നൂറ്റാണ്ടിന്‍റെ ഓർമകളിൽ 99ലെ പ്രളയം

തൊ​ടു​പു​ഴ: ഒ​രു​കാ​ല​ത്ത്​ നാ​ടി​ന്‍റെ അ​ട​യാ​ള​മാ​യി​രു​ന്നു 99ലെ ​പ്ര​ള​യം. എ​ന്ത്​ സം​ഭ​വ​മു​ണ്ടാ​യാ​ലും പ​ഴ​മ​ക്കാ​രൊ​ക്കെ, ജ​ന​ന​വും മ​ര​ണ​വും വി​വാ​ഹ​വും എ​ല്ലാം ആ ​പ്ര​ള​യ​ത്തി​ന്‍റെ ന​ടു​ക്കു​ന്ന ഓ​ർ​മ​ക​ളു​മാ​യി കൂ​ട്ടി​ച്ചേ​ർ​ത്തി​രു​ന്നു. കൊ​ല്ല​വ​ർ​ഷം 1099 ​​ലാ​യ​തി​നാ​ലാ​ണ്​ 99ലെ ​വെ​ള്ള​പ്പൊ​ക്കം എ​ന്ന​റി​യ​പ്പെ​ടു​ന്ന​ത്. 2018ലെ ​വെ​ള്ള​പ്പൊ​ക്ക​ക്കാ​ല​ത്ത്​ പോ​ലും 99​ലെ ​വെ​ള്ള​പ്പൊ​ക്കം ച​ർ​ച്ച​യാ​യി​രു​ന്നു. നാ​ടി​നെ ഇ​ല്ലാ​താ​ക്കി​യ പ്ര​ള​യ​മാ​യി​രു​ന്നു അ​ത്. 1924 ജൂ​​ലൈ 14ന്​ ​തു​ട​ങ്ങി പ​ത്ത്​ രാ​വും പ​ക​ലും ത​ക​ർ​ത്തു​പെ​യ്ത മ​ഴ​യാ​ണ്​ നാ​ടി​നെ മു​ക്കി​യ​ത്.

കേ​ര​ള സം​സ്ഥാ​നം രൂ​പ​പ്പെ​ടും മു​മ്പ്​ സ​ർ​ക്കാ​ർ രേ​ഖ​ക​ളി​ൽ മ​ര​ണ​ങ്ങ​ളും നാ​ശ​ന​ഷ്ട​ങ്ങ​ളും തി​ട്ട​പ്പെ​ടു​ത്താ​ത്ത കാ​ല​ത്താ​യി​രു​ന്നു ആ ​പ്ര​ള​യം. ഗ​സ​റ്റി​ലും മ​റ്റും ചി​ല രേ​ഖ​പ്പെ​ടു​ത്ത​ലു​ക​ൾ മാ​ത്രം. ആ​ല​പ്പു​ഴ മു​ഴു​വ​നാ​യും ഇ​ന്ന​ത്തെ എ​റ​ണാ​കു​ള​ത്തി​ന്റെ നാ​ലി​ൽ മൂ​ന്നു ഭാ​ഗ​വും പ്ര​ള​യ​ത്തി​ൽ മു​ങ്ങി. പെ​യ്ത മ​ഴ​യേ​ക്കാ​ൾ പു​ഴ​ക​ളി​ലൂ​ടെ ഒ​ഴു​കി​യെ​ത്തി​യ വെ​ള്ള​മാ​ണ്​ കു​ട്ട​നാ​ട്ടി​ലും അ​പ്പ​ർ കു​ട്ട​നാ​ട്ടി​ലും ഉ​ൾ​പ്പെ​ടെ നാ​ശം സൃ​ഷ്ടി​ച്ച​ത്. കു​ട്ട​നാ​ടി​ന് ഇ​പ്പോ​ഴ​ത്തെ രൂ​പം​ന​ൽ​കി​യ​ത്​ അ​ന്ന​ത്തെ വെ​ള്ള​പ്പൊ​ക്ക​മാ​ണെ​ന്ന്​ പ​ഴ​മ​ക്കാ​ർ ഓ​ർ​ക്കു​ന്നു. കൊ​ച്ചി​ക്ക്​ പു​റ​മെ മ​ല​ബാ​ർ, തി​രു​വി​താം​കൂ​ർ മേ​ഖ​ല​ക​ളെ​യും വെ​ള്ള​പ്പൊ​ക്കം അ​ങ്ങേ​യ​റ്റം ബാ​ധി​ച്ചു. നൂ​റു​ക​ണ​ക്കി​നാ​ളു​ക​ൾ​ക്കാ​ണ്​ ജീ​വ​ൻ ന​ഷ്ട​മാ​യ​ത്. ഒ​ട്ടേ​റെ വീ​ടു​ക​ളും കെ​ട്ടി​ട​ങ്ങ​ളും നി​ലം​പൊ​ത്തി. ആ​യി​ര​ക്ക​ണ​ക്കി​ന്​ മൃ​ഗ​ങ്ങ​ൾ ച​ത്തു. കൃ​ഷി​നാ​ശം ക​ണ​ക്കാ​ക്കാ​വു​ന്ന​തി​നും അ​പ്പു​റം.

