മതം ചോദിച്ച് മലിന ഭക്ഷണം നൽകിയ സംഭവം; രണ്ട് ജീവനക്കാരെ പുറത്താക്കി റെയിൽവെ

കോ​ഴി​ക്കോ​ട്: രാ​ജ​ധാ​നി എ​ക്സ്പ്ര​സി​ല്‍ യാ​ത്ര​ചെ​യ്ത യു​വ​തി​ക്കും കു​ടും​ബ​ത്തി​നും മാ​ലി​ന്യ​ത്തി​ല്‍നി​ന്നെ​ടു​ത്ത് ഭ​ക്ഷ​ണം ന​ൽ​കി​യെ​ന്ന പ​രാ​തി​യി​ൽ ട്രെ​യി​നി​ലെ കാ​റ്റ​റി​ങ് ജീ​വ​ന​ക്കാ​ര​നെ പി​രി​ച്ചു​വി​ട്ടു. ക​രാ​റു​കാ​ര​ന് 10,000 രൂ​പ പി​ഴ ചു​മ​ത്തു​ക​യും കാ​റ്റ​റി​ങ് സൂ​പ്പ​ർ​വൈ​സ​റു​ടെ സേ​വ​നം താ​ൽ​ക്കാ​ലി​ക​മാ​യി രാ​ജ​ധാ​നി എ​ക്സ്പ്ര​സി​ൽ റ​ദ്ദ് ചെ​യ്തി​ട്ടു​മു​ണ്ട്. പ​ന​വേ​ലി​ല്‍നി​ന്ന് കോ​ഴി​ക്കോ​ട്ടേ​ക്ക് യാ​ത്ര​ചെ​യ്ത ആ​ർ​ക്കി​ടെ​ക്ടാ​യ യു​വ​തി​ക്കും കു​ടും​ബ​ത്തി​നു​മാ​ണ് ദു​ര​നു​ഭ​വ​മു​ണ്ടാ​യ​ത്.

ക​ഴി​ഞ്ഞ വെ​ള്ളി​യാ​ഴ്ച​യാ​ണ് കു​ടും​ബം പ​ന​വേ​ലി​ൽ​നി​ന്ന് രാ​ജ​ധാ​നി എ​ക്‌​സ്പ്ര​സ് ട്രെ​യി​നി​ൽ ക​യ​റി​യ​ത്. രാ​ത്രി 11 ഓ​ടെ ട്രെ​യി​നി​ൽ ക‍യ​റി​യ​പ്പോ​ൾ ത​ങ്ങ​ളു​ടെ കി​ട​ക്ക​വി​രി​യും പു​ത​പ്പും മ​റ്റ് യാ​ത്ര​ക്കാ​ർ ഉ​പ​യോ​ഗി​ച്ച​താ​യി ക​ണ്ടി​രു​ന്നു. ഇ​ത്ര​യ​ധി​കം പൈ​സ ന​ൽ​കി ടി​ക്ക​റ്റെ​ടു​ത്ത് യാ​ത്ര ചെ​യ്യു​മ്പോ​ൾ അ​തി​നു​വേ​ണ്ട സൗ​ക​ര്യ​ങ്ങ​ൾ അ​നു​വ​ദി​ക്ക​ണ​മെ​ന്നും മാ​റ്റി​ത്ത​ര​ണ​മെ​ന്നും ആ​വ​ശ്യ​പ്പെ​ട്ടെ​ങ്കി​ലും ജീ​വ​ന​ക്കാ​ർ ത​യാ​റാ​യി​ല്ല. ഇ​തോ​ടെ യു​വ​തി​ക്ക് ടി.​ടി.​ആ​റി​ന​ടു​ത്ത് പ​രാ​തി പ​റ​യേ​ണ്ടി​വ​ന്നു. ഇ​താ​ണ് പ്ര​കോ​പ​ന​ത്തി​ന് കാ​ര​ണ​മെ​ന്ന് ക​രു​തു​ന്നു. പു​​ത​പ്പ് മാ​റ്റി​ന​ൽ​കി​യ ജീ​വ​ന​ക്കാ​ര​ൻ പ്ര​ശ്ന​ങ്ങ​ളെ​ല്ലാം അ​വ​സാ​നി​ച്ച​തി​നു​ശേ​ഷം വ​ന്ന് മു​സ്‍ലി​മാ​ണോ എ​ന്ന് ചോ​ദി​ച്ചി​രു​ന്ന​താ​യി യു​വ​തി പ​റ​ഞ്ഞു.

