ദിലീപിന്‍റെ വീട്ടിലെ റെയ്ഡ് തന്‍റെ മൊഴിയെ തുടർന്ന്, ദൃശ്യങ്ങൾ മാറ്റിയേക്കാമെന്ന് ബാലചന്ദ്രകുമാർ

കൊച്ചി: നടി ആക്രമിക്കപ്പെട്ടതിന്‍റെ ദൃശ്യങ്ങൾ ദിലീപ് മറ്റെവിടേക്കെങ്കിലും മാറ്റിയോ എന്ന് അറിയില്ലെന്ന് സംവിധായകൻ ബാലചന്ദ്രകുമാർ. ദൃശ്യങ്ങൾ അടങ്ങിയ മെമ്മറി കാർഡ് കണ്ടെടുക്കേണ്ടത് അനിവാര്യമാണ്. തന്‍റെ മൊഴി മുഖവിലക്കെടുത്തത് കൊണ്ടാണ് ദിലീപിന്‍റെ വീട്ടിൽ ക്രൈംബ്രാഞ്ച് പരിശോധന നടത്തുന്നതെന്നും ബാലചന്ദ്രകുമാർ മാധ്യമങ്ങളോട് പറഞ്ഞു.

ദിലീപി​ന്‍റെയും സഹോദരൻ അനൂപി​ന്‍റെയും വീടുകളിലും ഒാഫീസിലുമാണ് ക്രൈംബ്രാഞ്ച് പ്രത്യേക സംഘം റെയ്ഡ് നടക്കുന്നത്. ദിലീപി​ന്‍റെ ആലുവ തോട്ടക്കാട്ടുകരയിലുള്ള പത്മസരോവരം വീട്ടിലാണ് റെയ്ഡ് പുരോഗമിക്കുന്നത്.

ന​ടി​യെ ആ​ക്ര​മി​ച്ച കേ​സ്​ അ​ന്വേ​ഷി​ച്ച പൊ​ലീ​സ്​ ഉ​ദ്യോ​ഗ​സ്ഥ​രെ ആ​ക്ര​മി​ക്കാ​ൻ ദി​ലീ​പ്​ പ​ദ്ധ​തി​യി​ട്ടു​വെ​ന്ന കേ​സി​ൽ സാ​ക്ഷി​യാ​യ ബാ​ല​ച​ന്ദ്ര​കു​മാ​ർ നി​ർ​ണാ​യ​ക തെ​ളി​വു​ക​ൾ ചൊ​വ്വാ​ഴ്ച​ ക്രൈം​ബ്രാ​ഞ്ച് സം​ഘ​ത്തി​ന് കൈ​മാ​റിയിരുന്നു. ഡി​ജി​റ്റ​ൽ തെ​ളി​വു​ക​ൾ ഉ​ൾ​പ്പെ​ടെ ഉള്ളവയാണ് കൈ​മാ​റിയത്.

ന​ടി​യെ ആ​ക്ര​മി​ച്ച കേ​സ് അ​ട്ടി​മ​റി​ക്കാ​നും വി​ചാ​ര​ണ ത​ട​സപ്പെ​ടു​ത്താ​നും ദി​ലീ​പ്​ ഉ​ൾ​പ്പെ​ടെ​യു​ള്ള​വ​ർ ശ്ര​മി​ക്കു​ന്ന​തി​ന്‍റെ ശ​ബ്ദ​രേ​ഖ​ക​ൾ ബാ​ല​ച​ന്ദ്ര​കു​മാ​ർ അ​ടു​ത്തി​ടെ പു​റ​ത്തു​വി​ട്ടിരുന്നു. കേ​സി​ൽ പ്രോ​സി​ക്യൂ​ഷ​ന് സ​ഹാ​യ​ക​ര​മാ​കു​ന്ന തെ​ളി​വു​ക​ളാ​ണ് ഇ​തെ​ന്നാ​ണ് ക​ണ​ക്കു​കൂ​ട്ട​ൽ.

വെ​ളി​പ്പെ​ടു​ത്ത​ലി​നെ തു​ട​ർ​ന്ന് ​ഡി​വൈ.​എ​സ്‌.​പി ബൈ​ജു പൗ​ലോ​സ് ത​ല​വ​നാ​യ അ​ന്വേ​ഷ​ണ​ സം​ഘ​മാ​ണ് ബാ​ല​ച​ന്ദ്ര​കു​മാ​റി​ൽ​ നി​ന്ന്​ മൊ​ഴി​യെ​ടു​ത്ത​ത്. എ.​ഡി.​ജി.​പി എ​സ്. ശ്രീ​ജി​ത്തി​നാ​ണ്​ അ​ന്വേ​ഷ​ണ​ച്ചു​മ​ത​ല.