സ്ഥിരം ഇടത്താവളം യാഥാർഥ്യമായില്ല; കമ്പംമെട്ട് വഴി ഭക്തരുടെ യാത്ര കഠിനമാകും

നെ​ടു​ങ്ക​ണ്ടം: ഇ​ത​ര​സം​സ്ഥാ​ന​ങ്ങ​ളി​ൽ നി​ന്നെ​ത്തു​ന്ന അ​യ്യ​പ്പ​ഭ​ക്ത​ർ​ക്ക് ആ​ദ്യ ഇ​ട​ത്താ​വ​ള​മാ​യ ക​മ്പം​മെ​ട്ടി​ൽ ഇ​ത്ത​വ​ണ​യും സ്ഥി​രം ഇ​ട​ത്താ​വ​ളം യാ​ഥാ​ർ​ഥ്യ​മാ​യി​ല്ല. മ​ണ്ഡ​ല​വ്ര​തം ആ​രം​ഭി​ക്കാ​ന്‍ ര​ണ്ടാ​ഴ്ച മാ​ത്രം ശേ​ഷി​ക്കേ അ​തി​ര്‍ത്തി പ​ട്ട​ണ​മാ​യ ക​മ്പം​മെ​ട്ട് വ​ഴി​യു​ള്ള അ​യ്യ​പ്പ​ഭ​ക്ത​രു​ടെ തീ​ർ​ഥാ​ട​നം ഇ​ക്കു​റി​യും ദു​രി​ത​ക്ക​യ​ത്തി​ലാ​കു​മെ​ന്ന്​ ഉ​റ​പ്പാ​യി. ദി​വ​സ​ങ്ങ​ൾ മാ​ത്രം ബാ​ക്കി​നി​ൽ​ക്കേ താ​ൽ​ക്കാ​ലി​ക സം​വി​ധാ​ന​വും ഒ​രു​ങ്ങി​യി​ല്ല.

ക​മ്പം​മെ​ട്ടി​ൽ സ്ഥി​രം ഇ​ട​ത്താ​വ​ളം സ്ഥാ​പി​ക്കാ​ൻ 2019ലെ ​ബ​ജ​റ്റി​ൽ നാ​ലു​കോ​ടി രൂ​പ സ​ർ​ക്കാ​ർ വ​ക​യി​രു​ത്തി​യി​രു​ന്നു. ഇ​തി​നാ​യി ക​രു​ണാ​പുരത്ത്​ സ്ഥ​ലം ഏ​റ്റെ​ടു​ത്ത് സ​ർ​ക്കാ​റി​ന് കൈ​മാ​റു​ന്ന​തി​ന് ന​ട​പ​ടി​യും തു​ട​ങ്ങി. എ​ന്നാ​ൽ, കോ​വി​ഡ് പ്ര​തി​സ​ന്ധി​മൂ​ലം തു​ട​ർ​ന​ട​പ​ടി​ക​ൾ ഉ​ണ്ടാ​യി​ല്ല. 2022 ജ​നു​വ​രി​യി​ൽ പ​ദ്ധ​തി​യു​മാ​യി സ​ർ​ക്കാ​ർ വീ​ണ്ടും രം​ഗ​ത്തെ​ത്തി.

ഇ​ട​ത്താ​വ​ള​ത്തി​ന് സ്ഥ​ലം ഏ​റ്റെ​ടു​ക്കാ​ൻ ക​രു​ണാ​പു​രം പ​ഞ്ചാ​യ​ത്തി​ന് ആ​ദ്യ​ഘ​ട്ട തു​ക അ​നു​വ​ദി​ച്ചു. ഇ​തോ​ടെ ക​മ്പം​മെ​ട്ട് ക​മ്യൂ​ണി​റ്റി ഹാ​ളി​ന് സ​മീ​പം സ്വ​കാ​ര്യ എ​സ്റ്റേ​റ്റ് സൗ​ജ​ന്യ​മാ​യി വി​ട്ടു​ന​ൽ​കി​യ 20 സെ​ന്റ് സ്ഥ​ലം അ​ട​ക്കം 65 സെ​ന്റ് വാ​ങ്ങി ര​ജി​സ്ട്രേ​ഷ​ൻ ന​ട​പ​ടി പൂ​ർ​ത്തി​യാ​ക്കി.

എ​ന്നാ​ൽ പി​ന്നീ​ടു​ള്ള ബ​ജ​റ്റു​ക​ളി​ലൊ​ന്നും ഇ​ട​ത്താ​വ​ള നി​ർ​മാ​ണ​ത്തി​ന് തു​ക അ​നു​വ​ദി​ച്ചി​ല്ല. തീ​ർ​ഥാ​ട​ന​കാ​ല​ത്ത് സം​സ്ഥാ​ന​ത്തി​ന് പു​റ​ത്തു​നി​ന്നെ​ത്തു​ന്ന ഭ​ക്ത​ർ ത​മി​ഴ്‌​നാ​ട്ടി​ലെ ക​മ്പ​ത്തെ​ത്തി ക​മ്പം​മെ​ട്ടു​വ​ഴി സം​സ്ഥാ​ന​ത്ത് പ്ര​വേ​ശി​ച്ചാ​ണ് ശ​ബ​രി​മ​ല​യി​ലേ​ക്ക് പോ​കു​ന്ന​ത്.

