ഉത്തരവിറങ്ങിയത് മന്ത്രിയറിയാതെ; രണ്ടുഘട്ട റേഷൻ വിതരണം റദ്ദാക്കി

തി​രു​വ​ന​ന്ത​പു​രം: സം​സ്ഥാ​ന​ത്ത് റേ​ഷ​ൻ വി​ത​ര​ണം ര​ണ്ടു​ഘ​ട്ട​മാ​ക്കാ​നു​ള്ള തീ​രു​മാ​നം ഭ​ക്ഷ്യ​വ​കു​പ്പ് റ​ദ്ദാ​ക്കി. ഭ​ക്ഷ്യ​മ​ന്ത്രി ജി.​ആ​ർ. അ​നി​ൽ അ​റി​യാ​തെ ഉ​ത്ത​ര​വി​റ​ക്കി​യ സാ​ഹ​ച​ര്യ​ത്തി​ലാ​ണ് ന​ട​പ​ടി. ആ​റു മാ​സം മു​മ്പ്​ ഇ​ല​ക്ട്രോ​ണി​ക് പോ​യ​ന്‍റ് ഓ​ഫ് സെ​യി​ൽ (ഇ-​പോ​സ്) സം​വി​ധാ​ന​ത്തി​ലെ സാ​ങ്കേ​തി​ക​പ്ര​ശ്ന​ങ്ങ​ളെ തു​ട​ർ​ന്ന് മ​ഞ്ഞ, പി​ങ്ക് റേ​ഷ​ൻ കാ​ർ​ഡു​ക​ൾ​ക്ക് മാ​സ​ത്തെ ആ​ദ്യ 15 ദി​വ​സ​വും മു​ൻ​ഗ​ണ​ന ഇ​ത​ര വി​ഭാ​ഗ​ത്തി​ലെ നീ​ല, വെ​ള്ള, ബ്രൗ​ൺ കാ​ർ​ഡു​ക​ൾ​ക്ക് 16 മു​ത​ൽ മാ​സാ​വ​സാ​നം വ​രെ​യും ര​ണ്ടു​ഘ​ട്ട​മാ​യി റേ​ഷ​ൻ വി​ത​ര​ണം ന​ട​ത്താ​ൻ സ​ർ​ക്കാ​ർ ആ​ലോ​ചി​ച്ചി​രു​ന്നു. എ​ന്നാ​ൽ, പി​ന്നീ​ട് കാ​ര്യ​മാ​യ സാ​ങ്കേ​തി​ക പ്ര​ശ്ന​ങ്ങ​ൾ റി​പ്പോ​ർ​ട്ട് ചെ​യ്യാ​ത്ത​തി​നെ തു​ട​ർ​ന്ന് ത​ൽ​ക്കാ​ലം ര​ണ്ടു​ഘ​ട്ട​വി​ത​ര​ണം ന​ട​പ്പാ​ക്കേ​ണ്ടെ​ന്നാ​യി​രു​ന്നു മ​ന്ത്രി​യു​ടെ തീ​രു​മാ​നം, പ്ര​ത്യേ​കി​ച്ച് നി​യ​മ​സ​ഭ​ക്ക​ക​ത്തും പു​റ​ത്തും പ്ര​തി​പ​ക്ഷം ഇ-​പോ​സി​ന്‍റെ സാ​ങ്കേ​തി​ക പ്ര​ശ്നം ആ​യു​ധ​മാ​ക്കു​ന്ന ഘ​ട്ട​ത്തി​ൽ.

എ​ന്നാ​ൽ, ര​ണ്ടു​ഘ​ട്ട​മാ​യി വി​ത​ര​ണം ന​ട​ത്ത​ണ​മെ​ന്ന്​ ആ​വ​ശ്യ​പ്പെ​ട്ട് പൊ​തു​വി​ത​ര​ണ ഉ​പ​ഭോ​ക്തൃ​കാ​ര്യ ക​മീ​ഷ​ണ​ർ ഡോ.​ഡി. സ​ജി​ത് ബാ​ബു ഈ ​മാ​സം ഒ​മ്പ​തി​ന് മ​ന്ത്രി​യു​മാ​യി ആ​ലോ​ചി​ക്കാ​തെ ഭ​ക്ഷ്യ​സെ​ക്ര​ട്ട​റി​ക്ക് നേ​രി​ട്ട് ക​ത്തു​ന​ൽ​കു​ക​യാ​യി​രു​ന്നു. ഇ​തി​ന്‍റെ അ​ടി​സ്ഥാ​ന​ത്തി​ലാ​ണ് 20നു​ ​വ​കു​പ്പു മ​ന്ത്രി​യോ​ട് ചോ​ദി​ക്കാ​തെ ഭ​ക്ഷ്യ​വ​കു​പ്പ് അ​ണ്ട​ർ സെ​ക്ര​ട്ട​റി എ​സ്.​എ. നി​സാം ഉ​ത്ത​ര​വി​റ​ക്കി​യ​ത്.

