ദു​രി​ത​ങ്ങ​ളു​ടെ പെ​രു​മ​ഴ​ക്കാ​ലം

ദേ​ശീ​യ​പാ​ത വി​ക​സ​നം അ​ഴി​യൂ​ർ റീ​ച്ചി​ൽ ദു​രി​ത​ങ്ങ​ളു​ടെ പെ​രു​മ​ഴ​ക്കാ​ല​മാ​ണ്. ദേ​ശീ​യ​പാ​ത​യു​ടെ അ​ഴി​യൂ​ർ മു​ത​ൽ വെ​ങ്ങ​ളം​വ​രെ നീ​ളു​ന്ന​താ​ണ് അ​ഴി​യൂ​ർ റീ​ച്ച്. നി​ർ​മാ​ണ ഘ​ട്ട​ത്തി​ൽ ആ​രം​ഭി​ച്ച പ​രാ​തി​ക​ളു​ടെ​യും ദു​രി​ത​ങ്ങ​ളു​ടെ​യും വേ​ലി​യേ​റ്റം നി​ല​ക്കാ​തെ തു​ട​രു​ക​യാ​ണ്.

ദേ​ശീ​യ​പാ​ത 66ൽ ​അ​ഴി​യൂ​ർ-​വെ​ങ്ങ​ളം റീ​ച്ചി​ൽ 40.8 കി​ലോ​മീ​റ്റ​ർ ദൂ​ര​ത്തി​ലാ​ണ് പ്ര​വൃ​ത്തി പു​രോ​ഗ​മി​ക്കു​ന്ന​ത്. 2021 മാ​ർ​ച്ചി​ൽ ഒ​പ്പി​ട്ട ക​രാ​ർ​പ്ര​കാ​രം 1838 കോ​ടി രൂ​പ​യു​ടെ പ്ര​വൃ​ത്തി​യാ​ണ് ന​ട​ക്കു​ന്ന​ത്. ര​ണ്ട​ര വ​ർ​ഷ​മാ​യി​രു​ന്നു നി​ർ​മാ​ണ കാ​ലാ​വ​ധി. എ​ന്നാ​ൽ, പ്ര​വൃ​ത്തി അ​ന​ന്ത​മാ​യി നീ​ളു​ക​യാ​ണ്.

ഉ​പ​ക​രാ​റു​ക​ളു​ടെ ക​ളി

അ​ഴി​യൂ​ർ-​വെ​ങ്ങ​ളം റീ​ച്ച് പ്ര​വൃ​ത്തി അ​ദാ​നി എ​ന്റ​ർ​പ്രൈ​സ​സ് ലി​മി​റ്റ​ഡാ​ണ് ക​രാ​റെ​ടു​ത്ത​തെ​ങ്കി​ലും ഇ​വ​ർ വാ​ഗ​ഡ് ക​മ്പ​നി​ക്ക് ഉ​പ​ക​രാ​ർ ന​ൽ​കി. അ​ദാ​നി​യു​ടെ മേ​ൽ​നോ​ട്ട​ത്തി​ൽ വാ​ഗ​ഡ് പ്ര​വൃ​ത്തി ന​ട​ത്തു​ന്ന​തി​നി​ടെ വ​ട​ക​ര മേ​ഖ​ല​യി​ലെ ഓ​വു​ചാ​ലു​ക​ളു​ടെ നി​ർ​മാ​ണം ഹൈ​ദ​രാ​ബാ​ദി​ലെ മ​റ്റൊ​രു നി​ർ​മാ​ണ ക​മ്പ​നി​ക്ക് ഉ​പ​ക​രാ​ർ ന​ൽ​കി. എ​ന്നാ​ൽ, ഇ​വ​ർ പ്ര​വൃ​ത്തി പാ​തി​വ​ഴി​ക്ക് നി​ർ​ത്തി മ​ട​ങ്ങി.

