''സ്വപ്ന കത്തെഴുതിയത് തൈക്കാട് ഗസ്റ്റ്ഹൗസിൽ വെച്ച്, സരിതയെ താൻ വിളിക്കുന്നത് 'ചക്കരപ്പെണ്ണേ' എന്ന്''

കോട്ടയം: സ്വ​​ർ​​ണക്കടത്ത് കേ​​സി​​ലെ മുഖ്യപ്രതി സ്വപ്ന സുരേഷ് തൈക്കാട് ഗസ്റ്റ്ഹൗസിൽ വെച്ചാണ് കത്ത് എഴുതി നൽകിയതെന്ന് പി.സി ജോർജ്. ഫെബ്രുവരിയിലാണ് തന്നെ കാണാൻ വന്നത്. നടന്ന സംഭവങ്ങളെല്ലാം എഴുതി നൽകി. കത്ത് വായിച്ചപ്പോൾ വിഷമം തോന്നിയെന്നും കത്തിൽ ശിവശങ്കറിനെതിരായ ആരോപണങ്ങളാണ് ഉണ്ടായിരുന്നതെന്നും പി.സി ജോർജ് വാർത്താസമ്മേളനത്തിൽ വ്യക്തമാക്കി.

മുഖ്യമന്ത്രിയുടെ പ്രിൻസിപ്പൽ സെക്രട്ടറി സ്വപ്നയോട് ഒരു ബാഗ് എത്തിക്കണമെന്ന് ആവശ്യപ്പെട്ടതും യു.എ.ഇ കോൺസുലേറ്റിൽവെച്ച് സ്കാൻ ചെയ്തപ്പോൾ നോട്ടുകെട്ടുകൾ കണ്ടതും സ്വപ്നയുടെ കത്തിലുണ്ട്. കോൺസ്വൽ ജനറലിന് കള്ളക്കടത്ത് നടത്താൻ എക്സ് കാറ്റഗറി സുരക്ഷ നൽകിയെന്നും കത്തിൽ വിവരിക്കുന്നതായി പി.സി ജോർജ് വ്യക്തമാക്കി.

​​ന​​യ​​ത​​ന്ത്ര ചാ​​ന​​ൽ വ​​ഴി സ്വ​​ർ​​ണം ക​​ട​​ത്തി​​യ കേ​​സി​​ൽ മു​​ഖ്യ​​മ​​ന്ത്രി പി​​ണ​​റാ​​യി വി​​ജ​​യ​​ന് നേരിട്ട് പങ്കാളിത്തമുണ്ട്. കേസിൽ മുഖ്യമന്ത്രിയാണ് ഒന്നാം പ്രതി. കള്ളക്കടത്ത് നടത്തിയ മുഖ്യമന്ത്രി രാജ്യത്തിന് അപമാനമാണെന്നും ജോർജ് വ്യക്തമാക്കി.

സോളാർ കേസ് പ്രതി സരിത നായരുമായി താൻ ഫോണിൽ സംസാരിച്ചതിൽ എന്താണ് പ്രത്യേകതയെന്ന് പി.സി ജോർജ് ചോദിച്ചു. സരിതയുമായി താൻ എത്ര കൊല്ലമായി സംസാരിക്കുന്നു. തന്നെ നശിപ്പിച്ച രാഷ്ട്രീയ നരാധമന്മാർക്കെതിരെ പോരാടുന്ന പെൺകുട്ടിയാണ് അവർ. സരിതയുമായി നല്ല ബന്ധമാണുള്ളതെന്നും കൊച്ചുമകളെന്ന നിലയിൽ 'ചക്കരപ്പെണ്ണേ' എന്നാണ് താൻ വിളിക്കുന്നതെന്നും ജോർജ് കൂട്ടിച്ചേർത്തു.

