ലീഗിനെ നശിപ്പിക്കാൻ വന്ന സംഘടനകളെയെല്ലാം പ്രോത്സാഹിപ്പിച്ച പാർട്ടിയാണ് സി.പി.എം -പി.എം.എ. സലാം

മലപ്പുറം: എസ്.ഡി.പി.ഐയുടെ മുഖ്യശത്രു മുസ്‌ലിം ലീഗാണെന്ന് ലീഗ് സംസ്ഥാന ജനറൽ സെക്രട്ടറി പി.എം.എ. സലാം. സി.പി.എം-എസ്.ഡി.പി.ഐ ബന്ധം മറച്ചു വെക്കാനുള്ള ശ്രമമാണ് ഇപ്പോൾ നടക്കുന്നത്. ആ ബന്ധം മറയ്ക്കാൻ മുസ്‌ലിം ലീഗിന്റെ മെക്കിട്ട് കയറേണ്ടെന്നും അദ്ദേഹം പറഞ്ഞു. ഇത്തരം സംഘടനകൾ വന്നതെല്ലാം ലീഗിനെ എതിർക്കാനാണ് അവരെ രഹസ്യമായും, പരസ്യമായും പിന്തുണക്കുകയാണ് സി.പി.എം ചെയ്തതെന്നും പി.എം.എ. സലാം പറഞ്ഞു.

കേരളത്തിൽ വിവിധ തദ്ദേശ സ്ഥാപനങ്ങളിൽ എസ്.ഡി.പി.ഐ-സി.പി.എം ധാരണയുണ്ട്. സി.പി.എം-എസ്.ഡി.പി.ഐ ധാരണ അറിയുന്നത് കൊണ്ടാണ് കേന്ദ്ര അന്വേഷണ ഏജൻസികൾ പി.എഫ്‌.ഐ കേന്ദ്രങ്ങളിൽ നടത്തിയ റെയ്ഡ് കേരള പൊലീസിനെ അറിയിക്കാതിരുന്നതെന്നും സലാം പറഞ്ഞു.

Also Read:പോപുലര്‍ ഫ്രണ്ട് നടത്തുന്നത് ഭീകരവാദ പ്രവര്‍ത്തനം -എം.വി. ജയരാജൻ

പോപുലർ ഫ്രണ്ടിനെ സംരക്ഷിക്കുന്നത് മുസ്‌ലിം ലീഗാണെന്ന് സി.പി.എം കണ്ണൂർ ജില്ല സെക്രട്ടറി എം.വി. ജയരാജൻ കഴിഞ്ഞ ദിവസം പറഞ്ഞിരുന്നു. ഇതിന് മറുപടി നൽകുകയായിരുന്നു പി.എം.എ. സലാം.