2018ലെ ​പ്ര​ള​യം ആ​വ​ർ​ത്തി​ക്കു​മോ എ​ന്ന ഭ​യ​മാ​ണ്​ മ​ഴ ക​ന​ത്താ​ൽ വ​ർ​ത്ത​മാ​ന​കാ​ല​ത്ത്​ ന​മ്മെ ആ​ശ​ങ്ക​യി​ലാ​ക്കു​ന്ന​തെ​ങ്കി​ൽ ഇ​തി​നേ​ക്കാ​ൾ ഭീ​ക​ര​മാ​യൊ​രു പ്ര​ള​യ സാ​ക്ഷ്യ​മാ​ണ്​ നൂ​റു​വ​ർ​ഷം മു​മ്പ​ത്തെ 99ലെ ​വെ​ള്ള​പ്പൊ​ക്കം. കാ​ര​ണ​ങ്ങ​ൾ പ​ല​താ​യി​രു​ന്നു. പ​ത്ത്​ രാ​വും പ​ക​ലും തു​ട​ർ​ച്ച​യാ​യി മ​ഴ തി​മി​ർ​ത്തു പെ​യ്​​തു. ശ​ക്തി കു​റ​ഞ്ഞ്​ ആ​ഗ​സ്റ്റി​ലേ​ക്കും നീ​ണ്ടു ആ ​മ​ഴ. ചു​ഴ​ലി​ക്കാ​റ്റും കൂ​ടി​യാ​യ​പ്പോ​ൾ ശ​രി​ക്കും ദു​ര​ന്തം. അ​ധി​കം പെ​യ്ത മ​ഴ 64 ശ​ത​മാ​നം. സ​മു​ദ്ര നി​ര​പ്പി​ൽ​നി​ന്ന്​ 5000 മീ​റ്റ​ർ ഉ​യ​ര​ത്തി​ലു​ള്ള മൂ​ന്നാ​ർ 487.5 സെ.​മീ. മ​ഴ​യി​ൽ മു​ങ്ങി. 1902ൽ ​തു​ട​ങ്ങി​യ രാ​ജ്യ​ത്തെ ആ​ദ്യ മോ​ണോ റെ​യി​ൽ (കു​ണ്ട​ള-​തേ​നി) പൂ​ർ​ണ​മാ​യി ത​ക​ർ​ന്നു. മ​ല​യി​ടി​ഞ്ഞ്​ കൊ​ല്ലം-​ചെ​ങ്കോ​ട്ട റെ​യി​ൽ ഗ​താ​ഗ​തം നി​ല​ച്ചു. കൊ​ച്ചി-​തൃ​ശൂ​ർ-​ഷൊ​ർ​ണൂ​ർ പാ​ത പ​ല​യി​ട​ത്തും മു​റി​ഞ്ഞു. 1924 ജൂ​ലൈ 14 മു​ത​ൽ 20 വ​രെ പെ​യ്ത ശ​രാ​ശ​രി മ​ഴ 592.3 മി.​മീ.

