നടിയെ ആക്രമിച്ച കേസിലെ വിവരങ്ങൾ ചോരരുതെന്ന് പുതിയ ക്രൈംബ്രാഞ്ച് മേധാവിയുടെ കർശന നിർദേശം
text_fieldsകൊച്ചി: നടിയെ ആക്രമിച്ച കേസിലെ വിവരങ്ങള് ചോരരുതെന്ന കര്ശന നിര്ദേശവുമായി ക്രൈംബ്രാഞ്ച് മേധാവി. ഇന്നലെ നടന്ന വിളിച്ചു ചേര്ത്ത അടിയന്തര യോഗത്തിലാണ് ക്രൈംബ്രാഞ്ച് മേധാവി ഷേഖ് ദര്വേഷ് സാഹിബ് അന്വേഷണ സംഘത്തിന് ഈ നിര്ദേശം നല്കിയത്. ഡി.വൈ.എസ്.പി ബൈജു പൗലോസ്, അന്വേഷണ ഉദ്യോഗസ്ഥരെ വധിക്കാന് ഗൂഢാലോചന നടത്തിയത് അടക്കമുള്ള തുടരന്വേഷണത്തിന് മേല്നോട്ടം വഹിക്കുന്ന എസ്.പി മോഹനചന്ദ്രന് തുടങ്ങിയവര് യോഗത്തില് സംബന്ധിച്ചു.
കഴിഞ്ഞ ദിവസം കേസിലെ വിവരങ്ങള് ചോരുന്നതുമായി ബന്ധപ്പെട്ട് ഹൈക്കോടതി രൂക്ഷവിമര്ശനമുന്നയിച്ചിരുന്നു. കോടതിയില് വിചാരണയില് ഇരിക്കുന്ന കേസിലെ തുടരന്വേഷണവുമായി ബന്ധപ്പെട്ട വിവരങ്ങളും, ഓഡിയോ ക്ലിപ്പുകളും ചേരുന്നത് വിചാരണയെയും കേസിനെ തന്നെയും ദുര്ബലപ്പെടുത്താനിടയുണ്ടെന്നും അതിനാല് അത്തരം സാഹചര്യങ്ങള് ഒഴിവാക്കണമെന്നും ക്രൈംബ്രാഞ്ച് മേധാവി നിര്ദേശിച്ചു.
ക്രൈംബ്രാഞ്ച് ആസ്ഥാനത്ത് ഇന്നലെ വിളിച്ചു ചേര്ത്ത യോഗത്തില് കേസന്വേഷണ പുരോഗതി എഡിജിപി വിലയിരുത്തി. കേസിലെ തുടരന്വേഷണവുമായി ബന്ധപ്പെട്ട വിവരങ്ങളും ഓഡിയോ ക്ലിപ്പുകളും ചേരുന്നത് വിചാരണയെയും കേസിനെ തന്നെയും ദുര്ബലപ്പെടുത്താനിടയുണ്ട്. അതിനാല് അത്തരം സാഹചര്യങ്ങള് ഒഴിവാക്കണമെന്ന് ക്രൈംബ്രാഞ്ച് മേധാവി നിര്ദേശിച്ചു.
കേസന്വേഷണത്തിന് മേല്നോട്ടം വഹിച്ചിരുന്ന എ.ഡി.ജി.പി എസ് ശ്രീജിത്തിനെ ഏതാനും ദിവസം മുമ്പാണ് ക്രൈംബ്രാഞ്ചിന്റെ ചുമതലയില് നിന്നും മാറ്റി ഗതാഗത കമ്മീഷണറായി നിയമിച്ചത്. പകരം ജയില് മേധാവിയായിരുന്ന ഷേഖ് ദര്വേഷ് സാഹിബിനെ ക്രൈംബ്രാഞ്ച് മേധാവിയായി നിയമിക്കുകയായിരുന്നു.
![Girl in a jacket](https://www.madhyamam.com/h-library/newslettericon.png)
Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.