വീ​ഴ്ച സ​മ്മ​തി​ച്ച് വി.​സി; കു​ട്ടി​ക​ളെ ക​യ​റ്റി​വി​ടു​ന്ന​തി​ൽ സ​മ​യ​ക്ര​മം പാ​ലി​ച്ചി​ല്ല

കൊ​ച്ചി: കൊ​ച്ചി ശാ​സ്ത്ര സാ​​ങ്കേ​തി​ക സ​ർ​വ​ക​ലാ​ശാ​ല കാ​മ്പ​സി​ൽ ന​ട​ന്ന സം​ഗീ​ത​നി​ശ​യു​ടെ സം​ഘാ​ട​ന​ത്തി​ൽ പാ​ളി​ച്ച പ​റ്റി​യെ​ന്ന് ​വൈ​സ്​ ചാ​ൻ​സ​ല​ർ പി.​ജി. ശ​ങ്ക​ര​ൻ. പ്ര​തീ​ക്ഷി​ക്കാ​ത്ത​ത്ര ആ​ൾ​ക്കൂ​ട്ടം എ​ത്തി​യെ​ന്നും സ​മ​യ​ക്ര​മം പാ​ലി​ച്ച് കു​ട്ടി​ക​ളെ ക​യ​റ്റി​വി​ടു​ന്ന​തി​ൽ വീ​ഴ്​​ച സം​ഭ​വി​ച്ചെ​ന്നും അ​ദ്ദേ​ഹം പ്ര​തി​ക​രി​ച്ചു.

വ​ലി​യൊ​രു വി​ഭാ​ഗം വി​ദ്യാ​ർ​ഥി​ക​ളും പൊ​തു​ജ​ന​ങ്ങ​ളും പ​രി​പാ​ടി കാ​ണാ​ൻ ഓ​ഡി​റ്റോ​റി​യ​ത്തി​നു​ പു​റ​ത്ത് ത​ടി​ച്ചു​കൂ​ടി​യി​രു​ന്നു. സം​ഗീ​ത പ​രി​പാ​ടി കാ​ണാ​ൻ പു​റ​ത്തു​നി​ന്നു​ള്ള വി​ദ്യാ​ർ​ഥി​ക​ളും പൊ​തു​ജ​ന​ങ്ങ​ളും ത​ള്ളി​ക്ക​യ​റി​യ​താ​ണ് അ​പ​ക​ട​കാ​ര​ണ​മെ​ന്ന് വൈ​സ്​ ചാ​ൻ​സ​ല​ർ നി​യോ​ഗി​ച്ച സി​ൻ​ഡി​ക്കേ​റ്റ് ഉ​പ​സ​മി​തി​യു​ടെ പ്രാ​ഥ​മി​ക റി​പ്പോ​ർ​ട്ടി​ൽ പ​റ​യു​ന്നു. സം​ഗീ​ത പ​രി​പാ​ടി തു​ട​ങ്ങും​മു​മ്പു​ത​ന്നെ വി​ദ്യാ​ർ​ഥി​ക​ളെ പ്ര​വേ​ശി​പ്പി​ച്ചി​രു​ന്നു. ഒ​ട്ടേ​റെ വി​ദ്യാ​ർ​ഥി​ക​ളും പൊ​തു​ജ​ന​ങ്ങ​ളും പ​രി​പാ​ടി കാ​ണാ​ൻ പു​റ​ത്തു​ണ്ടാ​യി​രു​ന്നു.

പ​രി​പാ​ടി തു​ട​ങ്ങാ​റാ​യ​പ്പോ​ൾ ഇ​വ​രെ​ല്ലാം അ​ക​ത്തേ​ക്കു ക​യ​റാ​ൻ ശ്ര​മി​ച്ചു. അ​തി​നി​ടെ ചാ​റ്റ​ൽ​മ​ഴ തു​ട​ങ്ങി​യ​തോ​ടെ എ​ല്ലാ​വ​രും അ​ക​ത്തേ​ക്ക് ത​ള്ളി​ക്ക​യ​റു​ക​യാ​യി​രു​ന്നു. കു​ത്ത​നെ പ​ട​വു​ക​ളി​റ​ങ്ങി വേ​ണ​മാ​യി​രു​ന്നു സം​ഗീ​ത​നി​ശ ന​ട​ക്കു​ന്ന സ​ദ​സ്സി​ലെ​ത്താ​ൻ. അ​വി​ടേ​ക്ക്​ കൂ​ട്ട​ത്തോ​ടെ അ​തി​വേ​ഗം പാ​ഞ്ഞു​വ​ന്ന​വ​രു​ടെ മു​ന്നി​ൽ നീ​ങ്ങി​യ വി​ദ്യാ​ർ​ഥി​ക​ള​ട​ക്ക​മു​ള്ള​വ​ർ കാ​ലി​ട​റി വീ​ഴു​ക​യും പി​ന്നാ​ലെ വ​ന്ന​വ​രും വീ​ഴു​ക​യും ച​വി​ട്ടി​ക്ക​ട​ന്നു​പോ​കു​ക​യു​മാ​യി​രു​ന്നു- റി​പ്പോ​ർ​ട്ട്​ പ​റ​യു​ന്നു.

