ഗവർണർ കോടതിവിധി സ്വന്തം നിലക്ക്​ വ്യാഖ്യാനിച്ച്​ നടപടിയെടുക്കുന്നു -മന്ത്രി ബിന്ദു

തി​രു​വ​ന​ന്ത​പു​രം: സാ​​ങ്കേ​തി​ക സ​ർ​വ​ക​ലാ​ശാ​ല വി.​സി നി​യ​മ​നം സം​ബ​ന്ധി​ച്ച സു​പ്രീം​കോ​ട​തി വി​ധി സ്വ​ന്തം ഇ​ഷ്ട​പ്ര​കാ​രം വ്യാ​ഖ്യാ​നി​ച്ചാ​ണ്​ ചാ​ൻ​സ​ല​റാ​യ ഗ​വ​ർ​ണ​ർ ന​ട​പ​ടി സ്വീ​ക​രി​ക്കു​ന്ന​തെ​ന്ന്​ ഉ​ന്ന​ത വി​ദ്യാ​ഭ്യാ​സ​മ​ന്ത്രി ഡോ. ​ആ​ർ. ബി​ന്ദു. ഇ​ത്​​ നി​ർ​ഭാ​ഗ്യ​ക​ര​മാ​ണ്. സം​സ്ഥാ​ന സ​ർ​ക്കാ​റി​നും ഗ​വ​ർ​ണ​ർ​ക്കു​മി​ട​യി​ൽ ഭ​ര​ണ​ഘ​ട​ന നി​ർ​വ​ചി​ച്ച ബ​ന്ധ​വും പാ​ര​സ്പ​ര്യ​വും നി​രാ​ക​രി​ക്കു​ന്ന രീ​തി​യി​ലാ​ണ്​ ഗ​വ​ർ​ണ​റു​ടെ ന​ട​പ​ടി​ക​ൾ. സ​ർ​വ​ക​ലാ​ശാ​ല നി​യ​മ​ങ്ങ​ൾ​ക്കും ഹൈ​കോ​ട​തി സ​മീ​പ​കാ​ല​ത്ത്​ ന​ട​ത്തി​യ നി​രീ​ക്ഷ​ണ​ങ്ങ​ൾ​ക്കും വി​രു​ദ്ധ​മാ​ണ്​ ഗ​വ​ർ​ണ​റു​ടെ നി​ല​പാ​ട്​.

കേ​ര​ള​ത്തി​ലു​ള്ള​തെ​ല്ലാം പൊ​തു സ​ർ​വ​ക​ലാ​ശാ​ല​ക​ളാ​ണ്. പൊ​തു​സ​ർ​വ​ക​ലാ​ശാ​ല​ക​ൾ​ക്ക്​ ആ​വ​ശ്യ​മാ​യ മാ​ർ​ഗ​നി​ർ​ദേ​ശ​വും ഫ​ണ്ടി​ങ്ങും സം​സ്ഥാ​ന സ​ർ​ക്കാ​റി​ൽ നി​ക്ഷി​പ്ത​മാ​ണ്​.

സം​സ്ഥാ​ന താ​ൽ​പ​ര്യ​ത്തി​ന്​ തു​ര​ങ്കം​വെ​ക്കു​ന്ന ന​ട​പ​ടി​ക​ളാ​ണ്​ ഗ​വ​ർ​ണ​ർ സ്വീ​ക​രി​ക്കു​ന്ന​ത്. നി​യ​മ​സ​ഭ​യി​ൽ അ​വ​ത​രി​പ്പി​ച്ച നി​യ​മ​ങ്ങ​ളു​ടെ അ​ടി​സ്ഥാ​ന​ത്തി​ൽ രൂ​പ​വ​ത്​​ക​രി​ക്ക​പ്പെ​ട്ട സ​ർ​വ​ക​ലാ​ശാ​ല​ക​ളു​ടെ കാ​ര്യ​ത്തി​ൽ സം​സ്ഥാ​ന സ​ർ​ക്കാ​ർ പ​റ​യു​ന്ന​തി​ൽ​നി​ന്ന്​ വ്യ​ത്യ​സ്ത​മാ​യ നി​ല​പാ​ട്​ ഗ​വ​ർ​ണ​ർ സ്വീ​ക​രി​ക്കു​ന്ന​ത്​ ശ​രി​യ​ല്ലെ​ന്നും മ​ന്ത്രി പ​റ​ഞ്ഞു.