പൈപ്പിടാനായി കുഴിച്ച മണ്ണാംമ്മൂല - ശാസ്തമംഗലം റോഡ് കുളമായി

തിരുവനന്തപുരം: പൈപ്പിടാനായി കുഴിച്ച മണ്ണാംമ്മൂല - ശാസ്തമംഗലം റോഡ് കുളമായി. മണ്ണാംമ്മൂലയില്‍ നിന്ന് ഇടക്കുളം വഴി ശാസ്തമംഗലത്തേക്കുള്ള റോഡാണ് രണ്ടു വര്‍ഷത്തോളമായി കുളമായി കിടക്കുന്നത്. ഈ റോഡിലൂടെ വണ്ടി ഓടിക്കുക ദുഷ്കരമാണ്. ദുരിതത്തിലായിട്ടും കോര്‍പറേഷന്‍ റോഡ് നന്നാക്കുന്നില്ലെന്നാണ് ജനങ്ങളുടെ പരാതി. ജല അതോറിയുടെ പണികള്‍ തീരാത്തതാണ് ദുരിതം നീളാന്‍ കാരണമെന്നാണ് കോര്‍പറേഷന്‍റെ വാദം.

മഴയത്ത് ടാറും മണ്ണുമെല്ലാം ഒലിച്ചുപോയതോടെ നടന്നുപോകാന്‍ പോലും പ്രയാസം. ഇരുചക്ര വാഹന യാത്രക്കാര്‍ ഏറെ ഉപയോഗിക്കുന്ന എളുപ്പവഴി കൂടിയായതിനാല്‍ ഇടക്കിടെ അപകടവും ഉണ്ടായി.