പൊലീസ് അന്വേഷിച്ച വഴികൾ

തി​രു​വ​ന​ന്ത​പു​രം: കേ​ര​ള പൊ​ലീ​സി​ന്‍റെ ച​രി​ത്ര​ത്തി​ലെ ഏ​റ്റ​വും ശ്ര​ദ്ധേ​യ​മാ​യ അ​ന്വേ​ഷ​ണ മി​ക​വി​ന് കൂ​ടി​യു​ള്ള പൊ​ൻ​തൂ​വ​ലാ​യി കോടതി വിധി. കേ​സി​ന്‍റെ ഗൗ​ര​വം മ​ന​സ്സി​ലാ​ക്കി​യ അ​ന്ന​ത്തെ യു.​ഡി.​എ​ഫ് സ​ര്‍ക്കാ​ര്‍ എ.​ഡി.​ജി.​പി വി​ന്‍സ​ന്‍റ് എം. ​പോ​ളി​ന്‍റെ നേ​തൃ​ത്വ​ത്തി​ല്‍ പ്ര​ത്യേ​ക അ​ന്വേ​ഷ​ണ​സം​ഘം കൊലപാതകത്തി​ന്റെ തൊട്ടടുത്ത നാളുകളിൽതന്നെ രൂ​പ​വ​ത്​​ക​രി​ച്ചു.

ആ​ദ്യ​ഘ​ട്ട​ത്തി​ൽ ത​ന്നെ അ​ന്വേ​ഷ​ണ​ത്തി​ന്‍റെ വി​വ​ര​ങ്ങ​ള്‍ പൊ​ലീ​സി​ല്‍നി​ന്നു​ത​ന്നെ ചോ​ര്‍ന്ന​ത് കൊ​ല​യാ​ളി​ക​ൾ​ക്ക് ര​ക്ഷ​പ്പെ​ടാ​നും ആ​യു​ധ​ങ്ങ​ൾ ഒ​ളി​പ്പി​ക്കാ​നും സ​ഹാ​യ​മാ​യി. ഇ​തോ​ടെ, രാ​ഷ്ട്രീ​യ സ്വാ​ധീ​ന​ങ്ങ​ള്‍ക്ക്​ വ​ഴ​ങ്ങാ​ത്ത ഉ​ദ്യോ​ഗ​സ്ഥ​ര്‍ ത​ന്നെ അ​ന്വേ​ഷ​ണ​സം​ഘ​ത്തി​ൽ വേ​ണ​മെ​ന്ന നി​ല​പാ​ട് വി​ന്‍സ​ന്‍റ് പോ​ൾ അ​ന്ന​ത്തെ മു​ഖ്യ​മ​ന്ത്രി ഉ​മ്മ​ൻ ചാ​ണ്ടി​യെ​യും ആ​ഭ്യ​ന്ത​ര​മ​ന്ത്രി തി​രു​വ​ഞ്ചൂ​ർ രാ​ധാ​കൃ​ഷ്ണ​നെ​യും അ​റി​യി​ച്ചു. ഹെ​ഡ്ക്വാ​ർ​ട്ടേ​ഴ്സ് എ.​ഐ.​ജി​യാ​യി​രു​ന്ന അ​നൂ​പ് കു​രു​വി​ള ജോ​ണി​ന്‍റെ മേ​ൽ​നോ​ട്ട​ത്തി​ൽ ക​ണ്ണൂ​ര്‍ ക്രൈം​ബ്രാ​ഞ്ച് ഡി​വൈ.​എ​സ്.​പി കെ.​വി. സ​ന്തോ​ഷ്, ത​ല​ശ്ശേ​രി ഡി​വൈ.​എ​സ്.​പി എ.​പി. ഷൗ​ക്ക​ത്ത​ലി, വ​ട​ക​ര ഡി​വൈ.​എ​സ്.​പി ജോ​സി ചെ​റി​യാ​ന്‍, കു​റ്റ്യാ​ടി സി.​ഐ വി.​വി. ബെ​ന്നി എ​ന്നി​വ​ര​ട​ങ്ങി​യ പ്ര​ത്യേ​ക സം​ഘ​ത്തി​ന് രൂ​പം ന​ൽ​കി​.