ഇ​തോ​ടെ വ​ട​ക​ര മേ​ഖ​ല​യി​ൽ പ​ല​യി​ട​ത്തും ഓ​വു​ചാ​ലു​ക​ളു​ടെ നി​ർ​മാ​ണം ത​ട​സ്സ​പ്പെ​ടു​ക​യും സ്ലാ​ബു​ക​ൾ പൊ​ട്ടി​പ്പൊ​ളി​യു​ന്ന അ​വ​സ്ഥ​യി​ലു​മാ​യി. ഡ്രെ​യി​നേ​ജ് ഉ​ൾ​പ്പെ​ടെ​യു​ള്ള ഭാ​ഗ​ങ്ങ​ൾ അ​ട​ങ്ങി​യ​താ​ണ് സ​ർ​വി​സ് റോ​ഡ്. സ​ർ​വി​സ് റോ​ഡ് പൂ​ർ​ണ​മാ​യും തു​റ​ക്കു​ന്ന​തോ​ടെ യാ​ത്ര പ​ല​യി​ട​ത്തും ത​ട​സ്സ​പ്പെ​ടു​ന്ന അ​വ​സ്ഥ​യാ​ണ് നി​ല​വി​ലു​ള്ള​ത്.

ഉ​പ​ക​രാ​റു​ക​ൾ സ്വാ​ഭാ​വി​ക​മാ​ണെ​ന്നാ​ണ് ക​മ്പ​നി​യു​ടെ വി​ശ​ദീ​ക​ര​ണം. എ​ന്നാ​ൽ, ഗു​ണ​നി​ല​വാ​രം ഉ​റ​പ്പു​വ​രു​ത്തേ​ണ്ട​ത് ആ​രു​ടെ ചു​മ​ത​ല​യാ​ണെ​ന്ന ചോ​ദ്യ​ത്തി​ന് ഉ​ത്ത​ര​മി​ല്ല. ഒ​രു പ്ര​വൃ​ത്തി​യി​ലെ ഒ​ന്നി​ലേ​റെ ഉ​പ​ക​രാ​റു​ക​ൾ നി​ർ​മാ​ണ ഗു​ണ​നി​ല​വാ​ര​ത്തെ ബാ​ധി​ക്കു​മെ​ന്ന ആ​ശ​ങ്ക ശ​ക്ത​മാ​ണ്.

അ​ഴി​യൂ​ർ-​വെ​ങ്ങ​ളം റീ​ച്ചി​ലെ പാ​ലോ​ളി​പ്പാ​ലം മു​ത​ൽ മൂ​രാ​ടു​വ​രെ​യു​ള്ള 2.1 കി​ലോ​മീ​റ്റ​ർ റോ​ഡും മൂ​രാ​ട്, പാ​ലോ​ളി​പ്പാ​ലം എ​ന്നി​വി​ട​ങ്ങ​ളി​ലെ പാ​ല​ങ്ങ​ളു​ടെ നി​ർ​മാ​ണ​വും പ്ര​ത്യേ​ക ടെ​ൻ​ഡ​റാ​യി ന​ൽ​കി​യ​തി​നാ​ൽ ഇ-​ഫൈ​വ് ഇ​ൻ​ഫ്രാ​സ്ട്ര​ക്ച​ർ എ​ന്ന ക​മ്പ​നി​യാ​ണ് പ്ര​വൃ​ത്തി ഏ​റ്റെ​ടു​ത്ത​ത്. ഇ​വി​ടെ ഓ​വു​ചാ​ൽ സ്ലാ​ബു​ക​ൾ 25 സെ​ന്റി​മീ​റ്റ​ർ ക​ന​ത്തി​ൽ നി​ർ​മി​ച്ച​പ്പോ​ൾ വ​ട​ക​ര​യി​ലും മ​റ്റും ഇ​ത് 15 സെ​ന്റി​മീ​റ്റ​റാ​യാ​ണ് നി​ർ​മി​ച്ച​ത്. വ​ട​ക​ര മേ​ഖ​ല​യി​ൽ​ത​ന്നെ ഓ​വു​ചാ​ലു​ക​ൾ ര​ണ്ടു​ത​ര​ത്തി​ലാ​ണെ​ന്നും ആ​ക്ഷേ​പ​മു​ണ്ട്.