ഉ​ത്ത​ര​വ് മാ​ധ്യ​മ​ങ്ങ​ളി​ൽ വാ​ർ​ത്ത​യാ​യ​പ്പോ​ഴാ​ണ് മ​ന്ത്രി ജി.​ആ​ർ. അ​നി​ൽ വി​വ​രം അ​റി​ഞ്ഞ​ത്. ത​ങ്ങ​ളു​മാ​യി കൂ​ടി​യാ​ലോ​ചി​ക്കാ​തെ ഇ​റ​ക്കി​യ ഉ​ത്ത​ര​വി​നെ​തി​രെ​യു​ള്ള പ്ര​തി​ഷേ​ധം റേ​ഷ​ൻ സം​ഘ​ട​നാ നേ​താ​ക്ക​ളും മ​ന്ത്രി​യെ അ​റി​യി​ച്ചു. ഇ​തോ​ടെ ക്ഷു​ഭി​ത​നാ​യ മ​ന്ത്രി, വ​കു​പ്പു സെ​ക്ര​ട്ട​റി​യെ വി​ളി​ച്ച് ഉ​ത്ത​ര​വ് റ​ദ്ദാ​ക്കാ​ൻ നി​ർ​ദേ​ശി​ക്കു​ക​യാ​യി​രു​ന്നു. നി​ല​വി​ൽ റേ​ഷ​ൻ വി​ത​ര​ണം സു​ഗ​മ​മാ​യി ന​ട​ക്കു​ന്ന​തി​നാ​ൽ വി​ത​ര​ണ​ത്തി​ൽ ക്ര​മീ​ക​ര​ണം വ​രു​ത്തേ​ണ്ട യാ​തൊ​രു ആ​വ​ശ്യ​മി​ല്ലെ​ന്നും മ​ന്ത്രി അ​റി​യി​ച്ചു. താ​ന​റി​യാ​തെ ഇ​ത്ത​ര​മൊ​രു ഉ​ത്ത​ര​വ് ഇ​റ​ങ്ങി​യ​തി​ൽ സെ​ക്ര​ട്ട​റി​യോ​ട് വി​ശ​ദീ​ക​ര​ണ​വും മ​ന്ത്രി ആ​വ​ശ്യ​പ്പെ​ട്ടി​ട്ടു​ണ്ട്.

മ​ന്ത്രി​യെ നോ​ക്കു​കു​ത്തി​യാ​ക്കി ഉ​ദ്യോ​ഗ​സ്ഥ ഭ​ര​ണ​മാ​ണ് വ​കു​പ്പി​ൽ ന​ട​ക്കു​ന്ന​തെ​ന്ന ആ​ക്ഷേ​പം പ​ല​ഘ​ട്ട​ങ്ങ​ളി​ലും വ്യാ​പാ​രി സം​ഘ​ട​ന​ക​ൾ ഉ​യ​ർ​ത്തി​യി​രു​ന്നു. വ്യാ​പാ​രി​ക​ളു​മാ​യി കൂ​ടി​യാ​ലോ​ച്ചി​ക്കാ​തെ റേ​ഷ​ൻ മേ​ഖ​ല​യി​ൽ ന​ട​ത്തു​ന്ന ഭ​ര​ണ പ​രി​ഷ്കാ​ര​ങ്ങ​ൾ​ക്കെ​തി​രെ പ​ല​ത​വ​ണ സം​ഘ​ട​നാ നേ​താ​ക്ക​ൾ​ത​ന്നെ മ​ന്ത്രി​യെ നേ​രി​ൽ ക​ണ്ട് അ​തൃ​പ്തി അ​റി​യി​ച്ചി​രു​ന്നു. പൊ​തു​വി​ത​ര​ണ ഉ​പ​ഭോ​ക്തൃ​കാ​ര്യ ക​മീ​ഷ​ണ​റു​ടെ തീ​രു​മാ​ന​ങ്ങ​ളി​ൽ പ്ര​തി​ഷേ​ധം ശ​ക്ത​മാ​കു​മ്പോ​ൾ, ഒ​ടു​വി​ൽ മ​ന്ത്രി നേ​രി​ട്ട് റേ​ഷ​ന്‍ സം​ഘ​ട​നാ പ്ര​തി​നി​ധി​ക​ളു​മാ​യി ച​ർ​ച്ച ന​ട​ത്തി സ​മ​ര​വും പ്ര​തി​ഷേ​ധ​ങ്ങ​ളും ഒ​ത്തു​തീ​ർ​ക്കു​ക​യാ​ണ് പ​തി​വ്.