കൊച്ചി കോർപറേഷനിൽ പ്രതിപക്ഷത്തിരിക്കുമെന്ന സൂചന നൽകി കോൺഗ്രസ്​

കൊച്ചി: കൊച്ചി കോർപ്പറേഷനിൽ പ്രതിപക്ഷത്തിരിക്കുമെന്ന സൂചന നൽകി കോൺഗ്രസ്​ നേതാവ്​ എൻ.വേണുഗോപാൽ. സ്വതന്ത്രരുടെ പിന്തുണയോടെ ഭരണത്തിലേറാൻ സാധ്യതയില്ലെന്ന്​ അദ്ദേഹം പറഞ്ഞു. കഴിഞ്ഞ ഭരണസമിതിക്ക്​ വീഴ്​ചയുണ്ടായെന്നും വേണുഗോപാൽ കുറ്റപ്പെടുത്തി.

ഉത്തരവാദിത്വമുള്ള പ്രതിപക്ഷമായി പ്രവർത്തിക്കും. സ്ഥാനാർഥിത്വത്തിലെ തർക്കങ്ങൾ മൂലം പ്രധാന നേതാക്കൾ പ്രചാരണത്തിൽ സജീവമായിരുന്നില്ലെന്നും അദ്ദേഹം കുറ്റപ്പെടുത്തി. കൊച്ചി കോർപ്പറേഷനിൽ എൽ.ഡി.എഫിനെ പിന്തുണക്കുമെന്ന സൂചന ലീഗ്​ വിമതൻ നൽകിയിരുന്നു.

ആകെ 74 സീറ്റുള്ള കൊച്ചി കോർപ്പറേഷനിൽ 34 അംഗങ്ങളുടെ പിന്തുണയാണ്​ എൽ.ഡി.എഫിനുള്ളത്​. 31 പേരാണ്​ യു.ഡി.എഫിനെ പിന്തുണക്കുന്നത്​. ഇതുകൂടാതെ മൂന്ന്​ കോൺഗ്രസ്​ വിമതൻമാരും ഒരു സി.പി.എം വിമതനും ജയിച്ചിട്ടുണ്ട്​. സി.പി.എം വിമതനായി ജയിച്ചയാൾ ഒരിക്കലും കോൺഗ്രസിനെ പിന്തുണക്കില്ലെന്ന്​ വ്യക്​തമാക്കിയിട്ടുണ്ട്​.