ഡി.​പി.​ആ​ർ പു​റ​ത്തു​വി​ടു​ന്നി​ല്ല

ദേ​ശീ​യ​പാ​ത നി​ർ​മാ​ണ​വു​മാ​യി ബ​ന്ധ​പ്പെ​ട്ട് വെ​ങ്ങ​ളം-​അ​ഴി​യൂ​ർ റീ​ച്ചി​ൽ വി​ശ​ദ പ​ദ്ധ​തി റി​പ്പോ​ർ​ട്ട് (ഡി.​പി.​ആ​ർ) പു​റ​ത്തു​വി​ടാ​ൻ ദേ​ശീ​യ​പാ​ത അ​തോ​റി​റ്റി ത​യാ​റാ​വു​ന്നി​ല്ല. ഡി.​പി.​ആ​ർ ല​ഭി​ക്കാ​ത്ത​തി​നാ​ൽ നി​ർ​മാ​ണം സം​ബ​ന്ധി​ച്ച വി​വ​ര​ങ്ങ​ൾ അ​റി​യാ​ത്ത​തി​നാ​ൽ പ്ര​വ​ർ​ത്ത​ന​ങ്ങ​ളി​ലെ വീ​ഴ്ച​ക​ൾ ചൂ​ണ്ടി​ക്കാ​ണി​ക്കാ​ൻ പ​റ്റാ​ത്ത അ​വ​സ്ഥ​യാ​ണ്.

ദേ​ശീ​യ​പാ​ത നി​ർ​മാ​ണം പ​കു​തി​യി​ല​ധി​കം പി​ന്നി​ട്ടി​ട്ടും അ​ധി​കൃ​ത​ർ ഡി.​പി.​ആ​ർ ന​ൽ​കു​ന്നി​ല്ലെ​ന്ന ആ​രോ​പ​ണം ശ​ക്ത​മാ​ണ്. നി​ർ​മാ​ണ പ്ര​വ​ർ​ത്ത​ന​ങ്ങ​ളു​മാ​യി ബ​ന്ധ​പ്പെ​ട്ട് പ​രാ​തി​ക​ൾ ഉ​യ​രു​മ്പോ​ൾ വി​ളി​ച്ചു​ചേ​ർ​ക്കു​ന്ന യോ​ഗ​ങ്ങ​ളി​ൽ ജ​ന​പ്ര​തി​നി​ധി​ക​ൾ ഉ​ൾ​പ്പെ​ടെ​യു​ള്ള​വ​ർ ഡി.​പി.​ആ​ർ സം​ബ​ന്ധി​ച്ച് ചോ​ദ്യ​ങ്ങ​ൾ ഉ​യ​ർ​ത്താ​റു​ണ്ട്. എ​ന്നാ​ൽ, അ​ധി​കൃ​ത​ർ മൗ​നം പാ​ലി​ക്കു​ന്നു.

ഡി.​പി.​ആ​ർ ല​ഭ്യ​മ​ല്ലാ​ത്ത​തി​നാ​ൽ നി​ർ​മാ​ണം പാ​തി​വ​ഴി​യി​ലെ​ത്തു​മ്പോ​ഴാ​ണ് യാ​ത്രാ​പ്ര​ശ്ന​ത്തി​ന്റെ രൂ​ക്ഷ​ത ജ​ന​ങ്ങ​ൾ മ​ന​സ്സി​ലാ​ക്കു​ന്ന​ത്. നാ​ദാ​പു​രം റോ​ഡി​ലും മു​ക്കാ​ളി​യി​ലും ജ​ന​ങ്ങ​ൾ സ​മ​ര​മു​ഖ​ത്താ​ണ്. വ​ട​ക്കെ മു​ക്കാ​ളി​യി​ൽ നി​ല​വി​ലു​ള്ള അ​ടി​പ്പാ​ത സം​ര​ക്ഷി​ക്കാ​നും ചോ​മ്പാ​ൽ ബം​ഗ്ലാ​വി​ൽ ക്ഷേ​ത്ര​ത്തി​ന​ടു​ത്ത് ഹൈ​വേ​യി​ൽ നി​ർ​മി​ച്ച ഓ​വു​ചാ​ലി​ലെ വെ​ള്ളം പൊ​തു​വ​ഴി​യി​ലേ​ക്ക് തു​റ​ന്നു​വി​ടു​ന്ന​തി​നു​മെ​തി​രെ​യാ​ണ് സ​മ​രം.

