മെഡിക്കൽ കോളജിൽ ചികിത്സയിലിരുന്ന രോഗി കട്ടിലിൽനിന്ന്​ വീണ് മരിച്ചു

കളമശ്ശേരി: ഗവ. മെഡിക്കൽ കോളജിൽ ചികിത്സയിലിരുന്ന രോഗി കട്ടിലിൽനിന്ന്​ വീണ് മരിച്ചു. വല്ലാർപാടം പനമ്പുകാട് കുന്നത്ത് വീട്ടിൽ ഗിൽബർട്ടാണ്​ (67) മരിച്ചത്. ശനിയാഴ്ച രാത്രി 12നാണ് സംഭവം. കാലിൽ പഴുപ്പുമായി തിങ്കളാഴ്ച മെഡിക്കൽ കോളജിൽ എത്തിയ രോഗിയെ ശസ്​ത്രക്രിയക്കുശേഷം ശനിയാഴ്ച വാർഡിൽ കിടത്തിയിരിക്കുകയായിരുന്നു. ഇതിനിടെയാണ്​ വീണത്​.

മൃതദേഹം പോസ്റ്റ്​മോർട്ടത്തിനുശേഷം ബന്ധുക്കൾ ഏറ്റുവാങ്ങി സംസ്കരിച്ചു. ഭാര്യ: സോഫി. മക്കൾ: ഡിയോൺ, മരിയ. അസ്വാഭാവിക മരണത്തിന് കേസെടുത്തതായി പൊലീസ് പറഞ്ഞു.