ചരക്ക് വാഹനങ്ങളുടെ നികുതി അടക്കാനുള്ള അവസാന തീയതി ഒക്ടോബർ 30 വരെ നീട്ടി

തിരുവനന്തപുരം: ചരക്ക് വാഹനങ്ങളുടെ ജൂലൈ, ആഗസ്​റ്റ്​, സെപ്​റ്റംബർ മാസത്തെ ക്വാർട്ടർ നികുതി അടക്കാനുള്ള അവസാന തീയതി ഒക്ടോബർ 30 വരെ നീട്ടിയതായി അധികൃതർ അറിയിച്ചു.

സ്​റ്റേജ് കാര്യേജ് ബസുകളുടെയും കോൺട്രാക്ട് കാര്യേജുകളുടെയും ജൂലൈ, ആഗസ്​റ്റ്​, സെപ്​റ്റംബർ മാസത്തെ ക്വാർട്ടർ നികുതി പൂർണമായും ഒഴിവാക്കിയിരുന്നു.

വിദ്യാഭ്യാസ സ്​ഥാപനങ്ങളിലെ ബസുകളുടെ ഏപ്രിൽ, മെയ്, ജൂൺ, ജൂലൈ, ആഗസ്​റ്റ്​, സെപ്​റ്റംബർ മാസങ്ങളിലെ രണ്ട്​ ക്വാർട്ടർ നികുതിയും പൂർണമായി ഒഴിവാക്കിയിട്ടുണ്ട്​.