വെ​ള്ള​പ്പൊ​ക്കം മ​ല​മു​ക​ളി​ലും

കേ​ര​ളം ക​ണ്ട ഏ​റ്റ​വും വ​ലി​യ പ്ര​കൃ​തി ദു​ര​ന്ത​മാ​ണ് 99ലെ ​വെ​ള്ള​പ്പൊ​ക്കം. ഈ ​ദു​ര​ന്ത​ത്തി​ൽ ഏ​റ്റ​വു​മ​ധി​കം നാ​ശ​ന​ഷ്ടം സം​ഭ​വി​ച്ച​ത്​ മൂ​ന്നാ​റി​നാ​ണ്. സ​മു​ദ്ര​നി​ര​പ്പി​ൽ​നി​ന്ന് 5000-6500 അ​ടി ഉ​യ​ര​ത്തി​ൽ സ്ഥി​തി​ചെ​യ്യു​ന്ന മൂ​ന്നാ​റി​ലെ തേ​യി​ല​ത്തോ​ട്ട​ങ്ങ​ളി​ൽ വെ​ള്ള​പ്പൊ​ക്ക​മു​ണ്ടാ​യെ​ന്ന​ത്​ ഇ​പ്പോ​ഴും അ​വി​ശ്വ​സ​നീ​യം. ക​ന​ത്ത മ​ഴ​യി​ലും ഉ​രു​ൾ​പൊ​ട്ട​ലി​ലും മൂ​ന്നാ​റി​ൽ ഇ​പ്പോ​ൾ ഡാം ​സ്ഥി​തി​ചെ​യ്യു​ന്ന മാ​ട്ടു​പ്പെ​ട്ടി ഭാ​ഗ​ത്ത്​ ര​ണ്ട്​ മ​ല​യി​ടു​ക്കു​ക​ൾ ചേ​രു​ന്നി​ട​ത്ത് മ​ണ്ണി​ടി​ഞ്ഞും മ​ര​ങ്ങ​ൾ ക​ട​പു​ഴ​കി​യും സ്വാ​ഭാ​വി​ക ബ​ണ്ട് രൂ​പ​പ്പെ​ട്ടു. തു​ട​ർ​ന്നു​ള്ള ദി​വ​സ​ങ്ങ​ളി​ൽ രാ​പ​ക​ൽ പെ​യ്ത മ​ഴ​യി​ൽ ഉ​രു​ൾ​പൊ​ട്ട​ലും വെ​ള്ള​പ്പാ​ച്ചി​ലും നാ​ടി​നെ വി​റ​പ്പി​ച്ചു. ഒ​ഴു​കി​വ​ന്ന മ​ണ്ണും വെ​ള്ള​വും താ​ങ്ങാ​നാ​കാ​തെ ഈ ​ബ​ണ്ട് ത​ക​ർ​ന്നു. അ​ണ​പൊ​ട്ടി​യ വെ​ള്ള​വും ക​ട​പു​ഴ​കി​യ മ​ര​ങ്ങ​ളും ചേ​ർ​ന്ന്​ മൂ​ന്നാ​ർ ന​ഗ​ര​ത്തെ പൂ​ർ​ണ​മാ​യി ത​ക​ർ​ത്തെ​റി​ഞ്ഞു. മൂ​ന്നാ​റി​ൽ അ​ന്നേ ഉ​ണ്ടാ​യി​രു​ന്ന റെ​യി​ൽ​പാ​ള​ങ്ങ​ളും റെ​യി​ൽ​വേ സ്റ്റേ​ഷ​നും റോ​ഡു​ക​ളും ത​ക​ർ​ന്നു. ആ​റാം ദി​വ​സം മൂ​ന്നാ​റി​ൽ​നി​ന്ന്​ 15 കി.​മീ. അ​ക​ലെ പെ​രി​യ​വ​ര, ക​ന്നി​മ​ല ഭാ​ഗ​ത്തു​നി​ന്ന‍ു​ള്ള ഒ​ഴു​ക്കും ല​ക്ഷ്‌​മി-​പാ​ർ​വ​തി മ​ല​ക​ളി​ലെ വെ​ള്ള​വും ത​നി​യെ രൂ​പം​കൊ​ണ്ട ര​ണ്ടാ​മ​ത്തെ ബ​ണ്ടും ത​ക​ർ​ത്തു. 10 കി.​മീ. ചു​റ്റ​ള​വി​ൽ പൊ​ങ്ങി​യ മ​ല​വെ​ള്ളം മൂ​ന്നാ​ർ പ​ട്ട​ണ​ത്തെ തീ​ർ​ത്തും മു​ക്കി. ര​ണ്ടാ​മ​ത്തെ ബ​ണ്ട്​ ത​ക​ർ​ത്ത വെ​ള്ളം പ​ള്ളി​വാ​സ​ലി​ലേ​ക്കും ഒ​ഴു​കി. പ​ള്ളി​വാ​സ​ലി​ൽ നൂ​റു​ക​ണ​ക്കി​ന്​ ഏ​ക്ക​ർ സ്ഥ​ലം ഒ​റ്റ​യ​ടി​ക്ക്​ കു​ത്തി​യൊ​ലി​ച്ചു. 150 അ​ടി ഉ​യ​ര​ത്തി​ൽ ഒ​രു വെ​ള്ള​ച്ചാ​ട്ട​വും പ​ള്ളി​വാ​സ​ലി​ൽ രൂ​പ​പ്പെ​ട്ടു. വൈ​ദ്യു​തി ഉ​ൽ​പാ​ദി​പ്പി​ച്ചി​രു​ന്ന ര​ണ്ട്​ ജ​ന​റേ​റ്റ​റു​ക​ളും മ​ണ്ണി​ൽ മൂ​ടി.

