ഹർഷിനയുടെ വയറ്റിൽ കത്രിക കുടുങ്ങിയത് മെഡിക്കൽ കോളജിലെ ശസ്ത്രക്രിയക്കിടെയെന്ന് പൊലീസ് കണ്ടെത്തൽ

കോഴിക്കോട്: കോഴിക്കോട് മെഡിക്കൽ കോളജിൽ നടന്ന ശസ്ത്രക്രിയക്കിടെയാണ് ഹർഷിനയുടെ വയറ്റിൽ കത്രിക കുടുങ്ങിയതെന്ന് പൊലീസ്. മെഡിക്കൽ കോളജിൽ നടന്ന മൂന്നാമത്തെ പ്രസവ ശസ്ത്രക്രിയക്കിടെയാണ് സംഭവമെന്ന് കോഴിക്കോട് എസ്.പിയുടെ അന്വേഷണത്തിൽ കണ്ടെത്തി.

സംഭവത്തിൽ രണ്ട് ഡോക്ടർമാരും രണ്ട് നഴ്സുമാരും കുറ്റക്കാരാണെന്ന് അന്വേഷണ റിപ്പോർട്ടിൽ പൊലീസ് പറയുന്നു. പൊലീസിന്‍റെ റിപ്പോർട്ട് ജില്ലാ മെഡിക്കൽ ഓഫിസർക്ക് കൈമാറി. തുടർ നടപടിക്ക് മെഡിക്കൽ ബോർഡ് രൂപീകരിക്കാനും നിർദേശമുണ്ട്. ആഗസ്റ്റ് ഒന്നിന് ചേരുന്ന മെഡിക്കൽ ബോർഡ് പൊലീസ് അന്വേഷണ റിപ്പോർട്ട് വിലയിരുത്തും.

അതേസമയം, എത്ര മൂടിവെച്ചാലും സത്യം പുറത്തു വരുമെന്നും നീതി ലഭിക്കും വരെ പോരാട്ടം തുടരുമെന്നും ഹർഷിന പറഞ്ഞു. വയറ്റിനുള്ളിൽ കത്രിക കുടുങ്ങിയത് കോഴിക്കോട് മെഡിക്കൽ കോളജിൽ വെച്ചാണെന്നാണ് റിപ്പോർട്ട്. താൻ പറഞ്ഞത് സത്യമെന്ന് തെളിഞ്ഞു. ഇനി ആർക്കും ഈ ഗതി വരരുതെന്നും ഹർഷിന പറഞ്ഞു.

കത്രിക വയറ്റിനുള്ളിൽ വന്നതിന് തെളിവില്ലെന്നാണ് ആരോഗ്യ മന്ത്രി വരെ പറഞ്ഞത്. ഇക്കാര്യത്തിൽ യാഥാർഥ്യം പുറത്തുവരികയാണ്. കൃത്യവിലോപത്തിന് ബന്ധപ്പെട്ടവർ നടപടി സ്വീകരിക്കട്ടെ എന്നും ഹർഷിന മാധ്യമങ്ങളോട് പറഞ്ഞു. സംഭവത്തിൽ നീതി തേടിയും കുറ്റക്കാർക്കെതിരെ നടപടിയും ആവശ്യപ്പെട്ട് കഴിഞ്ഞ 63 ദിവസമായി ഹർഷിന സമരത്തിലാണ്.

2017 നവംബർ 30ന് കോ​ഴി​ക്കോ​ട് മെ​ഡിക്കൽ കോ​ള​ജി​ലെ ഐ.​എം.​സി.​എ​ച്ചി​ലാണ് അ​ടി​വാ​രം സ്വ​ദേ​ശി​നി ഹ​ർ​ഷി​ന പ്രസവ ശസ്ത്രക്രിയക്ക് വി​ധേ​യ​യാ​യ​ത്. അ​തി​നു​ ശേ​ഷം അഞ്ച് വർഷത്തോളം പ​ല​ത​രം ശാ​രീ​രി​കാ​സ്വ​സ്ഥ​ത​ക​ൾ അ​നു​ഭ​വി​ച്ചു. മൂ​ത്രാ​ശ​യ​ സം​ബ​ന്ധ​മാ​യ ക​ടു​ത്ത പ്ര​യാ​സ​ങ്ങ​ൾ വ​ന്ന​​പ്പോ​ൾ കോ​ഴി​ക്കോ​ട് ഇ​ഖ്റ ആ​ശു​പ​ത്രി​യി​ൽ ന​ട​ത്തി​യ പ​രി​ശോ​ധ​ന​യി​ലാ​ണ് ശ​സ്ത്ര​ക്രി​യ ഉ​പ​ക​ര​ണ​മാ​യ ഫോ​ർ​സെ​പ്സ് മൂ​ത്ര​സ​ഞ്ചി​യി​ൽ ആ​ഴ്ന്നു​ കി​ട​ക്കു​ന്ന​താ​യി ക​​ണ്ടെ​ത്തി​യ​ത്. തു​ട​ർ​ന്ന് മെ​ഡിക്കൽ കോ​ള​ജി​ൽ ​നി​ന്നു ​ത​ന്നെ​ ശ​സ്ത്ര​ക്രി​യ​യി​ലൂ​ടെ കത്രിക പു​റ​ത്തെ​ടു​ത്തു.