പി​റ്റേ​ന്ന്, മ​റ്റു​ള്ള​വ​ർ​ക്ക് കൊ​ടു​ത്ത് 10 മി​നി​റ്റി​ന് ശേ​ഷ​മാ​ണ് യു​വ​തി​ക്കും കു​ടും​ബ​ത്തി​നും പ്ര​ഭാ​ത​ഭ​ക്ഷ​ണം ന​ൽ​കി​യ​ത്. എ​ന്തു​കൊ​ണ്ടാ​ണെ​ന്ന് ചോ​ദി​ച്ച​പ്പോ​ൾ സ്‌​പെ​ഷ​ലാ​യി ഉ​ണ്ടാ​ക്കി​യെ​ന്നാ​യി​രു​ന്നു പാ​ൻ​ട്രി ജീ​വ​ന​ക്കാ​രു​ടെ മ​റു​പ​ടി.

എ​ന്നാ​ല്‍, അ​വ​ര്‍ കൊ​ണ്ടു​വ​ന്ന ബ്ര​ഡും ഓം​ലെ​റ്റും ക​ഴി​ച്ച​പ്പോ​ള്‍ രു​ചി​വ്യ​ത്യാ​സം അ​നു​ഭ​വ​പ്പെ​ട്ടു. തു​ട​ര്‍ന്ന് കൂ​ടെ​യു​ള്ള​വ​രോ​ട് ക​ഴി​ക്ക​രു​തെ​ന്ന് പ​റ​യു​ക​യും ചെ​യ്ത​താ​യി യു​വ​തി പ​റ​ഞ്ഞു. ജീ​വ​ന​ക്കാ​ര​ൻ സ്പെ​ഷ​ൽ ഭ​ക്ഷ​ണം എ​ങ്ങ​നെ​യു​ണ്ടെ​ന്ന് ഒ​ന്നി​ൽ​ക്കൂ​ടു​ത​ൽ ത​വ​ണ ചോ​ദി​ച്ചെ​ങ്കി​ലും സം​ശ​യി​ക്കാ​ൻ തോ​ന്നി​യി​ല്ല. ഉ​ച്ച​ക്കും മ​റ്റു​ള്ള യാ​ത്ര​ക്കാ​ർ​ക്ക് ന​ൽ​കു​മ്പോ​ൾ ഇ​വ​ർ​ക്ക് ഭ​ക്ഷ​ണം ന​ൽ​കി​യി​ല്ല. 10 മി​നി​റ്റ് ക​ഴി​ഞ്ഞ് ന​ൽ​കി​യ ഉ​ച്ച​ഭ​ക്ഷ​ണം തു​റ​ന്ന​തോ​ടെ​യാ​ണ് പ്ര​ശ്‌​നം ഗു​രു​ത​ര​മാ​ണെ​ന്ന് മ​ന​സ്സി​ലാ​യ​ത്.

