സർക്കാർ-ഗവർണർ പോരിന്​ തുടക്കമിട്ട രാഷ്ട്രീയ വിവാദം

തി​രു​വ​ന​ന്ത​പു​രം: ക​ണ്ണൂ​ർ സ​ർ​വ​ക​ലാ​ശാ​ല വൈ​സ്​​ചാ​ൻ​സ​ല​ർ ഡോ. ​ഗോ​പി​നാ​ഥ്​ ര​വീ​ന്ദ്ര​ന്‍റെ പു​ന​ർ​നി​യ​മ​നം സം​സ്ഥാ​ന രാ​ഷ്ട്രീ​യ​ത്തി​ൽ തു​ട​ക്ക​മി​ട്ട​ത്​ സ​ർ​ക്കാ​ർ -ഗ​വ​ർ​ണ​ർ പ​ര​സ്യ ഏ​റ്റു​മു​ട്ട​ലി​നാ​യി​രു​ന്നു. രാ​ഷ്ട്ര​പ​തി​യാ​യി​രു​ന്ന രാം​നാ​ഥ്​ കോ​വി​ന്ദി​ന്​ ഡി.​ലി​റ്റ്​ ന​ൽ​കാ​നു​ള്ള ഗ​വ​ർ​ണ​ർ ആ​രി​ഫ്​ മു​ഹ​മ്മ​ദ്​ ഖാ​ന്‍റെ നി​ർ​ദേ​ശം സ​ർ​ക്കാ​ർ ഇ​ട​പെ​ട​ലി​നെ തു​ട​ർ​ന്ന്​ ​​കേ​ര​ള സ​ർ​വ​ക​ലാ​ശാ​ല ത​ള്ളി​യി​രു​ന്നു. ഇ​തി​നി​ടെ​യാ​ണ്​ 2021 ഡി​സം​ബ​റി​ൽ ക​ണ്ണൂ​ർ വി.​സി​ക്ക്​ പു​ന​ർ​നി​യ​മ​നം ന​ൽ​ക​ണ​മെ​ന്ന ആ​വ​ശ്യ​വു​മാ​യി മു​ഖ്യ​മ​ന്ത്രി പി​ണ​റാ​യി വി​ജ​യ​ൻ നേ​രി​ട്ട്​ ഗ​വ​ർ​ണ​റെ കാ​ണു​ന്ന​ത്.

പു​തി​യ വി.​സി​യെ നി​യ​മി​ക്കാ​ൻ വി​ജ്ഞാ​പ​ന​മി​റ​ക്കി ന​ട​പ​ടി പു​രോ​ഗ​മി​ക്കു​ന്ന​തി​നി​ടെ​യാ​യി​രു​ന്നു ഇ​ത്. സ​ർ​ക്കാ​ർ എ.​ജി​യു​ടെ നി​​യ​മോ​പ​ദേ​ശം ഹാ​ജ​രാ​ക്കി​യ​തി​ന്‍റെ ബ​ല​ത്തി​ൽ ഗോ​പി​നാ​ഥ്​ ര​വീ​ന്ദ്ര​ന്​ പു​ന​ർ​നി​യ​മ​നം ന​ൽ​കി​യ ഗ​വ​ർ​ണ​ർ തൊ​ട്ട​ടു​ത്ത ദി​വ​സം​ത​ന്നെ മു​ഖ്യ​മ​ന്ത്രി​ക്ക്​ ക​ത്തെ​ഴു​തി. വി.​സി നി​യ​മ​ന​ത്തി​ൽ ചെ​യ്യേ​ണ്ടി വ​ന്ന നി​യ​മ​വി​രു​ദ്ധ​ത​യും ച​ട്ട​ലം​ഘ​ന​വും ക​ത്തി​ൽ തു​റ​ന്നു​പ​റ​ഞ്ഞ ചാ​ൻ​സ​ല​ർ പ​ദ​വി മു​ഖ്യ​മ​ന്ത്രി​യോ​ട്​ ഏ​റ്റെ​ടു​ക്കാ​നും ആ​വ​ശ്യ​പ്പെ​ട്ടു. ക​ത്ത്​ രാ​ജ്​​ഭ​വ​ൻ കേ​ന്ദ്ര​ങ്ങ​ൾ​ത​ന്നെ പു​റ​ത്തു​വി​ട്ട​തോ​ടെ സ​ർ​ക്കാ​ർ പ്ര​തി​രോ​ധ​ത്തി​ലാ​യി.