ക​ണ്ണൂ​ര്‍-​കോ​ഴി​ക്കോ​ട് ജി​ല്ല​യി​ലെ ല​ക്ഷ​ക്ക​ണ​ക്കി​ന്​ ഫോ​ണ്‍ കാ​ളു​ക​ള്‍ പ​രി​ശോ​ധ​ന​ക്ക്​ വി​ധേ​യ​മാ​ക്കി. തി​രു​വ​ന​ന്ത​പു​ര​ത്തെ ഹൈ​ടെ​ക് ക്രൈം ​എ​ന്‍ക്വ​യ​റി സെ​ല്ലി​ല്‍ പ്ര​ത്യേ​ക വി​ഭാ​ഗം ത​ന്നെ ഇ​തി​നാ​യി തു​റ​ന്നു. ഈ ​അ​ന്വേ​ഷ​ണ​ത്തി​ലാ​ണ് സി.​പി.​എം പാ​നൂ​ർ ഏ​രി​യ ക​മ്മി​റ്റി അം​ഗ​മാ​യി​രു​ന്ന പി.​കെ. കു​ഞ്ഞ​ന​ന്ത​ന​ട​ക്ക​മു​ള്ള ചി​ല പ്രാ​ദേ​ശി​ക സി.​പി.​എം നേ​താ​ക്ക​ള്‍ക്ക് പ്ര​തി​ക​ളു​മാ​യു​ള്ള ബ​ന്ധം മ​ന​സ്സി​ലാ​കു​ന്ന​തും കേ​സി​ലെ മു​ഖ്യ​പ്ര​തി കൊ​ടി സു​നി​യും സം​ഘ​വും ജി​ല്ല​യി​ലെ ഏ​റ്റ​വും പ്ര​ധാ​ന പാ​ര്‍ട്ടി ഗ്രാ​മ​ങ്ങ​ളി​ലൊ​ന്നാ​യ മു​ഴ​ക്കു​ന്ന് മു​ട​ക്കോ​ഴി മ​ല​യി​ലു​ണ്ടെ​ന്ന വി​വ​രം ല​ഭി​ക്കു​ന്ന​തും.

തു​ട​ർ​ന്ന്, ഉ​ന്ന​ത ഉ​ദ്യോ​ഗ​സ്ഥ​ർ മാ​ത്രം ചേ​ർ​ന്ന് അ​തി​ര​ഹ​സ്യ​മാ​യി കൊ​ല​യാ​ളി സം​ഘ​ത്തെ പി​ടി​കൂ​ടാ​നു​ള്ള വ​ല​വി​രി​ക്കു​ക​യാ​യി​രു​ന്നു. പ്ലാ​സ്റ്റി​ക് ഷീ​റ്റ്​ കൊ​ണ്ട് കെ​ട്ടി​യ കൂ​ടാ​ര​ത്തി​ലാ​ണ്​ കൊ​ടി​സു​നി​യും സം​ഘ​വും ക​ഴി​ഞ്ഞി​രു​ന്ന​ത്. കൂ​ടാ​രം വ​ള​ഞ്ഞ് പൊ​ലീ​സ് അ​ക​ത്തു​ക​ട​ക്കു​മ്പോ​ള്‍ കൊ​ടി സു​നി, ഷാ​ഫി, കി​ര്‍മാ​ണി മ​നോ​ജ് എ​ന്നി​വ​രും മൂ​ന്നു സ​ഹാ​യി​ക​ളും ഉ​റ​ക്ക​ത്തി​ലാ​യി​രു​ന്നു. കാ​ലി​ന് പ​രി​ക്കേ​റ്റ നി​ല​യി​ലാ​യി​രു​ന്നു സു​നി. പൊ​ലീ​സാ​ണെ​ന്ന് അ​റി​യി​ച്ച​പ്പോ​ഴേ​ക്കും തോ​ക്കു​ചൂ​ണ്ടി എ​തി​രി​ടാ​നാ​യി ശ്ര​മം.

ബ​ല​പ്ര​യോ​ഗ​ത്തി​ലൂ​ടെ ഒ​രു ഈ​ച്ച​പോ​ലു​മ​റി​യാ​തെ സം​ഘ​ത്തെ കീ​ഴ​ട​ക്കി പൊ​ലീ​സ് സൂ​ര്യ​നു​ദി​ക്കും മു​മ്പ് മ​ല​യി​റ​ങ്ങു​ക​യാ​യി​രു​ന്നു. പി​ന്നീ​ട്,​ ന​ട​ത്തി​യ തി​ര​ച്ചി​ലി​ല്‍ മൈ​സൂ​രു​വി​ല്‍നി​ന്ന്​ സി​ജി​ത്തും മും​ബൈ-​ഗോ​വ അ​തി​ര്‍ത്തി​യി​ല്‍നി​ന്ന്​ ടി.​കെ. ര​ജീ​ഷും ബം​ഗ​ളൂ​രു​വി​ല്‍നി​ന്ന് എം.​സി. അ​നൂ​പും പി​ടി​യി​ലാ​യി. ഇ​വ​രി​ലൂ​ടെ​യാ​യി​രു​ന്നു കു​ഞ്ഞ​ന​ന്ത​നി​ലേ​ക്ക് പൊ​ലീ​സെ​ത്തി​യ​ത്. പി​ന്നീ​ട്, ശാ​സ്ത്രീ​യ തെ​ളി​വു​ശേ​ഖ​ര​ണ​ത്തി​ലൂ​ടെ പ്ര​തി​ക​ളു​ടെ ശി​ക്ഷ ഉ​റ​പ്പാ​ക്കു​ന്ന​തി​ലും അ​ന്വേ​ഷ​ണ​സം​ഘം വി​ജ​യി​ച്ചു.