യു.​​എ.​​ഇ കോ​​ൺ​​സു​​ലേ​​റ്റി​​​ന്‍റെ ന​​യ​​ത​​ന്ത്ര ചാ​​ന​​ൽ വ​​ഴി സ്വ​​ർ​​ണം ക​​ട​​ത്തി​​യ കേ​​സി​​ൽ മു​​ഖ്യ​​മ​​ന്ത്രി പി​​ണ​​റാ​​യി വി​​ജ​​യ​​നും കു​​ടും​​ബ​​ത്തി​​നു​​മെ​​തി​​രെ‍യാണ് ​മു​​ഖ്യ​​പ്ര​​തി സ്വ​​പ്​​​ന സു​​രേ​​ഷ്​ പുതിയ വെളിപ്പെടുത്തൽ നടത്തിയത്. മു​​ഖ്യ​​മ​​ന്ത്രി പി​​ണ​​റാ​​യി വി​​ജ​​യ​​ൻ, ഭാ​​ര്യ ക​​മ​​ല, മ​​ക​​ൾ വീ​​ണ, മു​​ൻ മ​​ന്ത്രി കെ.​​ടി. ജ​​ലീ​​ൽ, മു​​ഖ്യ​​മ​​ന്ത്രി​​യു​​ടെ പ്രി​​ൻ​​സി​​പ്പ​​ൽ സെ​​ക്ര​​ട്ട​​റി​​യാ​​യി​​രു​​ന്ന ന​​ളി​​നി നെ​​റ്റോ, അ​​ഡീ​​ഷ​​ന​​ൽ പ്രൈ​​വ​​റ്റ് സെ​​ക്ര​​ട്ട​​റി​​യാ​​യി​​രു​​ന്ന സി.​​എം. ര​​വീ​​ന്ദ്ര​​ൻ എ​​ന്നി​​വ​​ർ​​ക്ക്​ കു​​റ്റ​​കൃ​​ത്യ​​ത്തി​​ലു​​ള്ള പ​​ങ്ക് സം​​ബ​​ന്ധി​​ച്ചും സ്വ​​പ്ന വെളിപ്പെടുത്തിയിട്ടുണ്ട്.

മു​​ൻ പ്രി​​ൻ​​സി​​പ്പ​​ൽ സെ​​ക്ര​​ട്ട​​റി എം. ​​ശി​​വ​​ശ​​ങ്ക​​റു​​ടെ നി​​ർ​​ദേ​​ശ ​​പ്ര​​കാ​​രം മു​​ഖ്യ​​മ​​ന്ത്രി​​ക്കാ​​യി ദു​​ബൈ​​യി​​ലേ​​ക്ക്​ ഒ​​രു ബാ​​ഗ്​ നി​​റ​​യെ ക​​റ​​ൻ​​സി ക​​ട​​ത്തി​​യെ​​ന്നും കോ​​ൺ​​സു​​ലേ​​റ്റ് ജ​​ന​​റ​​ലു​​ടെ ഓ​​ഫി​​സി​​ൽ ​​നി​​ന്ന്​ ക്ലി​​ഫ് ഹൗ​​സി​​ലേ​​ക്ക് ഇ​​ട​​ക്കി​​ടെ കൊ​​ടു​​ത്തു​​വി​​ട്ട ബി​​രി​​യാ​​ണി പാ​​ത്ര​​ങ്ങ​​ളി​​ൽ, ലോ​​ഹ​​ങ്ങ​​ളും ഉ​​ണ്ടാ​​യി​​രു​​ന്നു​​വെ​​ന്നും സ്വ​​പ്​​​ന മൊഴി ന​​ൽ​​കി​​യ​​ത്. കൂ​​ടു​​ത​​ൽ വി​​വ​​ര​​ങ്ങ​​ൾ ഇ​​നി​​യും പു​​റ​​ത്തു​​ വ​​രാ​​നു​​ണ്ടെ​​ന്നും സ്വപ്ന മാധ്യമങ്ങളോട് പറഞ്ഞിരുന്നു.