മഴ തുടരും; ആറ്​ ജില്ലകളിൽ തിങ്കളാഴ്ച മഞ്ഞ അലർട്ട്​

തിരുവനന്തപുരം: പത്തനംതിട്ട, കോട്ടയം, എറണാകുളം, ഇടുക്കി, മലപ്പുറം, വയനാട്​ എന്നീ ആറ്​ ജില്ലകളിൽ തിങ്കളാഴ്ച മഞ്ഞ അലർട്ട്​. എട്ട്​ വരെ മഴ തുടരും. ചൊവ്വാഴ്​ചയും ബുധനാഴ്ചയും 11 ജില്ലകളിലും തിരുവോണദിവസമായ എട്ടിന്​ തൃശൂർ, മലപ്പുറം, കോഴിക്കോട്​ വയനാട്​ ജില്ലകളിലും മഞ്ഞ അലർട്ടുണ്ട്​.

ലക്ഷദ്വീപ്​​ തീരങ്ങളിൽ തിങ്കളാഴ്ചയും മത്സ്യബന്ധനം പാടില്ല. കേരള, കർണാടക തീരങ്ങളിൽ തടസ്സമില്ല. എട്ട്​ വരെ ഒറ്റപ്പെട്ട സ്ഥലങ്ങളിൽ ഇടിമിന്നലോടെ മഴക്ക്​ സാധ്യതയുണ്ടെന്നും കേന്ദ്ര കാലാവസ്ഥ വകുപ്പ്​ അറിയിച്ചു.