സംസ്ഥാനത്തി​െൻറ മണ്ണെണ്ണ വിഹിതം കൂട്ടണമെന്ന ആവശ്യം പരിഗണിക്കണം -ഹൈകോടതി

കൊച്ചി: സംസ്ഥാനത്തി​നുള്ള റേഷൻ മണ്ണെണ്ണ വിഹിതം വർധിപ്പിക്കണമെന്ന ആവശ്യം പരിഗണിച്ച്​ തീരുമാനമെടുക്കണമെന്ന്​ കേന്ദ്ര സർക്കാറിനോട്​ ഹൈകോടതി. ഓൾ ഇന്ത്യ റേഷൻ കാർഡ് ഹോൾഡേഴ്സ് അസോസിയേഷൻ പ്രസിഡൻറ്​ ബേബിച്ചൻ മുക്കാടൻ അടക്കം റേഷൻ ഡീലർമാർ നൽകിയ ഹരജിയിലാണ്​ കേന്ദ്ര പെട്രോളിയം മന്ത്രാലയത്തിന്​ ജസ്​റ്റിസ്​ ടി.ആർ. രവി നിർദേശം നൽകിയത്​.

റേഷൻ വിതരണത്തിനുള്ള മണ്ണെണ്ണ വിഹിതം കുറച്ചതിനാൽ ആവശ്യത്തിന്​ തികയുന്നില്ലെന്ന്​ ചൂണ്ടിക്കാട്ടിയായിരുന്നു ഹരജി. എന്നാൽ, ഇത്​ സർക്കാറി​െൻറ നയപരമായ തീരുമാന​മാണെന്ന്​ കേന്ദ്ര സർക്കാർ ചൂണ്ടിക്കാട്ടി. മെച്ചപ്പെട്ട പാചകവാതക ഉപയോഗവും വൈദ്യുതീകരണവുമുള്ള സംസ്ഥാനമെന്നത്​ പരിഗണിച്ചാണ്​ വിഹിതം കുറച്ചത്​. മായം ചേർക്കാനായി മണ്ണെണ്ണ ദുരുപയോഗിക്കാനുള്ള സാധ്യതയുണ്ടെന്നും ചൂണ്ടിക്കാട്ടി.

പാചകവാതക, വൈദ്യുതീകരണ കവറേജ് സംസ്ഥാനത്ത് നൂറുശതമാനം കവിഞ്ഞതി​െൻറ പേരിലാണ്​ മണ്ണെണ്ണ വിഹിതം കുറച്ചിരിക്കുന്നതെന്നും പാചകത്തിനും വിളക്കുതെളിക്കാനുമായി മാത്രമാണ്​ ഇപ്പോൾ റേഷൻ മണ്ണെണ്ണ ലഭിക്കുന്നതെന്നും സംസ്ഥാന സർക്കാർ ചൂണ്ടിക്കാട്ടി. മണ്ണെണ്ണയുടെ ത്രൈമാസ വിഹിതം കൂട്ടണമെന്ന്​ നിരന്തരം ആവശ്യപ്പെടുന്നുണ്ടെന്നും സംസ്ഥാന സർക്കാർ അറിയിച്ചു. കേന്ദ്രം ചൂണ്ടിക്കാട്ടിയ കാരണങ്ങളിൽ ഇടപെടുന്നില്ലെന്ന്​ വ്യക്തമാക്കിയ കോടതി തുടർന്നാണ്​ ഇക്കാര്യങ്ങൾ പരിഗണിക്കണമെന്ന്​ നിർദേശിച്ചത്. ​