വൃ​ത്തി​ഹീ​ന​മാ​യ ചോ​റും ചി​ക്ക​ൻ ക​റി​യു​മാ​യി​രു​ന്നു അ​ത്. മാ​ത്ര​മ​ല്ല, ജീ​വ​ന​ക്കാ​ര​ൻ ത​ങ്ങ​ൾ ഭ​ക്ഷ​ണം ക​ഴി​ക്കു​ന്ന​ത് കാ​ണാ​നാ​യി അ​വി​ടെ വ​ന്നി​രു​ന്ന​താ​യും യു​വ​തി പ​റ​യു​ന്നു. ദു​ർ​ഗ​ന്ധം അ​നു​ഭ​വ​പ്പെ​ട്ട​തോ​ടെ മ​റ്റ് സീ​റ്റു​ക​ളി​ൽ ഇ​രു​ന്ന യാ​ത്ര​ക്കാ​രോ​ട് അ​വ​രു​ടെ ഭ​ക്ഷ​ണ​വും ഇ​ങ്ങ​നെ​യാ​ണോ എ​ന്ന് ചോ​ദി​ച്ചു. അ​വ​രു​ടെ ഭ​ക്ഷ​ണ​ത്തി​ന് കു​ഴ​പ്പ​മി​ല്ല എ​ന്ന് മ​ന​സ്സി​ലാ​യ​തോ​ടെ​യാ​ണ് ത​ങ്ങ​ളെ ല​ക്ഷ്യം​വെ​ച്ചു​ള്ള ഗൂ​ഢാ​ലോ​ച​ന​യാ​ണി​തെ​ന്ന് മ​ന​സ്സി​ലാ​യ​തെ​ന്നും യു​വ​തി പ​റ​ഞ്ഞു. ബോ​ഗി​യി​ലു​ണ്ടാ​യി​രു​ന്ന ആ​ർ​മി ഉ​ദ്യോ​ഗ​സ്ഥ​ർ ഇ​ട​പെ​ട്ട​തി​നെ തു​ട​ർ​ന്ന് റെ​യി​ൽ​വേ പൊ​ലീ​സ് ജീ​വ​ന​ക്കാ​രെ ചോ​ദ്യം​ചെ​യ്ത​പ്പോ​ഴാ​ണ് മാ​ലി​ന്യ​ത്തി​ൽ​നി​ന്നെ​ടു​ത്ത ഭ​ക്ഷ​ണ​മാ​ണ് ന​ൽ​കി​യ​തെ​ന്ന് ജീ​വ​ന​ക്കാ​ർ സ​മ്മ​തി​ച്ച​ത്. സം​ഭ​വ​ത്തി​ൽ മാ​പ്പു​പ​റ​യു​ന്ന​തി​ന് പ​ക​രം പു​റ​ത്ത് പ​റ​യ​രു​തെ​ന്നും ഒ​ത്തു​തീ​ർ​പ്പാ​ക്ക​ണ​മെ​ന്നു​മാ​യി​രു​ന്നു അ​വ​രു​ടെ ആ​വ​ശ്യം. പ​രാ​തി ന​ല്‍കി​യാ​ല്‍ ഡ​ല്‍ഹി​യി​ലും മും​ബൈ​യി​ലും കേ​സ് ന​ട​ത്തി​പ്പി​നാ​യി വ​രാ​ന്‍ ബു​ദ്ധി​മു​ട്ടാ​കു​മെ​ന്നും അ​വ​ര്‍ പ​റ​ഞ്ഞു. ഇ​തെ​ല്ലാം വി​ഡി​യോ​യി​ൽ പ​ക​ർ​ത്തി​യ​താ​യി യു​വ​തി പ​റ​ഞ്ഞു.

കോ​ഴി​ക്കോ​ട്ടെ​ത്തി​യ ഇ​വ​ർ റെ​യി​ൽ​വേ​യി​ലെ കാ​റ്റ​റി​ങ് ജീ​വ​ന​ക്കാ​രു​ടെ മോ​ശം പെ​രു​മാ​റ്റ​ത്തി​നെ​തി​രെ റെ​യി​ൽ​വേ പൊ​ലീ​സി​നും കോ​ഴി​ക്കോ​ട് ടൗ​ൺ പൊ​ലീ​സി​നും പ​രാ​തി ന​ൽ​കി​യി​രു​ന്നു. തു​ട​ർ​ന്നാ​ണ് ജീ​വ​ന​ക്കാ​ര​നെ റെ​യി​ൽ​വേ പി​രി​ച്ചു​വി​ട്ട​ത്. മ​തേ​ത​ര​മാ​യി ജീ​വി​ക്കു​ന്ന ത​ന്നോ​ട് മ​തം ചോ​ദി​ച്ച​താ​ണ് ത​നി​ക്ക് ഏ​റ്റ​വും വേ​ദ​നാ​ജ​ന​ക​മാ​യി അ​നു​ഭ​വ​പ്പെ​ട്ട​തെ​ന്ന് യു​വ​തി ‘മാ​ധ്യ​മ’​ത്തോ​ട് പ​റ​ഞ്ഞു.