എ​റ​ണാ​കു​ള​ത്തെ​യും മു​ക്കി

‘മൂ​ന്നാ​ർ’; ‘ത​പാ​ൽ’ മു​ട​ങ്ങി​യ കാ​ലം, ത​ക​ർ​ത്തു​പെ​യ്ത മ​ഴ​യും ഇ​ടു​ക്കി​യി​ലെ ഉ​രു​ൾ പൊ​ട്ട​ലും എ​റ​ണാ​കു​ള​ത്തെ​യും മു​ക്കി.​ അ​ന്ന്​ മു​ല്ല​പ്പെ​രി​യാ​ർ ഡാം ​മാ​ത്ര​മേ​യു​ള്ളൂ. ക​ന​ത്ത മ​ഴ​യി​ൽ മു​ല്ല​പ്പെ​രി​യാ​ർ തു​റ​ന്നു. മൂ​ന്നാ​റി​ന്​ മു​ക​ളി​ൽ ഉ​രു​ൾ​പൊ​ട്ട​ലും വെ​ള്ള​പ്പാ​ച്ചി​ലും പ​ല​വ​ട്ട​മു​ണ്ടാ​യി. ത​ടി​ക​ളും മ​ര​ങ്ങ​ളും ഒ​ഴു​കി​വ​ന്ന്​ മാ​ട്ടു​പ്പെ​ട്ടി​യി​ൽ ഒ​രു ചി​റ ത​ന്നെ​യു​ണ്ടാ​യി. പി​ന്നെ​യും കു​ത്തൊ​ഴു​ക്കി​ൽ ഈ ​ചി​റ പൊ​ട്ടി വെ​ള്ളം കു​ത്തി​യൊ​ലി​ച്ചെ​ത്തി​യ​ത്​ സാ​യി​പ്പു​മാ​രു​ടെ സ്വ​പ്ന​ഭൂ​മി​യാ​യി​രു​ന്ന മൂ​ന്നാ​റി​നെ ത​ക​ർ​ത്തു. തീ​വ​ണ്ടി​പ്പാ​ത​യും യൂ​റോ​പ്യ​ൻ മാ​തൃ​ക​യി​ലു​ള്ള ന​ഗ​ര​വും ന​ശി​ച്ചു. ആ​ലു​വ​യി​ൽ​നി​ന്ന്​ മൂ​ന്നാ​റി​ലേ​ക്കു​ണ്ടാ​യി​രു​ന്ന റോ​ഡ് ഇ​ല്ലാ​താ​യി. എ​റ​ണാ​കു​ള​ത്തെ മാ​ത്ര​മ​ല്ല, ആ​ല​പ്പു​ഴ, കോ​ട്ട​യം, ഇ​ടു​ക്കി, പ​ത്ത​നം​തി​ട്ട ജി​ല്ല​ക​ളെ​യും വെ​ള്ള​പ്പൊ​ക്കം ഗു​രു​ത​ര​മാ​യി ബാ​ധി​ച്ചു.

