കിടപ്പുമുറിയിൽ കയറി യുവതിയെ നായ കടിച്ചു; നായക്ക് പേവിഷബാധയുണ്ടെന്ന് സംശയം

വെഞ്ഞാറമൂട്: നായ്​ക്കളെകൊണ്ടുള്ള ശല്യം തെരുവില്‍ മാത്രമല്ല, വീട്ടിലുള്ളിലും. കിടപ്പുമുറയില്‍ കയറി യുവതിയെ നായ​ കടിച്ചു. കല്ലറ കുറ്റിമൂട് തിരുവമ്പാടിയില്‍ ദിനേശിന്റെ മകള്‍ അഭയക്കാണ് (18) നായയുടെ കടിയേറ്റത്.

വ്യാഴാഴ്ച രാവിലെ എട്ടിനായിരുന്നു സംഭവം. തുറന്നു കിടന്ന മുന്‍വാതിലിലൂടെ അകത്തു കടന്ന നായ കിടപ്പുമുറിയില്‍ കയറി അഭയയെ കടിക്കുകയായിരുന്നു. തുടര്‍ന്ന് അഭയയുടെ നിലവിളി കേട്ടെത്തിയ അച്ഛനും മറ്റുള്ളവരും ചേര്‍ന്ന് നായയെ ആട്ടിയോടിച്ചു.

വീട്ടില്‍നിന്ന്​ രക്ഷപ്പെട്ട നായ​ അടുത്തുള്ള മൂന്ന് വീടുകള്‍ക്കുള്ളിലും ഓടിക്കയറി. ഇതോടെ നായക്ക് പേവിഷബാധയുണ്ടെന്നുള്ള സംശയം ബലപ്പെട്ടിരിക്കുകയാണ്. അഭയ ആശുപത്രിയില്‍ ചികിത്സ തേടി.