ശ്രദ്ധ വിതരണത്തിൽ; വൈദ്യുതി ഉൽപാദനം കൂട്ടുന്നതിൽ മെല്ലെപ്പോക്ക്

തി​രു​വ​ന​ന്ത​പു​രം: സം​സ്ഥാ​ന​ത്തെ വൈ​ദ്യു​തി ഉ​പ​യോ​ഗം വ​ർ​ധി​ക്കു​ന്ന​തി​ന​നു​സ​രി​ച്ച് ഉ​ൽ​പാ​ദ​നം വ​ർ​ധി​പ്പി​ക്കാ​ൻ കാ​ര്യ​മാ​യ ഇ​ട​പെ​ട​ലി​ല്ല. ഉ​ൽ​പാ​ദ​ന​ത്തി​ന്​ അ​ർ​ഹ​മാ​യ പ്രാ​ധാ​ന്യം ന​ൽ​കാ​തെ വി​ത​ര​ണ​ത്തി​ൽ കൂ​ടു​ത​ൽ ശ്ര​ദ്ധ​വെ​ക്കു​ന്ന​ത്​ സം​സ്ഥാ​ന​ത്തെ ഊ​ർ​ജ മേ​ഖ​ല​യെ പി​ന്നോ​ട്ട​ടി​ക്കു​ക​യാ​ണ്. 2023 ജ​നു​വ​രി ഒ​ന്നു മു​ത​ൽ 2023 ഡി​സം​ബ​ർ 31 വ​രെ സം​സ്ഥാ​ന​ത്ത് ഉ​പ​യോ​ഗി​ച്ച വൈ​ദ്യു​തി​യു​ടെ 78 ശ​ത​മാ​ന​വും പു​റ​ത്തു​നി​ന്നും വാ​ങ്ങി​യ​താ​ണെ​ന്നാ​ണ്​ ക​ണ​ക്കു​ക​ൾ. വൈ​ദ്യു​തി ഉ​പ​യോ​ഗം റെ​ക്കോ​ഡ് ഭേ​ദി​ച്ച് കു​തി​ക്കു​ന്ന ഈ ​വ​ർ​ഷ​വും പു​റ​ത്തു​നി​ന്നും വാ​ങ്ങു​ന്ന വൈ​ദ്യു​തി​യു​ടെ അ​ള​വ് കൂ​ടാ​നാ​ണ് സാ​ധ്യ​ത.

വ​ർ​ഷം 10,000 കോ​ടി​യോ​ളം വേ​ണ്ടി​വ​രു​ന്ന ‘പ​വ​ർ പ​ർ​ചേ​സ്’ കു​റ​ച്ചു കൊ​ണ്ടു​വ​രാ​നു​ള്ള ശ്ര​മ​ങ്ങ​ൾ ഉ​ണ്ടാ​വു​ന്നി​ല്ലെ​ന്ന വി​മ​ർ​ശ​നം ശ​ക്ത​മാ​ണ്. വി​ത​ര​ണ രം​ഗ​ത്ത്​ സ​ബ്​ സ്​​റ്റേ​ഷ​നു​ക​ൾ, ട്രാ​ൻ​സ്​​​ഫോ​ർ​മ​റു​ക​ൾ സ്ഥാ​പി​ക്ക​ൽ തു​ട​ങ്ങി​യ ​പ​ദ്ധ​തി​ക​ൾ ന​ട​പ്പാ​ക്കു​ന്നു​മു​ണ്ട്. ജ​ല​വൈ​ദ്യു​ത പ​ദ്ധ​തി​ക​ളു​ടെ സ​മ​യ​ബ​ന്ധി​ത​മാ​യ പൂ​ർ​ത്തീ​ക​ര​ണം, സോ​ളാ​ർ പ​ദ്ധ​തി​ക​ളു​ടെ വ്യാ​പ​നം എ​ന്നി​വ​യി​ൽ കൃ​ത്യ​മാ​യ ആ​സൂ​ത്ര​ണ​വും നി​ർ​വ​ഹ​ണ​വും ന​ട​ക്കു​ന്നി​ല്ല. 60 മെ​ഗാ​വാ​ട്ടി​ന്‍റെ പ​ള്ളി​വാ​സ​ൽ എ​ക്സ്റ്റ​ൻ​ഷ​ൻ സ്കീം ​അ​ട​ക്കം 777 മെ​ഗാ​വാ​ട്ടി​ലേ​റെ ഉ​ൽ​പാ​ദ​നം പ്ര​തീ​ക്ഷി​ക്കു​ന്ന 126 ജ​ല വൈ​ദ്യു​ത പ​ദ്ധ​തി​ക​ളാ​ണ് സം​സ്ഥാ​ന​ത്ത്​ ഇ​നി​യും യാ​ഥാ​ർ​ഥ്യ​മാ​കാ​ത്ത​ത്.

