മൂന്നാം ക്ലാസ്​ വിദ്യാർഥിനിയെ പീഡിപ്പിച്ചയാൾക്ക്​ ജീവപര്യന്തം കഠിനതടവ്

പത്തനംതിട്ട: മൂന്നാം ക്ലാസ് വിദ്യാർഥിനി​യെ പീഡിപ്പിച്ച കേസിൽ 58കാരന്​ ജീവപര്യന്തം കഠിനതടവും 2.20 ലക്ഷം രൂപ പിഴയും ശിക്ഷ. പ്രതി ശിഷ്ടകാലം മുഴുവൻ തടവ്​ അനുഭവിക്കണമെന്ന് കോടതി​ വിധിയിൽ വ്യക്തമാക്കി.

കെട്ടിട നിർമാണ തൊഴിലാളിയായ വള്ളിക്കോട് മമ്മൂട് കുടമുക്ക് തുണ്ടിൽ വടക്കേതിൽ ശശി കുമാറിനെയാണ്​ (58) പത്തനംതിട്ട പോക്സോ അതിവേഗ കോടതി ജഡ്ജി ഡോണി തോമസ് വർഗീസ്​ ശിക്ഷിച്ചത്​.

2023ലാണ് കേസിനാസ്പദമായ സംഭവം. കുട്ടിയെ അവരുടെ വീട്ടിൽ കയറി പീഡിപ്പിക്കുകയായിരുന്നു. ആ സമയം കുട്ടിയുടെ അമ്മൂമ്മ മാത്രമാണ്​ അവിടെ ഉണ്ടായിരുന്നത്​.