മ​ട​പ്പ​ള്ളി​യി​ൽ അ​ടി​പ്പാ​ത നി​ർ​മി​ക്ക​ണ​മെ​ന്ന് ആ​വ​ശ്യ​പ്പെ​ട്ട് ദേ​ശീ​യ​പാ​ത​യോ​ര​ത്ത് സ​മ​രം ശ​ക്ത​മാ​ണ്. ജ​ന​ങ്ങ​ളു​യ​ർ​ത്തു​ന്ന ന്യാ​യ​മാ​യ ആ​വ​ശ്യ​ങ്ങ​ൾ​ക്കു​മു​ന്നി​ൽ ദേ​ശീ​യ​പാ​ത അ​തോ​റി​റ്റി പു​റം​തി​രി​ഞ്ഞ് നി​ൽ​ക്കു​ന്ന കാ​ഴ്ച​യാ​ണു​ള്ള​ത്.

സ​ർ​വി​സ് റോ​ഡു​ക​ളി​ൽ​നി​ന്നും ദേ​ശീ​യ പാ​ത​യി​ലേ​ക്ക് ക​യ​റാ​ൻ ടൗ​ണു​ക​ളി​ൽ നി​ന്നും ദീ​ർ​ഘ​ദൂ​രം പോ​കേ​ണ്ട അ​വ​സ്ഥ​യു​ണ്ട്. ഇ​തി​നൊ​ക്കെ ശാ​ശ്വ​ത പ​രി​ഹാ​രം കാ​ണാ​ൻ ഡി.​പി.​ആ​ർ ഉ​ൾ​പ്പെ​ടെ ല​ഭ്യ​മാ​ക്കി ജ​ന​ങ്ങ​ളെ വി​ശ്വാ​സ​ത്തി​ലെ​ടു​ത്ത് അ​ധി​കൃ​ത​ർ മു​ന്നോ​ട്ടു​പോ​ക​ണ​മെ​ന്ന ആ​വ​ശ്യ​മാ​ണ് ഉ​യ​രു​ന്ന​ത്.

കാ​ല​വ​ർ​ഷ​വും ആ​ശ​ങ്ക​യും

കാ​ല​വ​ർ​ഷ​ത്തി​ന്റെ തു​ട​ക്ക​ത്തി​ൽ ത​ന്നെ ദേ​ശീ​യ​പാ​ത​യി​ലെ വെ​ള്ള​ക്കെ​ട്ട് ആ​ശ​ങ്ക​ക്കി​ട​യാ​ക്കി​യി​ട്ടു​ണ്ട്. കെ.​ടി ബ​സാ​ർ, ക​രി​മ്പ​ന​പ്പാ​ലം, മു​ക്കാ​ളി തു​ട​ക്കി​യ മി​ക്ക ഭാ​ഗ​ങ്ങ​ളി​ലും വെ​ള്ള​ക്കെ​ട്ട് ജ​ന​ജീ​വി​ത​ത്തെ ബാ​ധി​ച്ചു തു​ട​ങ്ങി. കാ​ല​വ​ർ​ഷം ശ​ക്ത​മാ​വു​ന്ന​തോ​ടെ സ്ഥി​തി​ഗ​തി​ക​ൾ രൂ​ക്ഷ​മാ​വും.

വെ​ള്ള​ക്കെ​ട്ടി​ന് സാ​ധ്യ​ത​യു​ള്ള സ്ഥ​ല​ങ്ങ​ൾ ക​ണ്ടെ​ത്തി ശാ​ശ്വ​ത പ​രി​ഹാ​രം കാ​ണേ​ണ്ട​ത് അ​ത്യാ​വ​ശ്യ​മാ​ണ്. കു​റ്റ​മ​റ്റ രീ​തി​യി​ൽ പ​ണി പൂ​ർ​ത്തി​യാ​ക്കി​യെ​ന്ന് അ​വ​കാ​ശ​പ്പെ​ടു​ന്ന മാ​ഹി ബൈ​പാ​സി​ൽ ക​ഴി​ഞ്ഞ ദി​വ​സം പെ​യ്ത മ​ഴ​യി​ൽ വെ​ള്ളം ക​യ​റി ഗ​താ​ഗ​തം സ്തം​ഭി​ച്ചി​രു​ന്നു. ഇ​തി​ന് ചേ​ർ​ന്നു​ള്ള അ​ഴി​യൂ​ർ റീ​ച്ചി​ൽ കൂ​ടു​ത​ൽ മു​ൻ​ക​രു​ത​ലു​ക​ളോ​ടെ പാ​ത നി​ർ​മാ​ണം പൂ​ർ​ത്തീ​ക​രി​ക്ക​ണ​മെ​ന്നാ​ണ് ആ​വ​ശ്യം.

