കല്ലമ്പലത്ത് ദുരൂഹ സാഹചര്യത്തിൽ​ മരിച്ച യുവതിയ​ുടെ ഭർതൃമാതാവും മരിച്ച നിലയിൽ

കല്ലമ്പലം: തിരുവനന്തപുരം കല്ലമ്പലത്ത്​ നവവധുവിനെ കുളിമുറിയിൽ കഴുത്തും കൈത്തണ്ടയും മുറിച്ച്​ മരിച്ച നിലയിൽ ക​ണ്ടതിന്‍റെ ദുരൂഹത നിലനിൽക്കുന്നതിനിടെ ഭർതൃമാതാവിനേയും മരിച്ച നിലയിൽ കണ്ടെത്തി. മുത്താന ഗുരുമുക്കിന് സമീപം​ സുനിതഭവനിൽ ശ്യാമളയാണ്​ മരിച്ചത്​.

വീടിനോട്​ ചേർന്നുള്ള കോഴി ഫാമിൽ തൂങ്ങി മരിച്ച നിലയിലായിരുന്നു ശ്യാമളയുടെ മൃതദേഹം. ശ്യാമളയുടെ മകൻ ശരത്തിന്‍റെ ഭാര്യ ആതിര ഷാജി(24)യെ ഈ മാസം 15ന്​ വെള്ളിയാഴ്​ച കുളിമുറിയിൽ മരിച്ച നിലയിൽ കണ്ടെത്തിയിരുന്നു.

വീട്ടിലെ കുളിമുറിയിൽ കൈഞരമ്പ് മുറിച്ച നിലയിലും കഴുത്ത് മുറിച്ച് രക്തം വാർന്ന നിലയിലുമായിരുന്നു ആതിരയു​ടെ മൃതദേഹം കണ്ടെത്തിയത്​. ആതിരയുടെയും ഭർത്താവ്​ ശരത്തിന്‍റെയും ക​ുടുംബങ്ങൾ മരണം കൊലപാതകമാണെന്ന ആരോപണം ഉന്നയിച്ചിരുന്നു. എന്നാൽ ആത്മഹത്യയാണെന്ന നിഗമനത്തിലാണ്​ പൊലീസ്​.