കുട്ടികൾ പരിപക്വമായല്ല കാണുക, ബാനർ നീക്കാൻ നിർദേശിച്ചു -മന്ത്രി ബിന്ദു

തിരുവനന്തപുരം: കുട്ടികൾക്ക്​ മുതിർന്നവരെപ്പോലെ പരിപക്വമായ രീതിയിൽ കാര്യങ്ങൾ കാണാൻ ചിലപ്പോൾ കഴിഞ്ഞുകൊള്ളണമെന്നി​ല്ലെന്ന്​ മന്ത്രി ആർ. ബിന്ദു. സംസ്കൃത കോളജിൽ ഗവർണർക്കെതിരെ ബാനർ കെട്ടിയ സംഭവത്തോട്​ പ്രതികരിക്കുകയായിരുന്നു മന്ത്രി.

രാവിലെ സംസ്കൃത കോളജിലെത്തിയ തന്നോട്​ മാധ്യമപ്രവർത്തകർ ചോദിച്ചപ്പോഴാണ്​ വിഷയം അറിയുന്നത്​. അപ്പോൾ തന്നെ യൂനിയൻ ചെയർമാനോട്​ അത്​ നീക്കം ചെയ്യാൻ പറഞ്ഞു. അവർ അത്​ നീക്കി. കുട്ടികൾ പ്രതികരിക്കുന്നത്​ അവരുടെ പ്രായത്തിന്‍റെ പ്രത്യേകത അനുസരിച്ചാണെന്നും മന്ത്രി പറഞ്ഞു.