സഭാതർക്കം എങ്ങനെ പ്രതിഫലിക്കുമെന്ന്​ ഉറ്റുനോക്കി മുന്നണികൾ

കോ​ട്ട​യം: പു​തു​പ്പ​ള്ളി​യി​ൽ ക്രി​സ്ത്യ​ൻ സ​ഭാ​ത​ർ​ക്കം എ​ങ്ങ​നെ പ്ര​തി​ഫ​ലി​ക്കു​മെ​ന്ന്​ ഉ​റ്റു​നോ​ക്കു​ക​യാ​ണ്​ മു​ന്ന​ണി​ക​ൾ. മൊ​ത്തം വോ​ട്ട​ർ​മാ​രി​ൽ പ​കു​തി​യോ​ളം ക്രി​സ്ത്യാ​നി​ക​ളാ​യ മ​ണ്ഡ​ല​ത്തി​ൽ ഓ​ർ​ത്ത​ഡോ​ക്സ്​-​യാ​ക്കോ​ബാ​യ സ​ഭാ വി​ശ്വാ​സി​ക​ളാ​ണ്​ ഏ​റെ​യും. മ​ണ്ഡ​ല​ത്തി​ലെ ഭൂ​രി​ഭാ​ഗം പ​ഞ്ചാ​യ​ത്തു​ക​ളി​ലും ​ ഓ​ർ​ത്ത​ഡോ​ക്സ്​ വി​ഭാ​ഗം സ്വാ​ധീ​നം അ​വ​കാ​ശ​പ്പെ​ടു​മ്പോ​ൾ നാ​ല്​ പ​ഞ്ചാ​യ​ത്തു​ക​ളി​ൽ ത​ങ്ങ​ളാ​ണ്​ ഭൂ​രി​പ​ക്ഷ​മെ​ന്ന്​ യാ​ക്കോ​ബാ​യ വി​ഭാ​ഗം വ്യ​ക്ത​മാ​ക്കു​ന്നു.

സ്ഥാ​നാ​ർ​ഥി​ക​ൾ ഏ​ത്​ വി​ഭാ​ഗ​ത്തി​ൽ നി​ന്നു​ള്ള​വ​രാ​ണെ​ന്ന​തും നി​ർ​ണാ​യ​ക​മാ​ണ്. ക്രൈ​സ്ത​വ വോ​ട്ടു​ക​ൾ വി​ഭ​ജി​ച്ച്​ പോ​കു​മ്പോ​ൾ പ​ര​മാ​വ​ധി ഹി​ന്ദു വോ​ട്ടു​ക​ൾ സ​മാ​ഹ​രി​ക്കു​ക​യെ​ന്ന ല​ക്ഷ്യ​വും മു​ന്ന​ണി​ക​ൾ​ക്കു​ണ്ട്. എ​ൽ.​ഡി.​എ​ഫ്​ സ്ഥാ​നാ​ർ​ഥി ജെ​യ്ക്​ സി. ​തോ​മ​സി​ന്‍റെ വീ​ട്​ സ്ഥി​തി ചെ​യ്യു​ന്ന മ​ണ​ർ​കാ​ട്​ പ​ഞ്ചാ​യ​ത്തി​ൽ യാ​ക്കോ​ബാ​യ വി​ഭാ​ഗ​മാ​ണ്​ കൂ​ടു​ത​ൽ.

ക്രി​സ്ത്യ​ൻ വോ​ട്ട​ർ​മാ​രി​ൽ 60 ശ​ത​മാ​ന​ത്തോ​ളം ഈ ​വി​ഭാ​ഗ​ക്കാ​രു​ണ്ടാ​കു​മെ​ന്നാ​ണ്​ ക​ണ​ക്ക്. പു​തു​പ്പ​ള്ളി, മീ​ന​ടം, പാ​മ്പാ​ടി പ​ഞ്ചാ​യ​ത്തു​ക​ളി​ൽ ഓ​ർ​ത്ത​ഡോ​ക്സ്​ വി​ഭാ​ഗ​ത്തി​നാ​ണ്​ അ​ൽ​പം മേ​ൽ​ക്കൈ. പാ​മ്പാ​ടി, വാ​ക​ത്താ​നം പ​ഞ്ചാ​യ​ത്തു​ക​ളി​ൽ ദ​ലി​ത്, പ​രി​വ​ർ​ത്ത​ക ക്രൈ​സ്ത​വ വോ​ട്ട​ർ​മാ​ർ നി​ർ​ണാ​യ​ക​മാ​ണ്.

സ​ഭാ​ത​ർ​ക്കം രൂ​ക്ഷ​മാ​യ ക​ഴി​ഞ്ഞ നി​യ​മ​സ​ഭാ തെ​ര​ഞ്ഞെ​ടു​പ്പി​ൽ യാ​ക്കോ​ബാ​യ സ​ഭ​യി​ൽ​നി​ന്ന്​ ഉ​മ്മ​ൻ ചാ​ണ്ടി​ക്ക്​ കാ​ര്യ​മാ​യ പി​ന്തു​ണ ല​ഭി​ച്ചി​ല്ലെ​ന്ന്​ യു.​ഡി.​എ​ഫ്​ കേ​ന്ദ്ര​ങ്ങ​ൾ സ​മ്മ​തി​ക്കു​ന്നു. മ​ണ​ർ​കാ​ട്ട്​ മൂ​വാ​യി​ര​ത്തോ​ളം വോ​ട്ടു​ക​ൾ​ക്ക്​ പി​ന്നി​ലാ​യ​തും ഇ​തു​മൂ​ല​മാ​ണെ​ന്ന്​ അ​വ​ർ പ​റ​യു​ന്നു.