ആരോഗ്യ വകുപ്പിന്റെ കീഴില്‍ നടത്തിയ രണ്ട് അന്വേഷണങ്ങളിലും ശസ്ത്രക്രിയ ഉപകരണം ഏത് അവസരത്തിലാണ് വയറ്റില്‍ കുടുങ്ങിയതെന്ന് കണ്ടെത്താന്‍ കഴിയാത്ത സാഹചര്യത്തിലാണ് ആഭ്യന്തര വകുപ്പ് അന്വേഷണം നടത്താൻ തീരുമാനിച്ചത്. നേരത്തെ, കോഴിക്കോട് മെഡിക്കല്‍ കോളജിന് മുന്നില്‍ സമരം നടത്തിയപ്പോൾ, ആരോഗ്യ മന്ത്രി വീണ ജോര്‍ജാണ് രണ്ടാഴ്ചക്കകം നഷ്ടപരിഹാരം നൽകുമെന്ന് ഉറപ്പ് നല്‍കിയിരുന്നു. കുറ്റക്കാരായവരെ നിയമത്തിന് മുന്നില്‍ കൊണ്ടു വരുമെന്നും മന്ത്രി വാഗ്ദാനം ചെയ്തിരുന്നു. എന്നാല്‍, മന്ത്രി നല്‍കിയ ഉറപ്പ് പാഴായതോടെയാണ് ഹർഷിന വീണ്ടും സമരം ആരംഭിച്ചത്.

നിർണായകമായത് കൊല്ലത്തെ ആശുപത്രിയിൽ നടത്തിയ എം.ആർ.ഐ പരിശോധന

കോ​ഴി​ക്കോ​ട്: ഹ​ർ​ഷി​ന​യു​ടെ വ​യ​റ്റി​ൽ കു​ടു​ങ്ങി​യ ആ​ർ​ട്ട​റി ഫോ​ർ​സെ​പ്‌​സ് കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ​നി​ന്നാ​ണെ​ന്ന് ക​ണ്ടെ​ത്തു​ന്ന​തി​ൽ അ​ന്വേ​ഷ​ണ​സം​ഘ​ത്തി​ന് നി​ർ​ണാ​യ​ക​മാ​യ​ത് കൊ​ല്ല​ത്ത് സ്വ​കാ​ര്യ ആ​ശു​പ​ത്രി​യി​ൽ ന​ട​ത്തി​യ എം.​ആ​ർ.​ഐ പരിശോധന റി​പ്പോ​ർ​ട്ട്. ഭ​ർ​ത്താ​വു​മൊ​ത്ത് കൊ​ല്ല​ത്ത് താ​മ​സി​ച്ച ഹ​ർ​ഷി​ന 2017 ആ​ദ്യ​ത്തി​ലാ​ണ് എം.​ആ​ർ.​ഐ പ​രി​ശോ​ധ​ന​ക്ക് വി​ധേ​യ​യാ​യ​ത്. അ​തി​ൽ ശ​രീ​ര​ത്തി​ന​ക​ത്ത് ഇ​ത്ത​രം ഉ​പ​ക​ര​ണം ഉ​ള്ള​താ​യി ക​ണ്ടെ​ത്തി​യി​രു​ന്നി​ല്ല. ഇ​തി​ന് ശേ​ഷ​മാ​ണ് ഹ​ർ​ഷി​ന മൂ​ന്നാ​മ​ത് ഗ​ർ​ഭി​ണി​യാ​യ​തും കോ​ഴി​ക്കോ​ട് മെ​ഡി​ക്ക​ൽ കോ​ള​ജ് ആ​ശു​പ​ത്രി​യി​ൽ പ്ര​സ​വ ശ​സ്ത്ര​ക്രി​യ​ക്ക് വി​ധേ​യ​യാ​യ​തും. ഇ​തി​ന് മു​മ്പ് 2012ലും 2016 ​മാ​ർ​ച്ചി​ലു​മാ​യി​രു​ന്നു ഹ​ർ​ഷി​ന താ​മ​ര​ശ്ശേ​രി ഗ​വ. ആ​ശു​പ​ത്രി​യി​ൽ പ്ര​സ​വ ശ​സ്ത്ര​ക്രി​യ​ക്ക് വി​ധേ​യ​യാ​യ​ത്. കൊ​ല്ല​ത്ത് ന​ട​ത്തി​യ എം.​ആ​ർ.​ഐ റി​പ്പോ​ർ​ട്ടി​ൽ ആ​ർ​ട്ട​റി ഫോ​ർ​സെ​പ്‌​സ് ക​ണ്ടെ​ത്താ​തി​രു​ന്ന​തി​നാ​ൽ അ​തി​നു​ശേ​ഷം ന​ട​ത്തി​യ ശ​സ്ത്ര​ക്രി​യ​യി​ലാ​ണ് ഇ​ത് വ​യ​റ്റി​ൽ കു​ടു​ങ്ങി​യ​തെ​ന്ന നി​ഗ​മ​ന​ത്തി​ൽ അ​ന്വേ​ഷ​ണ​സം​ഘം എ​ത്തി​യ​ത്. പി​ന്നീ​ട് ന​ട​ന്ന ശാ​സ്ത്രീ​യ​പ​രി​ശോ​ധ​ന​യി​ലും ആ​ർ​ട്ട​റി ഫോ​ർ​സെ​പ്‌​സ് മെ​ഡി​ക്ക​ൽ കോ​ള​ജ് ആ​ശു​പ​ത്രി​യു​ടേ​താ​ണെ​ന്ന് വ്യ​ക്ത​മാ​യി.