ഗ​താ​ഗ​ത​ക്ര​മീ​ക​ര​ണ​ത്തി​ന്റെ ഭാ​ഗ​മാ​യി ദ​ർ​ശ​നം ക​ഴി​ഞ്ഞെ​ത്തു​ന്ന ഭ​ക്ത​ർ കു​മ​ളി​വ​ഴി​യാ​ണ് ത​മി​ഴ്‌​നാ​ട്ടി​ലേ​ക്ക് മ​ട​ക്കം. അ​തി​നാ​ൽ ക​മ്പം​മെ​ട്ടി​ൽ ഭ​ക്ത​ർ​ക്കാ​യി പാ​ർ​ക്കി​ങ് സൗ​ക​ര്യം, ശൗ​ചാ​ല​യ​ങ്ങ​ൾ, വി​ശ്ര​മ​കേ​ന്ദ്രം, വ​ഴി​വി​ള​ക്കു​ക​ൾ, ഇ​ൻ​ഫ​ർ​മേ​ഷ​ൻ സെ​ന്റ​ർ, വൈ​ദ്യ​സ​ഹാ​യം എ​ന്നി​വ​യെ​ല്ലാം ആ​വ​ശ്യ​മു​ണ്ട്. ഭ​ക്ത​ര്‍ക്ക് പ്രാ​ഥ​മി​ക ആ​വ​ശ്യ​ങ്ങ​ള്‍ നി​ര്‍വ​ഹി​ക്കു​ന്ന​തി​ന് പോ​ലും സൗ​ക​ര്യ​ങ്ങ​ള്‍ ഇ​വി​ടി​ല്ല. റോ​ഡു​വ​ക്കി​ലെ പാ​ർ​ക്കി​ങ്​ പ​ല​വി​ധ പ്ര​ശ്​​ന​ങ്ങ​ൾ​ക്കാ​ണ്​ വ​ഴി​വെ​ക്കു​ന്ന​ത്. ഭ​ക്ത​ര്‍ നേ​രി​ടു​ന്ന ഏ​റ്റ​വും വ​ലി​യ പ്ര​ശ്‌​നം മ​ല​മൂ​ത്ര വി​സ​ര്‍ജ​ന​ത്തി​ന്​ ആ​വ​ശ്യ​ത്തി​ന്​ സൗ​ക​ര്യ​മി​ല്ലെ​ന്ന​താ​ണ്.

ശു​ചി​മു​റി​ക​ള്‍ സ്ഥാ​പി​ക്കാ​ന്‍ എ​ല്ലാ വ​ര്‍ഷ​വും തീ​രു​മാ​ന​മെ​ടു​ക്കാ​റു​ണ്ടെ​ങ്കി​ലും ന​ട​പ്പാ​ക്കാ​റി​ല്ല. ടൗ​ണി​ലെ മാ​ലി​ന്യ​ങ്ങ​ള്‍ അ​നു​ദി​നം നീ​ക്കം ചെ​യ്യാ​ന്‍ ന​ട​പ​ടി സ്വീ​ക​രി​ക്ക​ണ​മെ​ന്ന ആ​വ​ശ്യ​വും ചെ​വി​ക്കൊ​ള്ളു​ന്നി​ല്ല. സ്ഥി​രം​സം​വി​ധാ​നം ഇ​ല്ലാ​ത്ത​തി​നാ​ൽ ക​രു​ണാ​പു​രം പ​ഞ്ചാ​യ​ത്താ​ണ് ക​മ്പം​മെ​ട്ടി​ൽ താ​ൽ​ക്കാ​ലി​ക ഇ​ട​ത്താ​വ​ളം ഒ​രു​ക്കാ​റ്. സാ​മ്പ​ത്തി​ക​സ​ഹാ​യം സ​ർ​ക്കാ​ർ ന​ൽ​കാ​ത്ത​തി​നാ​ൽ പ​രി​മി​ത​മാ​യ സൗ​ക​ര്യ​ങ്ങ​ളാ​ണ് ഇ​ത്ത​വ​ണ​യും ഇ​വി​ടെ. ക​ഴി​ഞ്ഞ​ത​വ​ണ ഇ​ട​ത്താ​വ​ള​മാ​യി ഉ​പ​യോ​ഗി​ച്ചി​രു​ന്ന കെ​ട്ടി​ടം കാ​ടു​പി​ടി​ച്ച് മാ​ലി​ന്യം കൂ​ട്ടി​യി​ടു​ന്ന കേ​ന്ദ്ര​മാ​ണി​പ്പോ​ൾ.

ആ​വ​ശ്യ​ത്തി​ന് ദി​ശാ​ബോ​ർ​ഡു​ക​ളും വെ​ളി​ച്ച​ത്തി​നു​ള്ള സം​വി​ധാ​ന​ങ്ങ​ളും ക​മ്പം​മെ​ട്ടി​ലി​ല്ല. തീ​ർ​ഥാ​ട​ന​കാ​ലം ആ​രം​ഭി​ക്കും മു​മ്പ് ക​മ്പം​മെ​ട്ടി​ൽ അ​ടി​സ്ഥാ​ന​സൗ​ക​ര്യ​ങ്ങ​ൾ ഒ​രു​ക്കു​മെ​ന്നാ​ണ് ക​രു​ണാ​പു​രം പ​ഞ്ചാ​യ​ത്ത്​ പ​റ​യു​ന്ന​ത്.