റോ​ഡി​ലെ കു​ഴി​യി​ൽ വീ​ണ് അ​പ​ക​ടം; നഷ്ടപരിഹാര ബാധ്യത ഒഴിവാക്കണമെന്ന കരാറുകാരന്‍റെ ആവശ്യം തള്ളി

കൊ​ച്ചി: ഗാ​ര​ന്‍റി കാ​ലാ​വ​ധി​യു​ള്ള റോ​ഡി​ലെ കു​ഴി​യി​ൽ വീ​ണ് അ​പ​ക​ടം സം​ഭ​വി​ച്ച വാ​ഹ​ന യാ​ത്ര​ക്കാ​ർ​ക്ക് ഉ​പ​ഭോ​ക്തൃ കോ​ട​തി​യെ സ​മീ​പി​ക്കാ​നാ​വി​ല്ലെ​ന്ന റോ​ഡ് ക​രാ​റു​കാ​ര​ന്‍റെ നി​ല​പാ​ട് എ​റ​ണാ​കു​ളം ജി​ല്ല ഉ​പ​ഭോ​ക്തൃ ത​ർ​ക്ക പ​രി​ഹാ​ര കോ​ട​തി നി​രാ​ക​രി​ച്ചു.

റോ​ഡ്​ നി​ർ​മാ​ണ​ത്തി​നും പ​രി​പാ​ല​ന​ത്തി​നും പ്ര​ത്യേ​ക​മാ​യി റോ​ഡ് സെ​സ് ഉ​ൾ​പ്പെ​ടെ ന​ൽ​കു​ന്ന ഉ​പ​ഭോ​ക്താ​വി​ന് നി​ല​വാ​ര​മു​ള്ള റോ​ഡി​ൽ സ​ഞ്ച​രി​ക്കാ​ൻ അ​വ​കാ​ശം ഉ​ണ്ടാ​ക​ണ​മെ​ന്നും കോ​ട​തി നി​രീ​ക്ഷി​ച്ചു. ഡി.​ബി. ബി​നു അ​ധ്യ​ക്ഷ​നും വൈ​ക്കം രാ​മ​ച​ന്ദ്ര​ൻ, ടി.​എ​ൻ. ശ്രീ​വി​ദ്യ എ​ന്നി​വ​ർ അം​ഗ​ങ്ങ​ളു​മാ​യ ​െബ​ഞ്ചാ​ണ് ക​രാ​റു​കാ​ര​ന്‍റെ ഉ​പ​ഹ​ര​ജി നി​രാ​ക​രി​ച്ച​ത്.

മൂ​വാ​റ്റു​പു​ഴ സ്വ​ദേ​ശി​നി ഷി​ജി ജോ​ഷി എ​റ​ണാ​കു​ളം ഉ​പ​ഭോ​ക്തൃ കോ​ട​തി​യി​ൽ സ​മ​ർ​പ്പി​ച്ച പ​രാ​തി ചോ​ദ്യം ചെ​യ്ത് റോ​ഡി​ന്‍റെ ക​രാ​റു​കാ​ര​ൻ ജോ​ർ​ജ് വെ​ള്ള​മ​റ്റം സ​മ​ർ​പ്പി​ച്ച അ​പേ​ക്ഷ​യാ​ണ് കോ​ട​തി ത​ള്ളി​യ​ത്. 2021 മാ​ർ​ച്ച് മൂ​ന്നി​ന് രാ​വി​ലെ തൊ​ടു​പു​ഴ-​മൂ​വാ​റ്റു​പു​ഴ പൊ​തു​മ​രാ​മ​ത്ത്​ റോ​ഡി​ലൂ​ടെ സ്കൂ​ട്ട​റി​ൽ സ​ഞ്ച​രി​ക്ക​വേ വാ​ഴ​ക്കു​ളം സെൻറ് ജോ​ർ​ജ് പ​ള്ളി​ക്ക് മു​ൻ​വ​ശം വെ​ച്ചാ​ണ് അ​പ​ക​ട​ത്തി​ൽ പ​രാ​തി​ക്കാ​രി​ക്ക് ഗു​രു​ത​ര പ​രി​ക്കേ​റ്റ​ത്. 8.5 ല​ക്ഷം രൂ​പ എ​തി​ർ​ക​ക്ഷി​ക​ളി​ൽ​നി​ന്ന്​ ഈ​ടാ​ക്കി ന​ൽ​ക​ണ​മെ​ന്ന് ആ​വ​ശ്യ​പ്പെ​ട്ടാ​ണ്​ പ​രാ​തി ന​ൽ​കി​യ​ത്.