ഗ​താ​ഗ​ത​ക്കു​രു​ക്ക്

പാ​ത നി​ർ​മാ​ണ​ത്തി​നി​ടെ രൂ​പ​പ്പെ​ടു​ന്ന ഗ​താ​ഗ​ത​ക്കു​രു​ക്കി​ന് പ​രി​ഹാ​രം ക​ണ്ടെ​ത്തി​യേ മ​തി​യാ​വു. ആം​ബു​ല​ൻ​സ് ഉ​ൾ​പ്പെ​ടെ​യു​ള്ള വാ​ഹ​ന​ങ്ങ​ൾ കു​രു​ക്കി​ൽ​പെ​ടു​ന്ന​ത് നി​ത്യ​സം​ഭ​വ​മാ​ണ്. ക​ണ്ണൂ​ർ ഭാ​ഗ​ത്തു​നി​ന്ന് കോ​ഴി​ക്കോ​ട് മെ​ഡി​ക്ക​ൽ കോ​ള​ജ്, സ്വ​കാ​ര്യ ആ​ശു​പ​ത്രി​ക​ൾ ഉ​ൾ​പ്പെ​ടെ​യു​ള്ള സ്ഥ​ല​ങ്ങ​ളി​ലേ​ക്ക് ദി​വ​സ​വും നി​ര​വ​ധി ആം​ബു​ല​ൻ​സു​ക​ളാ​ണ് രോ​ഗി​ക​ളു​മാ​യി കു​തി​ക്കു​ന്ന​ത്.

ഗ​താ​ഗ​ത നി​യ​ന്ത്ര​ണ​ത്തി​ന് ഒ​ന്നോ ര​ണ്ടോ പേ​രെ​യാ​ണ് വ​ട​ക​ര​യി​ൽ തി​ര​ക്കു​ള്ള കേ​ന്ദ്ര​ങ്ങ​ളി​ൽ നി​യോ​ഗി​ക്കു​ന്ന​ത്. ട്രാ​ഫി​ക് നി​യ​ന്ത്ര​ണ​ത്തി​ന് കൂ​ടു​ത​ൽ പേ​രെ നി​യോ​ഗി​ച്ച് കു​റ്റ​മ​റ്റ രീ​തി​യി​ൽ വാ​ഹ​ന​ങ്ങ​ൾ​ക്ക് ക​ട​ന്നു​പോ​വാ​ൻ സം​വി​ധാ​നം ഒ​രു​ക്ക​ണം.

വ്യാ​പാ​രി​ക​ൾ​ക്ക് വീ​ണ്ടും ഇ​രു​ട്ട​ടി

വ​ട​ക​ര ന​ഗ​ര​ത്തോ​ടു​ചേ​ർ​ന്ന് ഉ​യ​ര​പ്പാ​ത നി​ർ​മാ​ണം പു​രോ​ഗ​മി​ക്കു​ക​യാ​ണ്. റോ​ഡ് ര​ണ്ടാ​യി വി​ഭ​ജി​ച്ചാ​ണ് വാ​ഹ​നം ക​ട​ത്തി​വി​ടു​ന്ന​ത്. വ്യാ​പാ​രി​ക​ൾ​ക്ക് ക​ന​ത്ത ന​ഷ്ട​മാ​ണ് ഇ​തി​ലൂ​ടെ ഉ​ണ്ടാ​വു​ന്ന​ത്. പാ​ത ര​ണ്ടാ​യി വി​ഭ​ജി​ച്ച​തോ​ടെ രൂ​ക്ഷ​മാ​യ ഗ​താ​ഗ​ത​ക്കു​രു​ക്കി​ൽ ക​ട​ക​ളി​ൽ ആ​ളു​ക​ൾ​ക്ക് വ​രാ​നോ വാ​ഹ​നം പാ​ർ​ക്ക് ചെ​യ്യാ​നോ ക​ഴി​യു​ന്നി​ല്ല.