അ​ക്കാ​ല​ത്ത്​ ത​പാ​ൽ മു​ട​ക്ക​മാ​യി​രു​ന്നു നാ​ടി​ന്‍റെ ആ​കു​ല​ത. ഫോ​ണും ക​മ്പി​ത്ത​പാ​ലു​മൊ​ന്നും ഇ​ല്ലാ​ത്ത കാ​ലം. ആ​കെ​യു​ള്ള ആ​ശ്ര​യം ത​പാ​ലാ​ണ്. അ​ന്ന​ത്തെ പ്ര​ള​യ​ത്തെ​ക്കു​റി​ച്ചു​ള്ള എ​ല്ലാ വാ​ർ​ത്ത​യി​ലും കാ​ണാം, ത​പാ​ൽ മു​ട​ങ്ങി​യെ​ന്ന വാ​ച​കം. ട്രെ​യി​ൻ, വി​മാ​ന സ​ർ​വി​സു​ക​ൾ മു​ട​ങ്ങി​യെ​ന്ന്​ ഇ​പ്പോ​ൾ പ​റ​യു​ന്ന​പോ​ലെ. ബ​സും കാ​റു​മൊ​ന്നു​മി​ല്ലാ​ത്ത കാ​ല​ത്ത് ട്രെ​യി​നും ബോ​ട്ടു​മാ​ണ്​ ആ​ശ്ര​യം. വെ​ള്ള​പ്പൊ​ക്ക കാ​ല​ത്തെ തി​രു​വി​താം​കൂ​ർ സ​ർ​ക്കാ​ർ വൃ​ത്താ​ന്ത​ത്തി​ൽ ദു​രി​താ​ശ്വാ​സ​ത്തെ​ക്കു​റി​ച്ച്​ പ​റ​യു​ന്ന​തി​ങ്ങ​നെ: ‘‘ദി​വാ​ൻ പേ​ഷ്കാ​ർ സു​ബ്ര​ഹ്മ​ണ്യ​യ്യ​ർ പെ​രു​മ്പാ​വൂ​രി​ലേ​ക്ക്​ യാ​ത്ര തു​ട​രാ​നാ​വാ​തെ ആ​ലു​വ​യി​ലെ​ത്തി. അ​വി​ടം അ​തി​നു​മു​മ്പേ വെ​ള്ള​ത്തി​ലാ​യി​രു​ന്നു. ന​ഗ​ര​സ​ഭ സാ​മാ​ജി​ക​നാ​യ കാ​ദ​ർ​പി​ള്ള​യു​മാ​യി വ​ള്ള​ങ്ങ​ൾ ശേ​ഖ​രി​ച്ച്​ പ്രാ​ണ​ര​ക്ഷാ​സം​ഘ​ങ്ങ​ളു​ണ്ടാ​ക്കി. മൂ​ന്നി​നു വൈ​കീ​ട്ട് 5000 ജ​ന​ങ്ങ​ളെ ക​മ്പോ​ള മൈ​താ​ന​ത്ത്​ കൊ​ണ്ടു​വ​ന്നു. ക​ച്ച​വ​ട​ക്കാ​ർ ദാ​നം​ചെ​യ്ത അ​രി വി​ത​ര​ണം ചെ​യ്തു. റി​ലീ​ഫ് ക​മ്മി​റ്റി​യു​ണ്ടാ​ക്കി. 1950 ക. ​പി​രി​ച്ചു​കി​ട്ടി. കാ​ദ​ർ​പി​ള്ള മാ​ത്രം 1000 വ​രി​യി​ട്ടു...’’ -എ​ന്നി​ങ്ങ​നെ.

1924ലെ ​വെ​ള്ള​പ്പൊ​ക്ക​ത്തി​ലും ദു​രി​താ​ശ്വാ​സ ക്യാ​മ്പ്​ പ്ര​വ​ർ​ത്തി​ച്ചി​രു​ന്നു. അ​ന്ന​ത്തെ സ​ർ​ക്കാ​ർ ഗ​സ​റ്റി​ൽ​നി​ന്ന് പ​റ​യു​ന്ന​ത്​: ‘‘എ​റ​ണാ​കു​ളം മു​നി​സി​പ്പ​ൽ ചെ​യ​ർ​മാ​ൻ പ്ര​തി​ദി​നം 4000 പേ​ർ​ക്ക്​ ഭ​ക്ഷ​ണം ദാ​നം​ചെ​യ്ത്​ മ​ഹ​നീ​യ​മാ​യ ജോ​ലി​യാ​ണ്​ പൂ​ർ​ത്തി​യാ​ക്കി​യ​ത്. മ​ട്ടാ​ഞ്ചേ​രി​യി​ലെ ചെ​യ​ർ​മാ​നും ത​ന്റെ പ്ര​ദേ​ശ​ത്തു​ള്ള​വ​രെ സ​ഹാ​യി​ച്ചു.