പ്ര​തി​രോ​ധം തീ​ർ​ക്കാ​ൻ മു​ഖ്യ​മ​ന്ത്രി​യും ഉ​ന്ന​ത വി​ദ്യാ​ഭ്യാ​സ മ​ന്ത്രി ഡോ. ​ബി​ന്ദു​വും ഉ​ൾ​പ്പെ​ടെ രം​ഗ​ത്തു​വ​ന്നു. ഇ​തോ​ടെ വി.​സി നി​യ​മ​ന​ത്തി​നു​ള്ള സെ​ർ​ച്​ ക​മ്മി​റ്റി പി​രി​ച്ചു​വി​ടാ​നും ഗോ​പി​നാ​ഥ്​ ര​വീ​ന്ദ്ര​ന്​ പു​ന​ർ​നി​യ​മ​നം ന​ൽ​കാ​നും ആ​വ​ശ്യ​പ്പെ​ടു​ന്ന മ​ന്ത്രി ബി​ന്ദു​വി​ന്‍റെ ക​ത്തും പു​റ​ത്തു​വ​ന്നു. പി​ന്നാ​ലെ ക​ണ്ണൂ​ർ സ​ർ​വ​ക​ലാ​ശാ​ല മ​ല​യാ​ളം വി​ഭാ​ഗ​ത്തി​ൽ മു​ഖ്യ​മ​ന്ത്രി​യു​ടെ പ്രൈ​വ​റ്റ്​ സെ​ക്ര​ട്ട​റി കെ.​കെ. രാ​ഗേ​ഷി​ന്‍റെ ഭാ​ര്യ പ്രി​യ വ​ർ​ഗീ​സി​ന്​ അ​സോ.​ പ്ര​ഫ​സ​റാ​യി നി​യ​മ​നം ന​ൽ​കാ​നു​ള്ള നീ​ക്കം ഗ​വ​ർ​ണ​ർ സ്​​റ്റേ ചെ​യ്​​തു. ഇ​തും സ​ർ​ക്കാ​റും ഗ​വ​ർ​ണ​റും ത​മ്മി​ലു​ള്ള പോ​ര്​ ക​ന​ക്ക​ാൻ ഇ​ട​യാ​ക്കി.

സുപ്രീംകോടതി പരിഗണിച്ച നാല് വിഷയങ്ങൾ

ന്യൂഡൽഹി: കേരള സർക്കാറിന് കനത്ത തിരിച്ചടിയായ വിധിയിൽ, നാ​ല് വി​ഷ​യ​ങ്ങ​ളാ​ണ് കേ​സി​ൽ പ​രി​ഗ​ണി​ച്ച​തെ​ന്ന് ജ​സ്റ്റി​സ് പ​ർ​ദി​വാ​ല എ​ഴു​തി​യ വി​ധി​ന്യാ​യ​ത്തി​ൽ വ്യ​ക്ത​മാ​ക്കുന്നു.

