മത്സ്യത്തൊഴിലാളികളുടെ ജീവിത സാഹചര്യം മെച്ചപ്പെടുത്തും -മന്ത്രി

ചാ​ത്ത​ന്നൂ​ർ: മ​ത്സ്യ​ത്തൊ​ഴി​ലാ​ളി​ക​ളു​ടെ ജീ​വി​ത​സാ​ഹ​ച​ര്യം കൂ​ടു​ത​ൽ മെ​ച്ച​പ്പെ​ടു​ത്തു​ന്ന​തി​നാ​യി നി​ര​വ​ധി പ​ദ്ധ​തി​ക​ൾ സം​സ്ഥാ​ന സ​ർ​ക്കാ​ർ ന​ട​പ്പാ​ക്കി​വ​രു​ന്ന​താ​യി മ​ന്ത്രി സ​ജി ചെ​റി​യാ​ൻ. ചാ​ത്ത​ന്നൂ​ർ മ​ത്സ്യ മാ​ർ​ക്ക​റ്റി​ന്റെ നി​ർ​മാ​ണോ​ദ്ഘാ​ട​നം നി​ർ​വ​ഹി​ക്കു​ക​യാ​യി​രു​ന്നു അ​ദ്ദേ​ഹം. 5.28 കോ​ടി രൂ​പ വി​നി​യോ​ഗി​ച്ചാ​ണ് അ​ത്യാ​ധു​നി​ക സ​ജ്ജീ​ക​ര​ണ​ങ്ങ​ളോ​ടു​കൂ​ടി​യ ചാ​ത്ത​ന്നൂ​ർ മ​ത്സ്യ മാ​ർ​ക്ക​റ്റ് നി​ർ​മി​ക്കു​ന്ന​ത്. 1482.11 ച​തു​ര​ശ്ര അ​ടി വി​സ്തീ​ർ​ണ​ത്തി​ൽ മൂ​ന്ന് നി​ല​ക​ളാ​യി നി​ർ​മി​ക്കു​ന്ന കെ​ട്ടി​ട​ത്തി​ൽ മ​ത്സ്യ​വി​പ​ണ​ന ഔ​ട്ട്​​ലെ​റ്റു​ക​ൾ, ഇ​റ​ച്ചി​ക്ക​ട​ക​ൾ, ലേ​ല​ഹാ​ൾ, പ​ച്ച​ക്ക​റി​ക്ക​ട​ക​ൾ, ഫ്രീ​സ​ർ മു​റി, പ്രി​പ്പ​റേ​ഷ​ൻ മു​റി, സ്ത്രീ​ക​ൾ​ക്കും പു​രു​ഷ​ന്മാ​ർ​ക്കും പ്ര​ത്യേ​കം ടോ​യ്‌​ല​റ്റ് സൗ​ക​ര്യം, വേ​സ്റ്റ് മാ​നേ​ജ്‌​മെ​ന്റ് സി​സ്റ്റം തു​ട​ങ്ങി​യ​വ ഒ​രു​ക്കും.

ജി.​എ​സ്. ജ​യ​ലാ​ൽ എം.​എ​ൽ.​എ അ​ധ്യ​ക്ഷ​ത വ​ഹി​ച്ചു. ചാ​ത്ത​ന്നൂ​ർ പ​ഞ്ചാ​യ​ത്ത് പ്ര​സി​ഡ​ന്റ്‌ ടി. ​ദി​ജു, സം​സ്ഥാ​ന തീ​ര​ദേ​ശ വി​ക​സ​ന കോ​ർ​പ​റേ​ഷ​ൻ മാ​നേ​ജി​ങ്​ ഡ​യ​റ​ക്‌​ട​ർ പി.​ഐ. ഷെ​യ്ക് പ​രീ​ത്, ജി​ല്ല പ​ഞ്ചാ​യ​ത്ത് വൈ​സ് പ്ര​സി​ഡ​ന്റ് ശ്രീ​ജ ഹ​രി​ഷ്, ഇ​ത്തി​ക്ക​ര ബ്ലോ​ക്ക് പ​ഞ്ചാ​യ​ത്ത് പ്ര​സി​ഡ​ന്റ് എം.​കെ. ശ്രീ​കു​മാ​ർ, സം​സ്ഥാ​ന തീ​ര​ദേ​ശ വി​ക​സ​ന കോ​ർ​പ​റേ​ഷ​ൻ ഡ​യ​റ​ക്ട‌​ർ ബോ​ർ​ഡ് അം​ഗം ഇ. ​കെ​ന്ന​ഡി, ചീ​ഫ് എ​ൻ​ജി​നീ​യ​ർ ടി.​വി. ബാ​ല​കൃ​ഷ്ണ​ൻ, ഫി​ഷ​റീ​സ് ഡെ​പ്യൂ​ട്ടി ഡ​യ​റ​ക്‌​ട​ർ എ​സ്. പ്രി​ൻ​സ്, ഇ​ത്തി​ക്ക​ര ബ്ലോ​ക്ക് പ​ഞ്ചാ​യ​ത്ത് വൈ​സ് പ്ര​സി​ഡ​ന്റ് നി​ർ​മ​ല വ​ർ​ഗീ​സ്, സ്ഥി​രം സ​മി​തി അ​ധ്യ​ക്ഷ​ൻ എ​ൻ. ശ​ർ​മ, ചാ​ത്ത​ന്നൂ​ർ ഗ്രാ​മ​പ​ഞ്ചാ​യ​ത്ത് സ്ഥി​രം സ​മി​തി അ​ധ്യ​ക്ഷ​രാ​യ ആ​ർ. സ​ജീ​വ് കു​മാ​ർ, ആ​ർ. അ​മ​ൽ ച​ന്ദ്ര​ൻ, ഷൈ​നി ജോ​യി എ​ന്നി​വ​ർ പ​ങ്കെ​ടു​ത്തു.