വ​ള്ളം തു​ഴ​ഞ്ഞെ​ത്തി​യ​വ​ർ​ക്ക്​ അ​ഭ​യ​മാ​യി ആ​ല​പ്പു​ഴ

അ​ന്ന്​ കു​ട്ട​നാ​ട്ടി​ലെ ഗ്രാ​മ​ങ്ങ​ളി​ൽ​നി​ന്ന്​ ര​ക്ഷ​പ്പെ​ടാ​ൻ‍ വ​ള്ള​ങ്ങ​ളി​ലും മ​റ്റു​മാ​യി തു​ഴ​ഞ്ഞെ​ത്തി​യ​വ​ർ​ക്ക് അ​ഭ​യ​മേ​കി​യ​ത്​ ആ​ല​പ്പു​ഴ ന​ഗ​ര​മാ​യി​രു​ന്നു. ആ​ല​പ്പു​ഴ ഗ​വ. മു​ഹ​മ്മ​ദ​ൻ സ്കൂ​ൾ, എ​സ്.​ഡി.​വി സ്കൂ​ൾ, സ​ത്രം എ​ന്നി​വി​ട​ങ്ങ​ളി​ൽ ദു​രി​താ​ശ്വാ​സ ക്യാ​മ്പു​ക​ൾ തു​ട​ങ്ങി. പ​ല​യി​ട​ങ്ങ​ളി​ലും ധ​നി​ക​രു​ടെ​യും സ​മു​ദാ​യ​ങ്ങ​ളു​ടെ​യും നേ​തൃ​ത്വ​ത്തി​ൽ ധ​ർ​മ​ക്ക​ഞ്ഞി​യും മ​റ്റു ഭ​ക്ഷ​ണ​ങ്ങ​ളും അ​രി​യും പ​ല​ച​ര​ക്ക്​ സാ​മ​ഗ്രി​ക​ളും വി​ത​ര​ണം​ചെ​യ്തു. ചേ​ന്ന​ങ്ക​രി​യി​ലെ പ​ള്ളി​ക​ളു​ടെ​യും പ​ള്ളി​ക്കൂ​ട​ത്തി​ന്റെ​യും ഒ​ട്ടു​മു​ക്കാ​ൽ ഭാ​ഗ​വും വെ​ള്ള​ത്തി​ൽ താ​ഴ്ന്നു. ചേ​ന്ന​ങ്ക​രി പ​ള്ളി​ക്കൂ​ട​ത്തി​ൽ 50ല​ധി​ക​മാ​ളു​ക​ളെ താ​മ​സി​പ്പി​ച്ചു. അ​തി​ന​ക​ത്ത്​ ക​ഴു​ത്ത​റ്റം വെ​ള്ള​മു​ണ്ടെ​ങ്കി​ലും മു​ള​ക​ൾ വെ​ച്ചു​കെ​ട്ടി​യും അ​തി​ന്റെ പു​റ​മേ വ​ള്ള​ങ്ങ​ൾ കൊ​ണ്ടു​ചെ​ന്ന് ഇ​ട്ടു​മാ​ണ്​ താ​മ​സി​ച്ചു​വ​രു​ന്ന​ത്.

ചെ​ങ്ങ​ന്നൂ​രി​ൽ ക​ര​ക​വി​ഞ്ഞൊ​ഴു​കി​യ പ​മ്പാ ന​ദി​യി​ൽ​ക്കൂ​ടി ശ​വ​ശ​രീ​ര​ങ്ങ​ൾ, ഭീ​മ​മാ​യ പു​ര​ക​ൾ, ത​ടി​ക​ൾ, ആ​ന, ക​ടു​വ, ആ​ടു​മാ​ടു​ക​ൾ തു​ട​ങ്ങി​യ​വ ഒ​ഴു​കി​പ്പോ​കു​ന്ന കാ​ഴ്ച​യാ​ണ്​ അ​ന്ന​ത്തെ പ​ത്ര​വാ​ർ​ത്ത​ക​ളി​ൽ.