10 വ​ർ​ഷ​ത്തി​നു​ള്ളി​ൽ ഇ​പ്പോ​ഴു​ള്ള 10 കോ​ടി യൂ​നി​റ്റ് ലോ​ഡ് 20 കോ​ടി​യി​ലേ​ക്ക് ക​ട​ക്കാ​നു​ള്ള സാ​ധ്യ​ത നി​ല​നി​ൽ​ക്കെ മു​ട​ങ്ങി​ക്കി​ട​ക്കു​ന്ന പ​ദ്ധ​തി​ക​ൾ പൂ​ർ​ത്തി​യാ​ക്കി​യി​ല്ലെ​ങ്കി​ൽ വ​ലി​യ ന​ഷ്ട​മാ​ണ് സം​സ്ഥാ​ന​ത്തി​നു​ണ്ടാ​വു​ക​യെ​ന്ന് പ​ള്ളി​വാ​സ​ൽ എ​ക്സ്റ്റ​ൻ​ഷ​ൻ സ്കീം ​മു​ൻ പ്രോ​ജ​ക്ട്​ മാ​നേ​ജ​ർ ​ജേ​ക്ക​ബ്​ ജോ​സ്​ ‘മാ​ധ്യ​മ’​ത്തോ​ട് പ​റ​ഞ്ഞു. കെ.​എ​സ്.​ഇ.​ബി​യി​ൽ 700 സി​വി​ൽ എ​ൻ​ജി​നീ​യ​ർ​മാ​രാ​ണ് ജോ​ലി ചെ​യ്യു​ന്ന​ത്. ക​ഴി​ഞ്ഞ 13 വ​ർ​ഷം​കൊ​ണ്ട് ഇ​വ​രു​ടെ അ​ധ്വാ​ന​ത്തി​ൽ കൂ​ട്ടി​ച്ചേ​ർ​ത്ത ഉ​ൽ​പാ​ദ​ന​ശേ​ഷി വെ​റും 99 മെ​ഗാ​വാ​ട്ട് മാ​ത്ര​മാ​ണെ​ന്നും അ​​ദ്ദേ​ഹം കു​റ്റ​പ്പെ​ടു​ത്തി. ‘ഇ.​വി’​ക​ൾ വ​ർ​ധി​ക്കു​ന്ന​തും എ​യ​ർ​ക​ണ്ടീ​ഷ​ണ​ർ അ​വ​ശ്യ​വ​സ്​​തു​വാ​യി മാ​റു​ക​യും ചെ​യ്യ​വെ വൈ​ദ്യു​തി ഉ​പ​യോ​ഗം വ​രും വ​ർ​ഷ​ങ്ങ​ളി​ൽ ഉ​യ​രു​മെ​ന്നു​റ​പ്പാ​ണ്. ഇ​തു​ നേ​രി​ടാ​ൻ ജ​ല, സൗ​രോ​ർ​ജ പ​ദ്ധ​തി​ക​ൾ​ക്ക്​ കൂ​ടു​ത​ൽ ​പ്ര​ധാ​ന്യം ന​ൽ​ക​ണ​മെ​ന്ന നി​ർ​ദേ​ശ​മാ​ണ്​ ഉ​യ​രു​ന്ന​ത്. ഇ​തി​ലൂ​ടെ നി​ര​ക്കു​വ​ർ​ധ​ന​ ഒ​ഴി​വാ​ക്കാ​നാ​വും.

ഉ​പ​യോ​ഗം 104.492 ദ​ശ​ല​ക്ഷം യൂ​നി​റ്റ്​

തി​രു​വ​ന​ന്ത​പു​രം: ബു​ധ​നാ​ഴ്​​ച വൈ​ദ്യു​തി ഉ​പ​യോ​ഗ​ത്തി​ൽ നേ​രി​യ കു​റ​വ്. 104.492 ദ​ശ​ല​ക്ഷം യൂ​നി​റ്റാ​ണ്​ ആ​വ​ശ്യ​മാ​യി വ​ന്ന​ത്. പീ​ക്ക്​ സ​മ​യ​ത്തെ ഉ​പ​യോ​ഗം 5389 മെ​ഗാ​വാ​ട്ടാ​യി​രു​ന്നു.