ​ർ​ണ​റു​ടെ ചാ​യ​സ​ത്​​കാ​ര​ത്തി​ൽ പ​​​​​ങ്കെ​ടു​ത്തു.

സ​ത്യ​പ്ര​തി​ജ്ഞ ച​ട​ങ്ങി​ൽ ന​ട​പ​ടി​ക്ര​മ​ങ്ങ​ൾ​ക്ക്​ പു​റ​മേ സ​ദ​സ്സി​ന്‍റെ ക​ണ്ണും കാ​തും മു​ഖ്യ​മ​ന്ത്രി​യി​ലും ഗ​വ​ർ​ണ​റി​ലു​മാ​യി​രു​ന്നു. തൊ​ട്ടു മു​മ്പ്​ ഡി​സം​ബ​റി​ൽ മ​ന്ത്രി​മാ​രാ​യ കെ.​ബി. ഗ​ണേ​ഷ്​​കു​മാ​റി​ന്‍റെ​യും രാ​മ​ച​​​ന്ദ്ര​ൻ ക​ട​ന്ന​പ്പ​ള്ളി​യു​ടെ​യും സ​ത്യ​പ്ര​തി​ജ്ഞ ച​ട​ങ്ങി​ൽ പ​ര​സ്​​പ​രം മു​ഖം​പോ​ലും കൊ​ടു​ക്കാ​തെ ഇ​രു​വ​രും മ​ട​ങ്ങി​യ​ത്​ വ​ലി​യ ച​ർ​ച്ച​യാ​യ സാ​ഹ​ച​ര്യ​ത്തി​ൽ വി​ഷേ​ശി​ച്ചും.

അ​ന്ന​ത്തേ​തി​ന്​ സ​മാ​ന​മാ​യി​രു​ന്നു സ​ത്യ​പ്ര​തി​ജ്ഞ ച​ട​ങ്ങി​ലെ ഇ​രു​വ​രു​ടെ​യും ശ​രീ​ര ഭാ​ഷ. ഒ​ന്നി​ച്ചാ​ണ്​ ഇ​രു​വ​രും വേ​ദി​യി​ലേ​ക്ക്​ ന​ട​ന്നെ​ത്തി​യ​തെ​ങ്കി​ലും പ​ര​സ്പ​രം നോ​ക്കി​യ​ല്ല. മ​​ന്ത്രി​ക്ക്​ ഹ​സ്ത​ദാ​നം ന​ൽ​കു​മ്പോ​ഴും ബൊ​ക്കെ കൈ​മാ​റു​​മ്പോ​ഴു​​മെ​ല്ലാം അ​യ​യാ​തെ പി​രി​മു​റ​ക്കം. ച​ട​ങ്ങ്​ ക​ഴി​ഞ്ഞ്​ പു​റ​​ത്തേ​ക്ക്​ പോ​കു​മ്പോ​ൾ മു​ഖ്യ​മ​ന്ത്രി നോ​ക്കാ​ൻ ശ്ര​മി​ച്ചെ​ങ്കി​ലും മു​ഖം​ന​ൽ​കാ​തെ ക​സേ​ര ​മാ​റ്റി ഗ​വ​ർ​ണ​ർ ക​ട​ന്നു​പോ​യി.

ശേ​ഷം ചാ​യ സ​ത്കാ​ര​ത്തി​ന് രാ​ജ്ഭ​വ​നി​ലെ അ​തി​ഥി മു​റി​യി​ലേ​ക്ക് ക​ട​ന്ന​​തോ​ടെ സാ​ഹ​ച​ര്യ​ങ്ങ​ൾ മാ​റി. സ​ത്കാ​രം ക​ഴി​ഞ്ഞ്​ മ​ട​ങ്ങും മു​മ്പാ​യി​രു​ന്നു ഇ​രു​വ​രു​ടെ​യും പു​ഞ്ചി​രി​ച്ചു​ള്ള ഹ​സ്ത​ദാ​നം. എ​ന്നാ​ല്‍ അ​പ്പോ​ഴും പ​ര​സ്പ​രം സം​സാ​രി​ച്ചി​ല്ലെ​ന്നും ശ്ര​ദ്ധേ​യം. ഇ​തി​നെ​ല്ലാം സാ​ക്ഷി​യാ​യി പ്ര​തി​പ​ക്ഷ​നേ​താ​വ് വി.​ഡി. സ​തീ​ശ​നും മ​റ്റ്​ മ​ന്ത്രി​മാ​രും രാ​ജ്ഭ​വ​നി​ലെ ജീ​വ​ന​ക്കാ​രും. മ​ന്ത്രി ഒ.​ആ​ര്‍. കേ​ളു​വി​നും കു​ടും​ബ​ത്തി​നൊ​പ്പം ഇ​രു​വ​രും ചി​ത്ര​ങ്ങ​ളു​മെ​ടു​ത്തു.

സ​ര്‍ക്കാ​ര്‍-​ഗ​വ​ര്‍ണ​ര്‍ ത​ര്‍ക്ക​ത്തി​ല്‍ ഏ​റ്റ​വും മു​ഴ​ച്ചു​നി​ന്ന​ത്​ പൊ​തു​വേ​ദി​ക​ളി​ലെ ഇ​രു​വ​രും ത​മ്മി​ലു​ള്ള പി​ണ​ക്ക​മാ​യി​രു​ന്നു.

ക​ഴി​ഞ്ഞ​ത​വ​ണ മ​ന്ത്രി​മാ​രു​ടെ സ​ത്യ​പ്ര​തി​ജ്ഞ ച​ട​ങ്ങി​ന് ശേ​ഷം ഗ​വ​ർ​ണ​ർ ഒ​രു​ക്കി​യ ചാ​യ സ​ത്കാ​ര​ത്തി​ൽ​നി​ന്ന് മു​ഖ്യ​മ​ന്ത്രി​യും മ​ന്ത്രി​മാ​രും വി​ട്ടു​നി​ന്നി​രു​ന്നു.