തീ​ര​ദേ​ശ ജ​ന​തയുടെ ആ​വ​ശ്യ​ങ്ങ​ൾക്ക് പ​രി​ഹാരമായില്ല; കപ്പൽ സ്വീകരണത്തിൽ ത​രൂ​ർ പ​​​​ങ്കെ​ടു​ക്കി​ല്ല, എം. വി​ൻ​സെ​ന്‍റ്​ എ​ത്തും

തി​രു​വ​ന​ന്ത​പു​രം: വി​ഴി​ഞ്ഞ​​ത്തെ​ത്തി​യ ക​ണ്ടെ​യ്​​ന​ർ ക​പ്പ​ലി​നെ സ്വീ​ക​രി​ക്കു​ന്ന ച​ട​ങ്ങി​ൽ പ​​ങ്കെ​ടു​ക്കി​​ല്ലെ​ന്ന്​​ ശ​ശി ത​രൂ​ർ എം.​പി അ​റി​യി​ച്ചു. പു​ന​ര​ധി​വാ​സ​​മ​ട​ക്കം തീ​ര​ദേ​ശ ജ​ന​ത ഉ​യ​ർ​ത്തി​യ ആ​വ​ശ്യ​ങ്ങ​ൾ എ​ങ്ങു​മെ​ത്തി​യി​ട്ടി​ല്ലെ​ന്നും തു​റ​മു​ഖ നി​ർ​മാ​ണ​വു​മാ​യി ബ​ന്ധ​പ്പെ​ട്ട പ്ര​ശ്​​ന​ങ്ങ​ൾ പ​രി​ഹ​രി​ക്ക​പ്പെ​ടാ​ത്ത സാ​ഹ​ച​ര്യ​ത്തി​ൽ താ​ൻ പ​​ങ്കെ​ടു​ക്കി​ല്ലെ​ന്നും ത​രൂ​ർ വാ​ർ​ത്ത​ക്കു​റി​പ്പി​ലാ​ണ്​ വ്യ​ക്ത​മാ​ക്കി​യ​ത്.

വി​ഴി​ഞ്ഞം തു​റ​മു​ഖം ഉ​ൾ​​ക്കൊ​ള്ളു​ന്ന പ്ര​ദേ​ശ​ത്തെ ജ​ന​പ്ര​തി​നി​ധി​ക​ളാ​യ ശ​ശി ത​രൂ​ർ എം.​പി​യും എം. ​വി​ൻ​സെ​ന്‍റും പ​​​ങ്കെ​ടു​ക്കു​മെ​ന്ന്​ മ​ന്ത്രി വി.​എ​ൻ. വാ​സ​വ​ൻ ആ​വ​ർ​ത്തി​ച്ച്​ അ​റി​യി​ച്ച​തി​ന്​ പി​ന്നാ​ലെ​യാ​ണ്​ ത​രൂ​രി​ന്‍റെ അ​റി​യി​പ്പ്​. എ​ന്നാ​ൽ, ച​ട​ങ്ങി​ൽ പ​​ങ്കെ​ടു​ക്കു​മെ​ന്ന്​ എം. ​വി​ൻ​സെ​ന്‍റ്​ എം.​എ​ൽ.​എ അ​റി​യി​ച്ചു.

അ​തേ​സ​മ​യം, വി​ഴി​ഞ്ഞം തു​റ​മു​ഖ​ത്തി​ന്​ ശ​ക്ത​മാ​യ ഇ​​ട​പെ​ട​ൽ ന​ട​ത്തി​യ ഉ​മ്മ​ൻ ചാ​ണ്ടി​ക്ക്​ ആ​ദ​ര​മ​ർ​പ്പി​ച്ച്​ ജി​ല്ല കേ​ന്ദ്ര​ങ്ങ​ളി​ൽ യു.​ഡി.​എ​ഫ്​ വെ​ള്ളി​യാ​ഴ്ച​ പ്ര​ക​ട​നം ന​ട​ത്തും. വിഴിഞ്ഞം തുറമുഖത്തിന് മുന്‍ മുഖ്യമന്ത്രി ഉമ്മന്‍ചാണ്ടിയുടെ പേര് നല്‍കണമെന്ന ആവശ്യവുമായി കെ.പി.സി.സി അധ്യക്ഷൻ കെ. സുധാകരന്‍ എം.പി രംഗത്തെത്തിയിരുന്നു.

മുന്‍ മുഖ്യമന്ത്രി ഉമ്മന്‍ചാണ്ടിയുടെ നിശ്ചയദാര്‍ഢ്യം കൊണ്ടുമാത്രമാണ് വിഴിഞ്ഞം തുറമുഖ പദ്ധതി യാഥാർഥ്യമാക്കിയത്. എന്നാലത് പിണറായി സര്‍ക്കാര്‍ മനഃപൂര്‍വം തമസ്‌കരിക്കുകയാണ്. വിഴിഞ്ഞം തുറമുഖത്തിന് വേണ്ടി പ്രവര്‍ത്തിച്ച യു.ഡി.എഫ് നേതാക്കളെ ഇതുമായി ബന്ധപ്പെട്ട പരിപാടികളില്‍ നിന്ന് പിണറായി സര്‍ക്കാര്‍ പാടെ ഒഴിവാക്കി അസഹിഷ്ണുത പ്രകടിപ്പിക്കുകയാണെന്നും കെ. സുധാകരൻ ചൂണ്ടിക്കാട്ടി.