ച​ർ​ച്ച്​ ബി​ൽ, ജ​സ്റ്റി​സ്​ കെ.​ടി. തോ​മ​സ്​ റി​പ്പോ​ർ​ട്ട്​ എ​ന്നി​വ കൊ​ണ്ടു​വ​രു​മെ​ന്നും ന​ട​പ്പാ​ക്കു​മെ​ന്നു​മു​ള്ള എ​ൽ.​ഡി.​എ​ഫ്​ വാ​ഗ്ദാ​നം വി​ശ്വ​സി​ച്ച​താ​ണ്​ അ​ന്ന്​ അ​ങ്ങ​നെ നി​ല​പാ​ട്​ എ​ടു​ക്കാ​ൻ പ്രേ​രി​പ്പി​ച്ച​തെ​ന്നാ​ണ്​ യു.​ഡി.​എ​ഫ്​ വി​ല​യി​രു​ത്ത​ൽ. എ​ന്നാ​ൽ, ക​ബ​ളി​പ്പി​ക്ക​പ്പെ​ട്ടു​വെ​ന്ന്​ യാ​ക്കോ​ബാ​യ വി​ഭാ​ഗ​ക്കാ​ർ​ക്ക്​ ബോ​ധ്യ​മാ​യ​തി​നാ​ൽ ഉ​പ​തെ​ര​ഞ്ഞെ​ടു​പ്പി​ൽ വ​ലി​യ ദോ​ഷ​മു​ണ്ടാ​കി​ല്ലെ​ന്നും യു.​ഡി.​എ​ഫ്​ പ്ര​തീ​ക്ഷി​ക്കു​ന്നു. എ​ന്നാ​ൽ, കോ​ട​തി വി​ധി ന​ട​പ്പാ​ക്കാ​ത്ത​തി​ലെ അ​തൃ​പ്തി ഓ​ർ​ത്ത​ഡോ​ക്സ്​ സ​ഭ​ക്ക്​ സ​ർ​ക്കാ​റി​നോ​ടു​ണ്ട്. ഈ​വി​ഷ​യ​ത്തി​ൽ ക​ഴി​ഞ്ഞ ദി​വ​സ​ത്തെ സി.​പി.​എം സെ​ക്ര​ട്ട​റി എം.​വി. ഗോ​വി​ന്ദ​ന്‍റെ പ്ര​തി​ക​ര​ണ​വും അ​തി​നെ സ​ഭാ ബി​ഷ​പ് പ​രി​ഹ​സി​ച്ച​തും അ​തൃ​പ്തി പ്ര​ക​ട​മാ​ക്കു​ന്ന​താ​ണ്. ക​ഴി​ഞ്ഞ തെ​ര​ഞ്ഞെ​ടു​പ്പി​ൽ ഉ​മ്മ​ൻ ചാ​ണ്ടി​യോ​ട്​ അ​ൽ​പം അ​ക​ൽ​ച്ച​യു​ണ്ടാ​യി​രു​ന്ന സ​ഭ​യാ​ക​ട്ടെ അ​തൊ​ക്കെ പൂ​ർ​ണ​മാ​യും മ​റ​ന്നു. അ​തി​ന്‍റെ ആ​ശ​ങ്ക എ​ൽ.​ഡി.​എ​ഫി​നു​ണ്ട്. അ​തി​നാ​ലാ​ണ്​ മ​ണി​പ്പൂ​ർ വി​ഷ​യം മ​ണ്ഡ​ല​ത്തി​ൽ കൂ​ടു​ത​ൽ ഉ​യ​ർ​ത്തി ക്രൈ​സ്ത​വ വോ​ട്ടു​ക​ൾ ക​ര​സ്ഥ​മാ​ക്കാ​ൻ സ്ഥാ​നാ​ർ​ഥി ഉ​ൾ​പ്പെ​ടെ ശ്ര​മി​ക്കു​ന്ന​ത്.

ഹി​ന്ദു വോ​ട്ടു​ക​ളി​ൽ ഈ​ഴ​വ​രാ​ണ്​ കൂ​ടു​ത​ൽ. പി​ന്നി​ൽ നാ​യ​ർ വോ​ട്ടു​ക​ളു​മു​ണ്ട്. കൂ​രോ​പ്പ​ട, പാ​മ്പാ​ടി എ​ന്നീ പ​ഞ്ചാ​യ​ത്തു​ക​ളി​ലാ​ണ്​ ഹി​ന്ദു​ക്ക​ൾ കൂ​ടു​ത​ലു​ള്ള​ത്. ഈ ​പ​ഞ്ചാ​യ​ത്തു​ക​ളി​ലെ ചി​ല പ്ര​ദേ​ശ​ങ്ങ​ളി​ലാ​ണ്​ ബി.​ജെ.​പി​ക്ക്​ കാ​ര്യ​മാ​യ വേ​രോ​ട്ട​മു​ള്ള​ത്. ഈ ​പ്ര​ദേ​ശ​ങ്ങ​ളി​ൽ എ​ൻ.​എ​സ്.​എ​സി​ന്‍റെ നി​ല​പാ​ടു​ക​ൾ സ്വാ​ധീ​നി​ക്ക​പ്പെ​ട്ടാ​ൽ ത​ങ്ങ​ൾ​ക്ക്​ അ​നു​കൂ​ല​മാ​കു​മെ​ന്ന പ്ര​തീ​ക്ഷ​യി​ലാ​ണ്​ യു.​ഡി.​എ​ഫും ബി.​ജെ.​പി​യും. മു​സ്​​ലിം വോ​ട്ട​ർ​മാ​ർ വ​ള​രെ​ക്കു​റി​ച്ച്​ മാ​ത്ര​മേ​യു​ള്ളൂ.