പൊ​ളി​ച്ചു​മാ​റ്റി​യ ക​ട​ക​ൾ​ക്കു​പ​ക​രം വ​ലി​യ വാ​ട​ക ന​ൽ​കി​യാ​ണ് വ്യാ​പാ​രി​ക​ൾ വീ​ണ്ടും ക​ച്ച​വ​ട​ത്തി​നി​റ​ങ്ങി​യ​ത്. ക​ട​ക​ളി​ൽ ആ​ളു​ക​ൾ ക​യ​റാ​താ​യ​തോ​ടെ വാ​ട​ക പോ​ലും ന​ൽ​കാ​ൻ ക​ഴി​യാ​ത്ത സ്ഥി​തി​യാ​ണെ​ന്ന് വ്യാ​പാ​രി​ക​ൾ പ​റ​യു​ന്നു. ഉ​യ​ര​പ്പാ​ത യാ​ഥാ​ർ​ഥ്യ​മാ​വാ​ൻ കാ​ല​ങ്ങ​ളെ​ടു​ക്കും. ശ​രി​യാ​യ ഗ​താ​ഗ​ത സം​വി​ധാ​ന​മൊ​രു​ക്കി നി​ർ​മാ​ണം മു​ന്നോ​ട്ടു​കൊ​ണ്ടു​പോ​വ​ണ​മെ​ന്നാ​ണ് വ്യാ​പാ​രി​ക​ളു​ടെ ആ​വ​ശ്യം.

സ​ർ​വി​സ് റോ​ഡ് പ്ര​വൃ​ത്തി പൂ​ർ​ത്തി​യാ​വാ​തെ പ്ര​ധാ​ന പാ​ത തു​റ​ന്ന​ത് അ​പ​ക​ട​ക്കു​രു​ക്കാ​വു​ന്നു

ദേ​ശീ​യ​പാ​ത​യി​ൽ സ​ർ​വി​സ് റോ​ഡ് പ്ര​വൃ​ത്തി പൂ​ർ​ത്തി​യാ​വാ​തെ പ്ര​ധാ​ന പാ​ത ഗ​താ​ഗ​ത​ത്തി​ന് തു​റ​ന്ന​ത് അ​പ​ക​ട​ക്കു​രു​ക്കാ​വു​ന്നു. പു​തു​പ്പ​ണം ദേ​ശീ​യ പാ​ത​യി​ലേ​ക്ക് അ​ര​വി​ന്ദ് ഘോ​ഷ് റോ​ഡ്, പാ​ല​യാ​ട് ന​ട ഭാ​ഗ​ത്തു​നി​ന്നും വ​രു​ന്ന വാ​ഹ​ന​ങ്ങ​ൾ​ക്കും വ​ട​ക​ര ഭാ​ഗ​ത്തേ​ക്കു​ള്ള മെ​യി​ൻ റോ​ഡി​ൽ പ്ര​വേ​ശി​ക്കാ​ൻ അ​ര​വി​ന്ദ് ഘോ​ഷ് റോ​ഡി​നു​സ​മീ​പം മാ​ത്ര​മാ​ണ് നി​ല​വി​ൽ സൗ​ക​ര്യ​മു​ള്ള​ത്. ഇ​തു​വ​ഴി ശ്ര​ദ്ധി​ക്കാ​തെ പ്ര​ധാ​ന പാ​ത​യി​ലേ​ക്ക് വാ​ഹ​നം പ്ര​വേ​ശി​ച്ചാ​ൽ അ​പ​ക​ട​ത്തി​ൽ​പെ​ടു​മെ​ന്ന് ഉ​റ​പ്പാ​ണ്.

(അ​വ​സാ​നി​ച്ചു)