15,000 കിലോമീറ്റര്‍ റോഡ്​ ബി.എം -ബി.സി നിലവാരത്തിലേക്ക് ഉയര്‍ത്തുക ലക്ഷ്യം -മന്ത്രി

അടൂർ: 2026 ഓ​ടു​കൂ​ടി പൊ​തു​മ​രാ​മ​ത്തിന്‍റെ 15,000 കി​ലോ​മീ​റ്റ​ര്‍ റോ​ഡു​ക​ള്‍ ബി.​എം ബി.​സി നി​ല​വാ​ര​ത്തി​ലേ​ക്ക് ഉ​യ​ര്‍ത്തു​ക​യാ​ണ് ല​ക്ഷ്യ​മെ​ന്ന് മ​ന്ത്രി മു​ഹ​മ്മ​ദ് റി​യാ​സ് പ​റ​ഞ്ഞു. കു​ടു​ത്ത-​പൂ​ത​ങ്ക​ര-​ഇ​ള​മ​ണ്ണൂ​ര്‍-​കി​ന്‍ഫ്ര-​ചാ​യ​ലോ​ട് റോ​ഡ് പൂ​ത​ങ്ക​ര ജ​ങ്​​ഷ​നി​ല്‍ ഉ​ദ്ഘാ​ട​നം ചെ​യ്യു​ക​യാ​യി​രു​ന്നു മ​ന്ത്രി.

സം​സ്ഥാ​ന​ത്ത് 30,000 കി​ലോ​മീ​റ്റ​ര്‍ റോ​ഡു​ക​ളാ​ണ് പൊ​തു​മ​രാ​മ​ത്ത് വ​കു​പ്പി​ന്‍റേ​താ​യി​ട്ടു​ള്ള​ത്. ക​രാ​റു​കാ​രി​ലും ഉ​ദ്യോ​ഗ​സ്ഥ​രി​ലും മി​ക​ച്ച പ്ര​വ​ര്‍ത്ത​നം ന​ട​ത്തു​ന്ന​വ​രെ പ്രോ​ത്സാ​ഹി​പ്പി​ക്കും.

ഉ​ദ്യോ​ഗ​സ്ഥ​ര്‍ റോ​ഡി​ലൂ​ടെ നേ​രി​ട്ട്​ പ​രി​ശോ​ധ​ന ന​ട​ത്തി​യാ​ല്‍ വ​ലി​യ അ​ള​വി​ല്‍ പ്ര​ശ്‌​നം പ​രി​ഹ​രി​ക്കാ​നാ​കും. ക്വാ​ളി​റ്റി ക​ൺ​ട്രോ​ള്‍ പ​രി​ശോ​ധ​ന​യു​ടെ സാ​ധ്യ​ത​ക​ള്‍ പ​രി​ശോ​ധി​ക്കും.2020-21 ബ​ജ​റ്റി​ല്‍ ഉ​ള്‍പ്പെ​ടു​ത്തി​യാ​ണ് കു​ടു​ത്ത-​ജ​ങ്​​ഷ​ന്‍-​പൂ​ത​ങ്ക​ര-​ഇ​ള​മ​ണ്ണൂ​ര്‍-​കി​ന്‍ഫ്ര-​ചാ​യ​ലോ​ട് റോ​ഡ് ആ​റു കോ​ടി ചെ​ല​വ​ഴി​ച്ച് ആ​ധു​നീ​ക​രി​ച്ച​ത്.

കെ.​യു. ജ​നീ​ഷ് കു​മാ​ര്‍ എം.​എ​ല്‍.​എ അ​ധ്യ​ക്ഷ​ത വ​ഹി​ച്ച ച​ട​ങ്ങി​ല്‍ ക​ല​ക്ട​ര്‍ ഡോ. ​ദി​വ്യ എ​സ്. അ​യ്യ​ര്‍, ക​ല​ഞ്ഞൂ​ര്‍ ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് ടി.​വി. പു​ഷ്പ​വ​ല്ലി, വൈ​സ് പ്ര​സി​ഡ​ന്റ് എം.​പി. മ​ണി​യ​മ്മ, ജി​ല്ല പ​ഞ്ചാ​യ​ത്ത് വി​ക​സ​ന​കാ​ര്യ സ്ഥി​രം സ​മി​തി അ​ധ്യ​ക്ഷ ബീ​ന​പ്ര​ഭ, ഏ​നാ​ദി​മം​ഗ​ലം ഗ്രാ​മ​പ​ഞ്ചാ​യ​ത്ത് പ്ര​സി​ഡ​ന്റ് പി. ​രാ​ജ​ഗോ​പാ​ല​ന്‍ നാ​യ​ര്‍, വൈ​സ് പ്ര​സി​ഡ​ന്റ് ഉ​ദ​യ ര​ശ്മി അ​നി​ല്‍കു​മാ​ര്‍, സി.​പി.​എം ജി​ല്ല സെ​ക്ര​ട്ട​റി കെ.​പി. ഉ​ദ​യ​ഭാ​നു, പ്ലാ​ന്റേ​ഷ​ന്‍ കോ​ര്‍പ​റേ​ഷ​ന്‍ ഡ​യ​റ​ക്ട​ര്‍ ബോ​ര്‍ഡ് അം​ഗം ​പ്ര​ഫ. കെ. ​മോ​ഹ​ന്‍കു​മാ​ര്‍, ബ്ലോ​ക്ക് പ​ഞ്ചാ​യ​ത്ത് അം​ഗം പി.​വി. വി​ജ​യ​കു​മാ​ര്‍, പൊ​തു​മ​രാ​മ​ത്ത് ചീ​ഫ് എ​ന്‍ജി​നീ​യ​ര്‍ അ​ജി​ത് രാ​മ​ച​ന്ദ്ര​ന്‍, ജ​ന​പ്ര​തി​നി​ധി​ക​ള്‍, പൊ​തു​മ​രാ​മ​ത്ത് ഉ​ദ്യോ​ഗ​സ്ഥ​ര്‍, രാ​ഷ്ട്രീ​യ പാ​ര്‍ട്ടി പ്ര​തി​നി​ധി​ക​ള്‍ തു​ട​ങ്ങി​യ​വ​ര്‍ പ​ങ്കെ​ടു​ത്തു.