മജിസ്ട്രേറ്റ്തല അന്വേഷണം; കോ​ള​ജു​ക​ളി​ലെ പ​രി​പാ​ടി​ക​ൾ​ക്ക് മാ​ർ​ഗ​രേ​ഖ​യു​ണ്ടാ​ക്കും

കൊ​ച്ചി: തി​ക്കി​ലും തി​ര​ക്കി​ലും​പെ​ട്ട് നാ​ലു പേ​ർ മ​രി​ച്ച സം​ഭ​വ​ത്തി​ൽ മ​ജി​സ്ട്രേ​റ്റ്ത​ല അ​ന്വേ​ഷ​ണം ന​ട​ത്തും. ഇ​തു​മാ​യി ബ​ന്ധ​പ്പെ​ട്ട് ര​ണ്ടു ദി​വ​സ​ത്തി​ന​കം ഉ​ത്ത​ര​വി​റ​ങ്ങു​മെ​ന്നാ​ണ് വി​വ​രം. അ​ന്വേ​ഷ​ണ വി​ഷ​യ​ങ്ങ​ള്‍ തീ​രു​മാ​നി​ക്കാ​ന്‍ ജി​ല്ല ഭ​ര​ണ​കൂ​ടം ന​ട​പ​ടി​ക​ൾ തു​ട​ങ്ങി​യി​ട്ടു​ണ്ട്. സു​ര​ക്ഷ​വീ​ഴ്​​​ച സം​ബ​ന്ധി​ച്ച റി​പ്പോ​ർ​ട്ട്​ സം​സ്ഥാ​ന ര​ഹ​സ്യാ​ന്വേ​ഷ​ണ വി​ഭാ​ഗം എ.​ഡി.​ജി.​പി​ക്ക്​​ കൈ​മാ​റി​യി​രു​ന്നു.

സം​സ്ഥാ​ന ദു​ര​ന്ത നി​വാ​ര​ണ അ​തോ​റി​റ്റി​യും അ​ന്വേ​ഷി​ക്കും. മൂ​ന്നം​ഗ സ​മി​തി​യാ​ണ് അ​ന്വേ​ഷി​ക്കു​ക. ദാ​രു​ണ സം​ഭ​വം സു​ര​ക്ഷ​വീ​ഴ്ച മൂ​ല​മാ​ണെ​ന്ന​ പൊ​ലീ​സ്​ റി​പ്പോ​ർ​ട്ടു​കൂ​ടി ക​ണ​ക്കി​ലെ​ടു​ത്താ​ണ്​ ന​ട​പ​ടി. സം​ഗീ​ത പ​രി​പാ​ടി​ക്ക്​ മ​തി​യാ​യ സു​ര​ക്ഷ ഒ​രു​ക്കി​യി​ല്ല. പു​റ​മെ​നി​ന്നു​ള്ള​വ​ർ​ക്കു​കൂ​ടി പ്ര​വേ​ശ​നം അ​നു​വ​ദി​ച്ച സാ​ഹ​ച​ര്യ​ത്തി​ൽ പൊ​ലീ​സി​നെ അ​റി​യി​ച്ച്​ മു​ൻ​ക​രു​ത​ൽ എ​ടു​ക്കു​ന്ന​തി​ൽ സ​ർ​വ​ക​ലാ​ശാ​ല അ​ധി​കൃ​ത​ർ​ക്ക്​ വീ​ഴ്ച​പ​റ്റി. ഒ​റ്റ ക​വാ​ട​ത്തി​ലൂ​ടെ മാ​ത്ര​മേ പ്ര​വേ​ശി​ക്കാ​നും പു​റ​ത്തു​ക​ട​ക്കാ​നും ക​ഴി​യു​മാ​യി​രു​ന്നു​ള്ളൂ എ​ന്ന​ത് അ​പ​ക​ട​തീ​വ്ര​ത കൂ​ട്ടി.

വൈ​സ്​ ചാ​ൻ​സ​ല​റോ​ടും ഉ​ന്ന​ത വി​ദ്യാ​ഭ്യാ​സ പ്രി​ൻ​സി​പ്പ​ൽ സെ​ക്ര​ട്ട​റി​യോ​ടും ഉ​ന്ന​ത വി​ദ്യാ​ഭ്യാ​സ മ​ന്ത്രി ആ​ര്‍. ബി​ന്ദു റി​പ്പോ​ര്‍ട്ട് തേ​ടി. കോ​ള​ജു​ക​ളി​ലെ ടെ​ക്ഫെ​സ്റ്റ് ഉ​ൾ​പ്പെ​ടെ പ​രി​പാ​ടി​ക​ൾ​ക്ക് മാ​ർ​ഗ​രേ​ഖ​യു​ണ്ടാ​ക്കു​മെ​ന്നും അ​വ​ർ പ​റ​ഞ്ഞു. റ​വ​ന്യൂ മ​ന്ത്രി കെ. ​രാ​ജ​ന്‍ ജി​ല്ല ക​ല​ക്ട​റോ​ടും​ റി​പ്പോ​ർ​ട്ട്​ തേ​ടി.