ഒ​ന്ന്) ക​ണ്ണൂ​ർ സ​ർ​വ​ക​ലാ​ശാ​ല വൈ​സ് ചാ​ൻ​സ​ല​ർ പ​ദ​വി​യി​ൽ പു​ന​ർ നി​യ​മ​നം പ​റ്റു​മോ?
ര​ണ്ട്) വി.​സി​യു​ടെ പ​ര​മാ​വ​ധി പ്രാ​യം 60 വ​യ​സ്സാ​യി​രി​ക്ക​ണ​മെ​ന്ന് 1996ലെ ​ക​ണ്ണൂ​ർ സ​ർ​വ​ക​ലാ​ശാ​ല നി​യ​മ​ത്തി​ലെ 10(9) വ​കു​പ്പ് നി​ഷ്‍ക​ർ​ഷി​ച്ച​ത് പു​ന​ർ നി​യ​മ​ന​ത്തി​ൽ ബാ​ധ​ക​മാ​കു​മോ?
മൂ​ന്ന്) ഒ​രു വൈ​സ് ചാ​ൻ​സ​ല​റു​ടെ പു​ന​ർ നി​യ​മ​നം പു​തി​യൊ​രു വി.​സി​യെ നി​യ​മി​ക്കും​പോ​ലെ അ​തേ നി​യ​മ​ത്തി​ലെ 10(1) വ​കു​പ്പ് പ​റ​യും പ്ര​കാ​രം സെ​ല​ക്ഷ​ൻ ക​മ്മി​റ്റി ഉ​ണ്ടാ​ക്കി​യി​ട്ട് വേ​ണോ​?
നാ​ല്) വൈ​സ് ചാ​ൻ​സ​ല​ർ നി​യ​മ​ന​ത്തി​ൽ ത​നി​ക്കു​ള്ള ഭ​ര​ണ​ഘ​ട​നാ​പ​ര​മാ​യ അ​ധി​കാ​രം ചാ​ൻ​സ​ല​റാ​യ ഗ​വ​ർ​ണ​ർ അ​ടി​യ​റ​വ് വെ​ച്ചോ?
കോ​ട​തി ന​ൽ​കി​യ ഉ​ത്ത​ര​ങ്ങ​ൾ
ഒ​ന്ന്) ക​ണ്ണൂ​ർ സ​ർ​വ​ക​ലാ​ശാ​ല വൈ​സ് ചാ​ൻ​സ​ല​ർ ത​സ്തി​ക​യി​ൽ പു​ന​ർ നി​യ​മ​നം സാ​ധ്യ​മാ​ണ്.
ര​ണ്ട്) 1996ലെ ​ക​ണ്ണൂ​ർ സ​ർ​വ​ക​ലാ​ശാ​ല നി​യ​മ​ത്തി​ലെ 10(9) വ​കു​പ്പ് നി​ഷ്‍ക​ർ​ഷി​ച്ച 60 വ​യ​സ്സി​ന്റെ ഉ​യ​ർ​ന്ന പ്രാ​യ​പ​രി​ധി അ​തേ നി​യ​മ​ത്തി​ന്റെ 10(10) വ​കു​പ്പ് പ്ര​കാ​ര​മു​ള്ള പു​ന​ർ നി​യ​മ​ന​ത്തി​ന് ബാ​ധ​ക​മ​ല്ല
മൂ​ന്ന്) സ​ർ​വ​ക​ലാ​ശാ​ല നി​യ​മം 10(1) വ​കു​പ്പ് പ്ര​കാ​രം പു​തി​യൊ​രു വി.​സി​യെ നി​യ​മി​ക്കാ​നു​ള്ള ന​ട​പ​ടി​ക്ര​മം വി.സി പു​ന​ർ നി​യ​മനത്തിലും പാ​ലി​ക്ക​ണം.
നാ​ല്) ചാ​ൻ​സ​ല​റെ​ന്ന നി​ല​ക്ക് സ്വ​ന്തം നി​ല​ക്ക് തീ​ർ​പ്പു​ക​ൽ​പി​ക്കാ​തെ ഗ​വ​ർ​ണ​ർ സ​ർ​ക്കാ​റി​ന്റെ ഇം​ഗി​ത​ത്തി​ന് മാ​ത്രം വ​ഴ​ങ്ങി ഗോ​പി​നാ​ഥ് ര​വീ​ന്ദ്ര​നെ വൈ​സ് ചാ​ൻ​സ​ല​റാ​യി പു​ന​ർ നി​യ​മി​ച്ചു.