ദുരന്തവ്യാപ്തി കുറച്ചത് വിദ്യാർഥികളുടെ അവസരോചിത ഇടപെടൽ

ക​ള​മ​ശ്ശേ​രി: കൊ​ച്ചി സ​ർ​വ​ക​ലാ​ശാ​ല​യി​ൽ മൂ​ന്ന് വി​ദ്യാ​ർ​ഥി​ക​ളു​ൾ​പ്പെ​ടെ നാ​ലു​പേ​രു​ടെ മ​ര​ണ​ത്തി​നി​ട​യാ​ക്കി​യ സം​ഭ​വ​ത്തി​ൽ ദു​ര​ന്ത​ത്തി​ന്റെ വ്യാ​പ്തി കു​റ​ഞ്ഞ​ത്​ വി​ദ്യാ​ർ​ഥി​ക​ളു​ടെ അ​വ​സ​രോ​ചി​ത ഇ​ട​പെ​ട​ൽ മൂ​ലം. മൂ​ന്നു​ദി​വ​സ​ങ്ങ​ളി​ലാ​യി ന​ട​ന്നു​വ​ന്ന ടെ​ക്ഫെ​സ്റ്റി​ന്റെ ന​ട​ത്തി​പ്പി​ൽ സ്‌​കൂ​ൾ ഓ​ഫ് എ​ൻ​ജി​നീ​യ​റി​ങ്ങി​ൽ​നി​ന്നു​ള്ള വ​ള​ന്റി​യ​ർ​മാ​രെ ചു​മ​ത​ല​പ്പെ​ടു​ത്തി​യി​രു​ന്നു. ദു​ര​ന്തം സം​ഭ​വി​ച്ച​തോ​ടെ കു​സാ​റ്റ് ഓ​പ​ൺ​എ​യ​ർ ഓ​ഡി​റ്റോ​റി​യ​ത്തി​ന്‍റെ അ​ക​ത്തു​ണ്ടാ​യ വി​ദ്യാ​ർ​ഥി​ക​ൾ ഭ​യ​ച​കി​ത​രാ​യി പു​റ​ത്തു​ക​ട​ക്കാ​ൻ ശ്ര​മി​ച്ചാ​ൽ കൂ​ടു​ത​ൽ അ​പ​ക​ട​ക​ര​മാ​കു​മെ​ന്ന് ക​ണ്ട് ആ​രെ​യും പു​റ​ത്തേ​ക്ക് പോ​കാ​ൻ അ​നു​വ​ദി​ക്കാ​തെ വ​ള​ന്റി​യ​ർ​മാ​ർ ത​ട​ഞ്ഞു​നി​ർ​ത്തി. അ​പ​ക​ടം ന​ട​ന്ന​യു​ട​ൻ പ​രി​ക്കേ​റ്റ​വ​രെ ആ​ശു​പ​ത്രി​ക​ളി​ൽ എ​ത്തി​ക്കാ​നും ഇ​വ​ർ ഉ​ണ​ർ​ന്ന് പ്ര​വ​ർ​ത്തി​ച്ച​താ​യി അ​ധ്യാ​പ​ക​ർ പ​റ​യു​ന്നു.

ഫെ​സ്റ്റു​മാ​യി ബ​ന്ധ​പ്പെ​ട്ട് സ്വ​കാ​ര്യ ആ​ശു​പ​ത്രി​യു​ടെ ആം​ബു​ല​ൻ​സ് കാ​മ്പ​സി​ൽ സ​ജ്ജ​മാ​ക്കി നി​ർ​ത്തി​യി​രു​ന്നു. ഈ ​ആം​ബു​ല​ൻ​സി​ൽ പ​ല​രെ​യും ആ​ശു​പ​ത്രി​ക​ളി​ലേ​ക്ക് ക​യ​റ്റി​വി​ട്ടു. കാ​മ്പ​സി​ലു​ണ്ടാ​യ കാ​റു​ക​ളി​ലും ഇ​രു ച​ക്ര​വാ​ഹ​ന​ങ്ങ​ളി​ലു​മാ​യാ​ണ്​ ബാ​ക്കി​യു​ള്ള​വ​രെ ആ​ശു​പ​ത്രി​ക​ളി​ലെ​ത്തി​ച്ച​ത്.